პაპასწყუ-ჩხაია-ჯიხაშკარი-ჭაქვინჯი-მაჩხომერი-ჯახუთი და სხვა მეგრული ტური 3

[ARCHILI]

მოკლედ...

მეგრელებმა ასეთი ადგილის შესახებ მაცნობეს, რომ არსებობს ასეთი ადგილი "პაპანწყუ"...

ეს არის ხობი-ზუგდიდის გზაზე სოფელი ხამისყურის ასახვევიდან რამდენიმე კილომეტრში.

"პაპა" - ნიშნავს მღვდელს, ხოლო "ნწყუ" - ჩაძირვა.

ლეგენდის თანახმად, რომელიღაც მღვდელმა, ერთ დღეს, მუშებს ძაღლის ხორცი აჭამა, რის გამოც ის ღმერთისაგან დაისაჯა და მღვდელი, თავის საცხოვრებლიანად მიწაში შთაინთქა.

ამ ადგილას კი ტბა გაჩნდა, რომლის სიღრმეც არავინ იცის.

ისიც საინტერესოა, რომ ტბა არის შავი ფერის.

იქიდან არის კიდევ სავალი და ე.წ. ადგილი "პავილიონი", საიდანაც შავი ზღვაც კი მოჩანს.

ტყიანი და ლამაზი ადგილი ყოფილა, როგორც მითხრეს, თევზიც არის ამ ტბაში.

გზაში შეგვიძლია ჯიხაც ვნახოთ, რომელიც ხამისყურში მდებარეობს.

ამ ტურის განხორციელებას ივლისისათვის ვგეგმავ, სავარაუდოდ, პირველ ნახევარში.





თუ ვინმეს კიდევ რაიმე ცნობა გაქვთ ამ ადგილის შესახებ, იქნებ მაცნობოთ

[Jnosy]

მანდ რა არის ახლოს კიდე?
ჯიხა საინტერესოა...

[ARCHILI]

მანდ რა არის ახლოს კიდე?
ჯიხა საინტერესოა...

ჩავალთ და გავიგებთ...



მე ჩემი მოგზაურობის წესად ვაქციე, რომ ზოგადი მონახაზით წავიდე და ადგილობრივ ადამიანებს გამოვკითხო ბევრი რამ, მათ ნასწავლს კი გავყვე და დავათვალიერო...




შენც თუ იცი რამე მანდეთ საიტერესო, გაგვიზიარე...

[Wanderer]

ARCHILI

მე ჩემი მოგზაურობის წესად ვაქციე, რომ ზოგადი მონახაზით წავიდე და ადგილობრივ ადამიანებს გამოვკითხო ბევრი რამ, მათ ნასწავლს კი გავყვე და დავათვალიერო...

კარგი და საინტერესო წესი გაქვს.

[ARCHILI]

ARCHILI

მე ჩემი მოგზაურობის წესად ვაქციე, რომ ზოგადი მონახაზით წავიდე და ადგილობრივ ადამიანებს გამოვკითხო ბევრი რამ, მათ ნასწავლს კი გავყვე და დავათვალიერო...

კარგი და საინტერესო წესი გაქვს.

ჰოდა, რამდენიმე კონტური ამ ტურისათვის კიდევ მოვხაზოთ და წავიდეთ...




კიდევ მეტი ინფორმაცია იქაც შეგვიძლია მოვაგროვოთ...

[ARCHILI]

მოკლედ... რაღაც საინტერესო ამბებს მივაკვლიე...

ეს მხარე მდიდარი ყოფილა ბუნებითაც, ციხეებითაც და ნაციხრებითაც...

ახლა ვცდილობ ერთმანეთს დავუკავშირო და იმედია, საინტერესო ტური გამოვა...


აქედან, სავარაუდოდ, სამოგზაურო სქემა ასეთია:

1. თბილისი - ხამისყურის გადასახვევი

ხამისყურის ციხის მონახულება.

2. ხამისყური პაპანწყუ.

პაპაწყუს ტბის მოახულება.

3. პაპანწყუა - ხამისყური - პირველი მაისი - ჩხაია

ჩხაიას ჩანჩქერის ნახვა.

იქვე...

მდინარე მუნჩია და წმინდა სოფიას ეკლესიის მოლოცვა.

პირველ მაისში ყურუმელიას ჯიხას (ციხის) მონახულება (მუნჩიასა და ჩხაიას შეერთების ადგილზე გორაკზე).

მდინარე მუნჩიიდან ნახევარ კილომეტრის სავალ გზაზე - ისტორიული ძეგლის - მაჩხომერის მონახულება.

ჯახუთის ნანგრევების მონახულება.

4. პირველი მაისი - ჯიხაშკარი

ჯიხაშკარის ციხის მონახულება.

5. ჯიხაშკარი - ჭაქვინჯი

ჭაქვინჯის ციხის მონახულება.

.
.
.
.





რა და როგორ შეიძლება.

გული მიგრძნობს, ანკესიც გამოგვადგება

[ARCHILI]

აი, ასეთი გეგმა მოვიფიქრე:

მეგრული ტური 3

I დღე

თბილისი – ხობი – ბულიწყუ

გაჩერება I – ხობი

სანახაობები:

ხობის ტაძარის მოლოცვა


გაჩერება II – ბულიწყუ

სანახაობები:

• წმინდა სოფიას ტაძარი
• მაჩხომერი
• ჯახუთი
• ნასკალე
• ყურუმელიას ჯიხა (ციხე)
• სალომაიოში ჩხაიას ჩანჩქერის ნახვა


ღამისთევა ბულიწყუს იქით სადმე მდინარესთან.



II დღე

ბულიწყუ – ხეთა (ბულიწყუდან 4-5 კილომეტრი) – პაპანწყვირეს ტბა

გაჩერება I

სანახაობები:

• ნოჯიხინის უბანი
• წინაგოლას უბანი
• ოხვამეკარის მთავარანგელოზის ეკლესიის მოლოცვა
• საჯირიოს ჩეოხვამეს (ძველი თეთრი ტაძარი) მოლოცვა
• ჯეგეთას (ძველი წმინდა გიორგის ეკლესია) მოლოცვა

გაჩერება II

პაპანწყვირის ტბა (ხეთადან 3-4 კილომეტრი)

ღამისთევა პაპანწყვირის ტბასთან.


III დღე

თევზაობა პაპანწყვირის ტბაზე, ღამისთევა.


IV დღე

პაპანწყვირეს ტბა – ხამისქური - ცაიში

გაჩერება I – ხამისქური (3-4 კილომეტრი)

სანახაობები:

• ხამისქურის ციხე

გაჩერება II – ცაიში (8-10 კილომეტრი)

სანახაობები:

• ცაიშის ყოვლადწმიდა ღმრთისმშობლის მიძინების სახელობის საკათედრო ტაძარი (X – XI სს. მიჯნა, XII-XIV სს. მიჯნა)ცაიშის ღმრთისმშობლის მიძინების ეკლესიის მოლოცვა.
• იონა მეუნარგიას სახლ-მუზეუმის მონახულება.
• ცაიშის მინერალური წყლები.


ღამისთევა ცაიშის საკურორტო ზონაში;


V დღე

ცაიში – ზუგდიდი – ჯიხაშკარი - ჭაქვინჯი

გაჩერება I – ზუგდიდი (3-4 კილომეტრი)

სანახაობები:

• დადიანების სასახლე

გაჩერება II – ჯიხაშკარი (17 კილომეტრი – გადაადგილება ზუგდიდი – ჯიხაშკარის ავტობუსით)

სანახაობები:

• ჭაქვინჯის ციხე.
• ციხე ჯახა.
• ჯეგე მისარონის (წმინდა გიორგი) სალოცავი.
• ეგნატე ხაცავას ეზო.

ღამისთევა ჯიხაშკარში.

VI დღე

დღის პირველ ნახევარში. ჯიხაშკარი-ზუგდიდის ავტობუსით გამგზავრება ზუგდიდში და იქიდან თბილისში.




ეს სქემაა, მაგრამ არ ჩანს... თუ მეტყვით, როგორ ვქნა ისე, რომ გამოჩნდეს, კარგი იქნება.

[ARCHILI]

თემა გადავიტანე სამომავლოებში

იხ.

http://karavi.caucasus.net/viewtopic.ph ... 068#242068