29/30/31.05 აჭი,შემოქმედი,ლიხაური,ჯუმათი/გურული ტური 1

OTO-FOTO · Post by **OTO-FOTO** » 06 ივნ 2009, 22:53

ninola

უფ, თავიდან ტექსტი რო წავიკითხე, მანამ სურათს გახსნიდა ვინერვიულე მეთქი იმ ღამინდელი "მთვრალეულობის" სურათია

თორემ დილით უკვე კარგად ვიყავი, პახმელიაც არ მაქვს ხოლმე სხვათაშორის

ninola · Post by **ninola** » 06 ივნ 2009, 23:00

ფისო მომეცი ფაცი...

ტყეში საოცარი სურნელი ტრიალებდა, თურმე მანდარინის ბრალი ყოფილა

ninola · Post by **ninola** » 06 ივნ 2009, 23:01

დანარჩენს ხვალ ავტვირთავ...

guruli · Post by **guruli** » 06 ივნ 2009, 23:55

ხალხნო, კარგი ფოტოებია, მაგარი!
ninola, ფისოს ფოტოს დაბლა სურათზე რა ლამაზი წიწვნარია.

ტყეში საოცარი სურნელი ტრიალებდა, თურმე მანდარინის ბრალი ყოფილა

ნამდვილად მანდარინის ხეა?

ყვავილი კი აქვს მისი, მაგრამ ფოთლებიც მეეჭვება და ეკლებიც. თან, მაგხელა მანდარინის ხეც...

ninola · Post by **ninola** » 07 ივნ 2009, 12:50

guruli

კი მანდარინია უსურნელოვანესი ყოფილა. ამ ფისოს კი არჩილი ეფერებოდა

OTO-FOTO
შენი მთვრალეულობის სურათებს და ვიდეოებს საგულდაგულოდ ვინახავ

ძალიან თავაზიანი ადამიანი ხარ

ninola · Post by **ninola** » 07 ივნ 2009, 12:58

ესეც დაკოტელი

ეს კი თამარის ციხე. ჯვარი

ninola · Post by **ninola** » 07 ივნ 2009, 13:12

ბოლოს რომ ვიყავით ვისი სახელობის ტაძარი იყო ვინ გამახსენებს???

წირვა რომ იწყებოდა, ცოტა ხნით შევჩერდით

ninola · Post by **ninola** » 07 ივნ 2009, 13:13

tavadi · Post by **tavadi** » 07 ივნ 2009, 13:24

აეეე მაგარი სურათებია
ველოდები ჩემ სარეკლამო სურათს

OTO-FOTO · Post by **OTO-FOTO** » 07 ივნ 2009, 22:30

ninola

რისთვის ინახავ მომავალში ჩემს წინააღმდეგ რომ იქნას გამოყენებული?

სხვათაშორის ავტვირთე როგორც იქნა გურიის სურათები და აი ლინკებიც

http://mydisk.ge/download.php?id=9C491FCCDB

http://mydisk.ge/download.php?id=56D3534A31

ბეთანიაც ავტვირთე ვისაც გაინტერესებთ

Archil · Post by **Archil** » 07 ივნ 2009, 23:50

სემირამიდამ გვთხოვა (მოითხოვა) ჩემი სურათები არ დადოთო. ამაზე ლაშქრობის (ექსკურსიის) დროსაც გვეუბნებოდა თუ გახსოვთ.

ვცეთ პატივი მის სურვილს და ნუღარ დავდებთ მის სურათებს. და ძველსაც თუ წაშლით, გაუხარდება.

მე მაინც არ მესმის ასე რატომ სურს, მარა მისი სურვილი ასეა და ბუნებრივია პატივი უნდა ვცეთ.

OTO-FOTO · Post by **OTO-FOTO** » 08 ივნ 2009, 00:07

ერთი სურათი წავშალე, რომელიც არ უნდოდა და ზოგში სხვებთან ერთად როა იმეებსაც ხო არ წავშლით, ამიტომაც დარჩება

Archil · Post by **Archil** » 08 ივნ 2009, 09:18

ninola wrote:გაიტანეთ ეს სურათი, თორემ სულმთლად გაიმურა!

კოცონის გვერდით ძილი მიყვარს, მიზეზი უბრალოა - ცეცხლთან უფრო თბილა ვიდრე კარავში.

ჰოდა დავიძინე ტკბილად, მგონია სითბო არ მომაკლდება და დილით ცეცხლი რომ განვაახლოთ, მაგის ფიჩხიც მორჩენილი არის. ერთი სიტყვით აწყობილი მგონია ცხოვრება. მე და თავადმა რიყეზე ვიბორიალეთ, რომ კუნძი გვეპოვა და ნაღვერდალი გარანტირებული გვქონოდა (ორივენი ცეცხლის პირას ვიძინებდით). თავადმა ათრია მაგი რიყე-რიყე ფეხშიშველამ და...

ჰოდა ოთოს და დაჩის 24 საათიანი ძმაკაცობა ჰქონიათ თურმე. ღამის 4 საათზე მესმის ოთოს ძახილი - დაჩის (ამეთვისტო იგივე) ეძახის. ამას კი ქონია 24 საათიანი, მარა ეტყობა დაჩის მხოლოდ 20 საათიანი ძმაკაცობა აქვს, იმ დღეს მაინც, ძინავს სადღაც აბალდუის გვერდით კარავში და ყურს არ აპარტყუნებს.

მომიწია წამოდგომა. რას ვხედავ. რომ მგონია კუნძი სითბოს უნდა გამოსცემდეს, თბილად უნდა ვიყოთ და ეგეთები, სადაა...

აბალდუის ისე დაუდია კუნძი ცეცხლის გარშემო შემოწყობილ ქვებზე, რომ ფაქტიურად ჰაერში დარჩა კუნძი გამოკიდებული. რასაც ცეცხლი მიწვდა, გამოეხრუკა და დანარჩენი კია ისე ჰაერში. რის ნაკვერჩხალ-ნაღვერდალი, შესაბამისად არც სითბო და არც არაი...

ამ სურათზე მაგი მომენტია დაფიქსირებული. მეძინა მაგ დროს უკვე საძილეში, მაგიც ჩანს სურათზე.

დილით ყველაზე ადრე გამეღვიძა. ასე ვიცი ხოლმე. ზაფხულში ისედაც ადრე მეღვიძება და ლაშქრობაში პირველ დღეებში მით უმტეს. ცეცხლის დანთებისთვის ნაკვერჩხალი შემონახული ბუნებრივია არ იყო. ღამით დაენამა იქაურობა. სველი იყო ფიჩხიც და ყველაფერიც გარშემო. საძილე ზემოდანაც დაენამა. ცეცხლის დანთება მინდა, მარა ასანთი, სანთებელა, კვესი და აბედი მე არ გამაჩნია და.. დანარჩენებს სძინავთ. კიდევ 2 საათი ეძინებათ, ისე ვატყობ კოჭებში.

დევის ლოდისკენ თუ რაცხა ქვია, წავედი. მივედი, ვნახე. იქ იყო. რა უნდა მექნა. წავედი აღმა. აჭის წმინდა გიორგი მოვინახულე. დილით ცისაკრზე მაინც სულ სხვა ხიბლი ჰქონდა, სულ სხვანაირად იყო გაბრწყინებული. დავდექი და ვუყურებდი ასთე...

აჭის წყალო კამკამაო...

დადოს მაგი სიმღერა ვინმემ. ტექსტი მაინც.

ავუყევ_ჩამოვუყევი აჭისწყალს. გზად ის გურული შემხვდა, მერე რომ მოვიდა და დაგვლოცა. სისხამ რიჟრაჟზე ხარებს დენიდა აღმა. ცივაო შემომჩივლა. აპრილში აჭიში ვბანაობდითო და ეხლა იმისთანა ცივა, ნამეტარიო. კანიც აბურძგლული ჰქონდა სიცივისგან. მასთეაო, დავეთანხმე. მოვუბრუნდი ბანაკს. ქე ეძინა ყველას ტკბიალდ ისევ. ისევ დევის ქვის სანახავად წავედი, ვნახოთქო, ეგება და წაეღო ვინმეს. იქვე წყაროც მოდის და პირი დავიბანე.

დილით ცივი წყარო თბება..

რომ მოვბრუნდი, უკვე იღვიძებდნენ ზოგიერთები. თავადს თავი გამოეყო საძIლედან, ქსოველი ამდგარიყო.. დანარჩენებიც ნელ-ნელა იღვიძებდნენ...

ჰოდა გურულ სიმღერას ვჩიოდი..

დილა არის ცა-ლაჟვარდა
ზეცა სხივით იფერება
გამეიხედა ბუნებამ,
სამეჯლისოდ ემზადება....

ninola · Post by **ninola** » 08 ივნ 2009, 11:50

ზუსტად აღწერა დილა არჩილმა, მე კი სულ იმას ვამბობდი კაცი იმურება და სადმე გვერდზე და მოშორებით დაიძინოსმეთქი, მართლა გვეშინოდა გოგოებს ცეცხლი არ მოგკიდებოდა

არჩილ

ARCHILI · Post by **ARCHILI** » 16 ივნ 2009, 02:31

ninola

შესანიშნავია...

შესანიშნავი...

მე კი კიდევ ერთხელ გადავუხდი დიდ მადლობას ჩემს ლიხაურელ ძმებს, რომ გურული ტური მათი წყალობით გახდა დაუვიწყარი...

ხშირად ვატრიალებ ვიდეოებს და ისევ და ისევ ვრწმუნდები ამაში...

ჰოდა...

კიდევ ჩავალთ ვახოსთან, მთელი ოჯახი მომღერალია და თან დედამისი უგემრიელეს ხაჭაპურებს აცხობს, უკვე დავაპატიჟებინე ჩვენი თავი...

მოგვიანებით მეც უფრო გაგიზიარებთ ჩემს შთაბეჭდილებებს გურულ ტურზე...

მანამდე კი შენი ფოტოებით დავტკბებით...

იმედია, რაღაცეებს კიდევ სიამოვნებით მოყვები და გაგვიზიარებ...

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS