15.02.2009 ვაჟა-ფშაველას აქცია ჩარგალში

kotetbeli · Post by **kotetbeli** » 14 თებ 2009, 19:20

lama

შე მაგარო, ახლა კიდე ვკითხულობდი ამ სვეტებს და ეგაა რაცაა...

თითქოს ვაჟას ლექსების სვეტებზე დგას ჩვენი სამშობლო და ამ სვეტებიდან რაც უფრო მეტი დაგვავიწყდება და გაქრება, სვეტებიც ქვემოთ დაიწევს და ჩვენი სამშობლოც...

(,,სამშობლო" პრაქტიკულ-ყოველდღიური ცხოვრების გაგებით

)

lama · Post by **lama** » 14 თებ 2009, 19:28

გენიალურად სრულდება

საოცარი პოემა "სტუმარ-მასპინძელი"

XV

იმ კლდის თავს, საცა ჯოყოლა

მოჰკლეს ხევსურთა ბრძოლაში,

ღამ-ღამ ჰხედავენ სურათსა

ზვავისგან ნაგალს გორაში:

კლდის თავს წადგება ჯოყოლა,

სასაფლაოსკე იძახებს:

“ზვიადაურო, ძმობილო,

რად არ მაჩვენებ შენს სახეს?!”

სასაფლაოდამ წამოვა

აჩრდილი ფარ-ხმალიანი,

გულზე უწყვია დაკრეფით

მკლავები სამკლავიანი.

მივა და მიესალმება

თავის ძმობილსა მდუმარედ.

იქვე აღაზაც ამოდის

სახე მოწყენით, მწუხარედ.

ენთება ცეცხლი მათს გვერდით,

მკრთალადა ბჟუტავს მთაზედა;

იმათ ჰმასპინძლობს აღაზა,

ჯიხვის მწვადს უწვავს ალზედა.

ვაჟკაცობისას ამბობენ,

ერთურთის დანდობისასა,

სტუმარ-მასპინძლის წესზედა

ცნობის და და-ძმობისასა.

როცა მათ ჰხედავს ერთადა

კაცი, ვერ ძღება ცქერითა;

მაგრამ გაჩნდება ჯანღი რამ

კურუმად შავის ფერითა,

დაეფარება სანახავს

წერა-მწერელის წერითა.

ზედ აწევს ჯადოსავითა,

არ დაიმტვრევა კვერითა,

ვერც შეულოცავს მლოცავი,

არც აიხდება ხელითა.

მხოლოდ მდინარის ხმა ისმის,

დაბლა მიქანავს ხველითა

და უფსკრულს დასცქერს პირიმზე

მოღერებულის ყელითა...

1893 წ.

lama · Post by **lama** » 14 თებ 2009, 19:55

"ბახტრიონი"

ბოლო თავი

იტყვიან: მაღლის მთის ძირსა,

უღრანს, უდაბურს ტყეშია,

ლუხუმი იწვა დაჭრილი,

ნატყვიარი სჭირს მკერდშია.

იქვე მაღალი კლდე იყო,

გამოქვაბული შავადა,

ხავსით მორთული, პირქუში,

მრისხანე სანახავადა.

იქა ბუდობდა ვეება

გველი, მორთული ჯაგრითა,

ბევრისა ცოდვის მოქმედი,

პირზე დორბლების დაყრითა.

ბევრი ჩაენთქა ტიალსა

მონადირე და მხეცები.

იწვა, უცდიდა დავლასა

თვალებით დანაცეცები.

გადამთხვალიყვნენ იქიდამ

ნადირნი გულის თრთოლითა.

ვერ გაჰხედნებენ იმ ალაგს,

ისე ეშინისთ შორითა.

ერთს დღესა გველი, ვით ნისლი,

გაწოლილიყო ხეზედა,

წიოდა გულჯავრიანი,

თანაც თბებოდა მზეზედა.

ამ დროს შაესმა კვნესის ხმა

ჯაგარ-აშლილსა გვერდზედა.

გაჰხედა, ნახა, - კაცი წევს,

სულის მაბრძოლი, ეული,

გასცქერის ცისა სივრცესა

სასომიხდილი, სნეული;

მკერდზე ატყვია მიმხმარი

სისხლი წყლად ამორწყეული.

გველს შაებრალა ლუხუმი,

მისკე წავიდა ზლაზვნითა,

მიაშრიალებს ხმელს ფოთოლს

დიდრონის ტანის გლარზვნითა,

ზედ დააშტერდა სნეულსა

თვისის გველურის სახითა,

დასცქერის სულის მაბრძოლსა

გულის მზარავის თვალითა.

დაფიქრდა გველი ძლიერად,

გული ევსება ბრალითა.

ბევრის ცოდვების მოქმედსა

გადაუბრუნდა გუნება:

რა სიბრალულით იმსჭვალვის

მისი გველური ბუნება!

ზედ გადააწვა მკერდზედა,

წყლულსა ულოკდა ენითა.

თან მკერდს უსველებს მხედარსა

ცრემლების ჩამოდენითა.

აყრუებს ტყესა და ველსა

ოხვრითა რამოდენითა!

მთელს ერთს თვეს ასე უვლიდა

ადამის ტომის მტერია,

ბოროტების გზა გაუშვა,

კეთილი დაუჭერია!

საჭმელსაც თვითონ უზიდავს,

ასმევს წყალს ლაღის მთისასა,

ღამ-ღამ ზღაპარსაც უამბობს

ორის ობოლის ძმისასა.

ამბობენ: შააძლებინა

სნეულსო ფეხზე დადგომა;

ეღირსებაო ლუხუმსა

ლაშარის გორზე შადგომა!

1892 წ.

kiki · Post by **kiki** » 14 თებ 2009, 21:31

კეთილი მგზავრობა ხალხ......

KINALOKO · Post by **KINALOKO** » 14 თებ 2009, 21:32

ანუ, ხვალ, სპორტის სასახლესთან თერთმეტის ნახევარზე???

kotetbeli · Post by **kotetbeli** » 14 თებ 2009, 21:36

ხვალ, სპორტის სასახლესთან 10:30 საათზე

gobe · Post by **gobe** » 14 თებ 2009, 23:06

ბედნიერ მგზავრობას გისურვებთ, ხალხნო! ძალიან მინდოდა წამოსვლა და ვგეგმავდი კიდეც, მაგრამ წინა წუთებში ყველაფერი ალამარიყ დადგა

გაიხარეთ!

ARCHILI · Post by **ARCHILI** » 14 თებ 2009, 23:53

ჩემმა რამდენიმე სტუდენტმა ვეღარ მოვდივართო-იმედია, ხვალ არ გამაწითლებენ..

Gamge · Post by **Gamge** » 15 თებ 2009, 00:30

მეც მინდა წამოსვლა მაგრამ ვერ მოვახერხებ

((

kotetbeli · Post by **kotetbeli** » 15 თებ 2009, 00:33

ARCHILI

სამაგიეროდ მე დამემატა 2+ კიდე

kotetbeli · Post by **kotetbeli** » 15 თებ 2009, 00:34

gobe

ეეჰ

namcecuna · Post by **namcecuna** » 15 თებ 2009, 09:14

გავიღვიძე და მოვდივარ

იმედია მზესაც გაახსენდება რომ უნდა ადგეს და გამოგვყვეს

GOGONA · Post by **GOGONA** » 15 თებ 2009, 17:01

namcecuna

ადგა და გამოგყვათ

imerkhevli · Post by **imerkhevli** » 15 თებ 2009, 22:01

9-ზე უკვე სახლებში ვიყავით.ნაწილი მაინც.ძალიან კარგი დღე იყო,ფრიად ვისიამოვნეთ......ერთ-ორ ფოტოს დავდებ ,მერე ალბათ ორგანიზატორები გახსნიან შესაბამის თემას .....

imerkhevli · Post by **imerkhevli** » 15 თებ 2009, 22:04

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS