ბულბულის ციხე - აბა, სად არის, როდის წავიდეთ?

GAMARJOBA SAKARTVELO

არ ვიცი, ბულბულის ციხე რა არის, სად არის.
არასოდეს გამიგია.

ეგეაა, ქართველ მელექსეს გოგლა ლეონიძეს ლექსი აქვს დაწერილი "ბულბულის ციხე".
საბერძნეთის სიამაყეს - მანოლეს გლეზისს მიუძღვნა.

აბა, ეს ლექსი წაიკითხეთ:

ბულბულის ციხე

ბულბულის ციხე, ბულბულის ციხე,
ბულბულის ციხე გასაგონია?
შესტყორცნის ჰანგებს უღრუბლო ცისკენ,
მღერის, რაც ჩვენთვის სავარგონია!
ბულბულს რათ უნდა ციხე, მითხარი,
კედლების სისქე, ბორკილის სისქე?
იგი ხომ არი სტვენით მდიდარი,
გვეპატიჟება ცისკრისას ცისკენ!
თუ კაცუნა ხარ, თუ დაჩიავდი,
მაშინ გწამს ბნელის გარდუვალობა;
მაგრამ რათ უნდა ბულბულს წყვდიადი,
მას უყვარს ვარდი, მთვარე, გალობა.
სიტკბოს რაკრაკის ნარნარ ნაკადში,
ვინ არის, ვინა, გულს რომ გვიბანგებს?
რა შეაჩერებს ბულბულის ჰანგებს?
ასი ციხე რომ აუგონ განგებ?
მთებს აამღერებს, ტყეებს და მინდვრებს
ჩარხი მიწისა ტრიალებს ვიდრე...
ბულბულს რათ უნდა ციხე, მითხარი,
შმორი, წყვდიადი, პირქუში ციხე?
დამდუღრებული უნდა სიტყვანი,
დაბროლებული, უმანკო სივრცე.
და ყელში, ყელში ოქროს ძაფები,
ოქროს გულიდან ოქრო რომ მისცეს,
ერთი სიმღერა მხოლოდ ნაქები,
გულმისწრაფებით წასული მზისკენ!..
შეჰხედე ციხეს, თუ ხარ მჭვრეტელი,
დახე, სიმღერამ რა უყო ციხეს?
მისთვის დამდნარა ციხის კედელი
და საძირკველი ოდესღაც მტკიცე.
უკვდავ სიმღერას რა გააჩერებს,
გინდაც ქვეყანა აქციონ ციხედ?..
პატიმარ ბულბულს ვინ დააჯერებს
სიკვდილში? თუ კი გულზე სხივს იხვევს.
არ ეშინია მწარე ეკლისაც,
ოქროს ზვირთებში ხმას გააცურებს,
თუ თვალი ბნელით ამოეგლისა,
მაინც სიცოცხლეს დაადასტურებს.
სიმღერის გამო ვინ გაარისხეს,
ბულბულის ციხე ვის აუგია?
რა აუგია "ბულბულის ციხე",
მაგრამ ბულბული ვის არ უქია?
ვინ არი მისი შეუსმინარი,
მიწა თუ ცათა ლურჯი მინარი?
თუ არა კაცი შლეგი, თავნება,
უგუნურობის ამპარტავნება

GAMARJOBA SAKARTVELO

გოგლას ლექსით ვერ დავადგინე, სად უნდა იყოს ბულბულის ციხე.
არის კი? თუ ის, უბრალოდ, მითიური ციხეა?
თუ ასეთი ძეგლი არსებობს, მით უფრო, საქართველოში, ეგებ წავიდეთ.
თუ ვინმემ რამე იცით, გაგვიზიარდით

ARCHILI · Post by **ARCHILI** » 04 თებ 2009, 02:52

GAMARJOBA SAKARTVELO

ვაა... მართლაც საინტერესოა...

აბა, გოგა დატრიალდი კი არა და დავტრიალდეთ და გავარკვიოთ...

bela · Post by **bela** » 04 თებ 2009, 03:03

სავარაუდოდ, ~ბულბულის ციხე~ პოეტური სახეა,
თითქოს ბარათაშვილთან გადაძახილს ჰგავს , ~რა ხელს ჰყრის პატივს ნაზი ბულბული, გალიაშია დატყვევებული~ და ზოგადად, დატყვევებული ბულბული ქართულ პოეზიაში წართმეული თავისუფლების სიმბოლო იყო, ზოგჯერ ფიზიკურ და ზოგჯერ სულიერ ასპექტში.
რა ვიცი, აბა, დავძებნოთ...

GAMARJOBA SAKARTVELO

bela wrote:სავარაუდოდ, ~ბულბულის ციხე~ პოეტური სახეა,
თითქოს ბარათაშვილთან გადაძახილს ჰგავს , ~რა ხელს ჰყრის პატივს ნაზი ბულბული, გალიაშია დატყვევებული~ და ზოგადად, დატყვევებული ბულბული ქართულ პოეზიაში წართმეული თავისუფლების სიმბოლო იყო, ზოგჯერ ფიზიკურ და ზოგჯერ სულიერ ასპექტში.
რა ვიცი, აბა, დავძებნოთ...

რაღაც საინტერესო ამბობ.
შესაძლოა, ასეც იყოს. პოეტს 1 ადგილას "ბულბულის ციხე" ბრჭყალებში უწერია, რაც, შესაძლოა, სწორედ
წართმეული თავისუფლების მეტაფორაა.

რა აუგია "ბულბულის ციხე",
მაგრამ ბულბული ვის არ უქია?

თუმცა, სხვაგან ბრჭყალები არ აქვს, რაც, მაფიქრებინებს, რომ ბლბულის ციხის არსებობა შესაძლებელია.

არ ვიცი, არა.
ამ ციხის თაობაზე არაფერი გამიგია

გვალდა · Post by **გვალდა** » 04 თებ 2009, 09:45

ვიკიპედია გვამცნობს:

ბულბულის ციხე - არქეოლოგიური ძეგლი, მდებარეობს ხაშურის მუნიციპალიტეტის სოფელ ბულბულისციხის სამხრეთ-დასავლეთით 1,5 კილომეტრზე. მდებარეობს ქვიშხეთიდან იმერეთში მიმავალ გზაზე. თარიღდება ფეოდალური ხანით. აგებულია რიყის ქვით. ძლიერ დაზიანებულია, ჩრდილოეთი და აღმოსავლეთი კედლები დანგრეულია. შემორჩენილია ნახევარწრიული გოდოლის ნაშთი. დასავლეთ ნაწილში და სამხრეთის სათოფურებიანი კედელი (სიმაღლე 5 მეტრი, სიგრძე 35 მეტრი; კედლის სისქე ზედა ნაწილში 1,2 მეტრია, ქვედაში - 2 მეტრი). ციხე მნიშვნელოვანი საფორტიფიკაციო ნაგებიბა იყო აღმოსავლეთ და დასავლეთ საქართველოს დამაკავშირებელ გზაზე

ასევე კარავის ძველი თემიდან ამონარიდი:
http://karavi.caucasus.net/viewtopic.php?p=14500
ლეგენდა

ქვიშხეთიდან 4კლ.ში არის სოფელი ბულბულის ციხე,მისი ისტორია ასეთია:სოფელში ოდესგაც ცხოვრობდა ულამაზესი ქალი,რომელიც საოცრად მგეროდა.ომიანობის დროს ციხეში შეფარებულ ხალხს ატკბობდა თაცვისი საოცარი ხმით,რის გამოც შეარქვეს ბულბუია და სოფლის სახელიც მომდინარეობს მანდედან.სოფელში არის ძველი ციხის ნანგრევი.საოცარი ბუნებაა.ერთერთი მთაწმინდაც მანდაა

Katy · Post by **Katy** » 04 თებ 2009, 12:22

უი ახლოს ყოფილა ხალხო, წავიდეთ რა!

zika · Post by **zika** » 04 თებ 2009, 14:26

GAMARJOBA SAKARTVELO

მე ვატყობ დიდი ციხების დამბყრობის სახელს დაიმკვიდრებ

Nika · Post by **Nika** » 04 თებ 2009, 14:38

ბულბულისციხედან გადადის გზა ნუნისში

პირდაპირზე 6 კილომეტრია.

აი ეს გასვლა სწორედ ბულბულისციხიდან დავიწყეთ.
http://www.karavi.ge/viewtopic.php?t=641

Truli · Post by **Truli** » 04 თებ 2009, 14:51

Nika
ვახ რა კარგია. ქვიშხეთი, ბულბულისციხე - ნუნისი, მსვენიერია!

Nika · Post by **Nika** » 04 თებ 2009, 17:47

შესაბამისად გირჩევთ სადღაც შუა მაისის შემდეგ წახვიდეთ. მაისის ბოლომდე ყვავის მანდ იელი და ძაან ლამაზია იქაურობა. მანამდე ჯერ სიმწვანე არ იქნება.

პ.ს. ცხადია ბულბულისციხე-ნუნისი მარშუტი ვიგულისხმე.

GAMARJOBA SAKARTVELO

მადლობა გვალდას.
ფოტო არ ჰქონდა "ვიკიპედიას"?

Katy wrote:უი ახლოს ყოფილა ხალხო, წავიდეთ რა!

წავიდეთ. მეც მაგას არ ვამბობ?

Nika
ვაჰ, მშვენიერია.
მერე, როდესაც თემას გავხსნით, რჩევებით შემოგვეწიე, რა

GAMARJOBA SAKARTVELO

zika wrote:GAMARJOBA SAKARTVELO

მე ვატყობ დიდი ციხების დამბყრობის სახელს დაიმკვიდრებ

აბა, ვნახოთ.
უკვე 8 ციხესიმაგრე ვნახე.
ცხადია, საგუშაგო კოშკებს არ ვგულისხმობ.
აი, ბულბულის ციხე, არ ვიცი, მერამდენე იქნება

guruli · Post by **guruli** » 08 თებ 2009, 14:42

ბულბულის ციხეზე ინფორმაციების დადება დაუსწრია უკვე გვალდა-ს. მაქეთ სანათესაო მყავს - თუ რამეს დაზუსტება გინდათ, შემიძლია დახმარება.

GAMARJOBA SAKARTVELO

guruli wrote:მაქეთ სანათესაო მყავს - თუ რამეს დაზუსტება გინდათ, შემიძლია დახმარება.

დაგვჭირდება შენი დახმარება.
რომ წამოხვიდე, ძნ კგ იქნება

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS