სვანეთობა 2008

khrukhuna · Post by **khrukhuna** » 01 აგვ 2008, 17:01

ხალხო შოკში ვარ , რა სილამაზეა

ARCHILI · Post by **ARCHILI** » 01 აგვ 2008, 17:02

დავუმატოთ ცოტაოდენი კრეატივი...

აქვე, დიდი მადლობა კიდევ ერთხელ კარაველ მარიამს, რომ მათხოვა თავისი ფოტოაპარატი და საშუალება მომცა ეს შთაბეჭდილებები მხოლოდ ჩემთვის დამეტოვებინა, მარიამის წყალობით შემიძლია სხვასაც გავუზიარო:

ARCHILI · Post by **ARCHILI** » 01 აგვ 2008, 17:08

ჩვენ, მას შემდეგ, რაც მონადირემ ტბაში იბანავა და რომლის ფოტოებსაც ცოტა მოგვიანებით და სერგის ნებართვის შემდეგ სერგის არქივიდან მოგაწვდით, გავაგრძელეთ გზა, ოღონდ, ამჯერად უკან სვლით, საღამო 2700-ზე კიდევ უფრო ლამაზია, ჩვენ გავაგრძელეთ ხარობა მთიური:

ARCHILI · Post by **ARCHILI** » 01 აგვ 2008, 17:12

ჩვენ ვნახეთ ის ადგილებიც, საიდანაც ჯერ ნაკადულები, შემდეგ წყაროები, ხოლო შემდეგ მდინარეები იწყება...

ერთი სიტყვით, სათავეები ვნახეთ, სათავეები...

ARCHILI · Post by **ARCHILI** » 01 აგვ 2008, 17:15

მე და სერგიმ პირდაპირ სათავეებში დავლიეთ უცივესი, უანკარესი და უგემრიელესი წყალი:

Mta Mkvarebia · Post by **Mta Mkvarebia** » 01 აგვ 2008, 17:26

ARCHIL_i
შემშურდააა! მოკლედ ამ "კარავმა" შურიან შაპოკლიაკად ჩამომაყალიბა რაა, არადა ერთი უწყინარი მთა მყვარებია ჩებურაშკა ვიყავი

.

და რა ტბებია, არჩილ? თავიდან მეგონა მეზურის ტბა იყო, მაგრამ მერე რომ თქვი სამი ტბაო, დავეჭვდი.

ARCHILI · Post by **ARCHILI** » 01 აგვ 2008, 17:27

ბინდდებოდა ჩვენ რომ უკან დავიძარით...

უშბამ ქუდი მოიხადა ჩვენს საპატივსაცემოდ, რამდენი ხანია, თქვენსავით სასურველი სტუმრები არ მყოლიაო, ისე გავიხარე თქვენი ხილვითო...

ძნელი იყო არ დაგვეჯერებინა, ისეთი ლამაზი იყო...

თეთნულდმა ხომ ცეკვა დაიწყო, სვანეთის პატარძალსაც მოუხდა გახსნა და გაშლა...

ერთი სიტყვით, იმ დღეს უშბასა და თეთნულდის შეხვედრა სამი უბრალო კაცის დამსახურებით მოხდა, ბედნიერმა წყვილმა კი არ დაგვივიწყა ამაგი და ისეთი საღამო გვაჩუქა, კაცის თვალს რომ არ ჰქონდა ნანახი...

ის დღე ჩვენ სამს განსაკუთრებით შეგვეტყო, რაღაცით სავსეები მოვდიოდით, უფრო მეტად განსულიერებულები, იმ დღემ ჩვენთვის მთელი სვანური მოგზაურობა შეავსო...

კიდევ უფრო მეტად შეგვაყვარა საქართველოც და ჩვენც ერთმანეთი...

უფრო მეტიც, უკან რომ ვბრუნდებოდით, გზაში სიბნელე მოგვეწია, დაღლილობაც, მაგრამ სამივე ბედნიერი ნაბიჯებით მოვაბიჯებდით დედამიწაზე და მოვიმღეროდით... მართლაია, უნიჭოდ ვმღეროდით, მაგრამ უშბას, თეთნულდს, სხვა მთებსა და ტბებს კი მოსწონდათ გულის-ხმითა და სულის-ხმით გაზიარებული ბგერები...

nusa · Post by **nusa** » 01 აგვ 2008, 17:46

აი, რატომ არ მიყვარსხოლმე ჯგუფის გაყოფა

ARCHIL_i wrote:
ის დღე ჩვენ სამს განსაკუთრებით შეგვეტყო, რაღაცით სავსეები მოვდიოდით, უფრო მეტად განსულიერებულები, იმ დღემ ჩვენთვის მთელი სვანური მოგზაურობა შეავსო...

მე კი სვანეთიდან სწორედ ამის გამო გულნაკლული წამოვედი,
როცა კი მომეცემა უკან დაბრუნების საშუალება იქ აუცილებლად ავალ

არა, მადლობა მაინც მითხარით მაგ მთაზე ასვლის იდეა რომ მოგაწოდეთ!!!!!

namcecuna · Post by **namcecuna** » 01 აგვ 2008, 17:48

ARCHIL_i

მოღალატეებო, გადაექით

კი არა და, მეც მინდოდა მანდ, მეგონა სადმე ახლოს მიდიოდით და ...
თან ტაძრების ნახვაც მინდოდა... მართალია არ ვნანობ ლაატლ-ლენჯერში რომ წავედი მაგ დღეს, მაგრააამ, მანდაც მინდოდა

არაუშავს, ცხოვრება წინაა, სვანეთში ხომ უნდა მქონოდა დაბრუნების მიზეზი-ხოდა, უკვე მაქვს-შ'დგრას ჩანჩქერი და ეგ სამი ტბა, სახელს ვერ ვიმახსოვრებ

Mta Mkvarebia · Post by **Mta Mkvarebia** » 01 აგვ 2008, 17:48

nusa
გოგო, გაყოლოდით, მერე, ასფალტზე საბოდიალოდ წახვედით სვანეთში?

მე აუცილებლად წავყვებოდი.

namcecuna · Post by **namcecuna** » 01 აგვ 2008, 17:51

Mta Mkvarebia

ჩვენ ტაძრები მოვილოცეთ მაგ დღეს, არასოდეს დამავიწყდება ლატალისა და ლენჯერის სალოცავებიდან წამოყოლილი მადლის განცდა .

nusa · Post by **nusa** » 01 აგვ 2008, 17:53

Mta Mkvarebia
მთაო, ლენჯერი და ლატალი გვქონდა მოსანახულებელი,
მერწმუნე არ ვნანობ არჩევანს! სასწაული ტაძრები და ფრესკები ვნახეთ!

..... მაგრამ სვანეთიდან იმ ადგილების უნახავად წამოსვლაზე ვბრაზობ და უაზროდ გაცდენილ 1 დღეზე!

ARCHILI · Post by **ARCHILI** » 01 აგვ 2008, 17:58

nusa wrote:
არა, მადლობა მაინც მითხარით მაგ მთაზე ასვლის იდეა რომ მოგაწოდეთ!!!!!

დიდი მადლობა...

და...

ნუ ჩივი...

ყველას კი არ აქვს ბედნიერება ხსენებული სამი მუშკეტერის საზოგადოებაში იტრიალოს...

nusa · Post by **nusa** » 01 აგვ 2008, 17:59

ეჰ, მე უბედური...

Mta Mkvarebia · Post by **Mta Mkvarebia** » 01 აგვ 2008, 18:00

namcecuna
nusa
ჰოო, ლენჯერს და ლატალს უნახავს როგორ დატოვებდით. მაშინ მაგ მოღალატეები უნდა წასულიყვნენ სხვა დროს მანდ (ლამას ნათესაობაში რომ დაყავდიტთ თუნდაც იმ დღეებში

) ისე აბალდუი, როდის აქეთ გაწარმართდა, მაგ ეკლესიების ნახვაზე რომ უარი თქვა?

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS