მცირე ტრავმები - მათი თავიდან აცილება - მოვლა

Ketevan Guliashvili · Post by **Ketevan Guliashvili** » 29 აგვ 2011, 17:50

მეგობრებო, ამ თემაში გთავაზობთ განვიხილოთ ლაშრობისას მიღებულ მცირე ტრავმები, მათი თავიდან აცილება, მოვლა-მკურნალობა.

qvevri · Post by **qvevri** » 29 აგვ 2011, 17:52

აბა რას გვთავაზობ?

Ketevan Guliashvili · Post by **Ketevan Guliashvili** » 29 აგვ 2011, 17:52

ფეხის დიდი თითის ფრჩხილის ტრავმა

ფრჩხილის გაშავება და ამოწევა ფეხის დიდ თითზე იმაზე მიუთითებს რომ ფრჩხილის ქვეშ სისხლი დაგროვდა. საჭიროა სითხის გამოდევნა. ამისათვის საკანცელარიო სკრეპი ცეცხლზე გაახურეთ და სკრეპის წვეტით ფრთხილად გახვრიტეთ დაზიანებული ფრჩილი. იმის შემდეგ რაც სითხე გამოვა გაკეთებული ნახვრეტი არ გადაახვიოთ, არც რაიმე კრემი წაუსვათ. მიეცით სითხეს საშუალება დაუბრკოლივ გამოვიდეს. ფრთხილად! არ დაიწვათ თითი სკრეპით.

პრობლემა 2

ფეხის დიდი თითის ფრჩხილი გასქელდა, შეიცვალა ფერი და გტკივათ. სინამდვილეში - განმარტავს ორთოპედი ედუარდ ბეხტერევი - გვტკივა არა ფრჩხილი არამედ კანი მის ირგვლიდ და მის ქვეშ. ფრჩხილები მკვდარი უჯრედებისაგან შედგება, ამიტომაც უმტკივნეულოდ ვიჭრით ხოლმე მათ. ფრჩხილის ტრავმას ხშირად იმის მერეღა ვამჩნევთ როცა წინდაზე სისხლს შევნიშნავთ. გამოდის რომ წინდებს უფრო დიდ ყურადღებას ვუთმობთ ვიდრე ფეხებს.

ფრჩხილის გასქელების მეორე მიზეზი. თუკი დიდი თითი ხანგრძლივად ეხახუნება ფეხსაცმელს, ფრჩხილი თავდაცვის მიზნით სქელდება.

დაზიანების მიზეზი

ექიმი ბეხტერევის აზრით დიდი თითის ფრჩხილის დაზიანების მიზეზი სამია: დარტყმა (ვთქვათ მოზრდილი ზომის ფიცარი დაგეცათ ფეხზე), მუდმივი ტრავმა (როდესაც ვიწრო, მოუხერხებელ ფეხსაცმელში გიწევთ სიარული) და ბოლოს გენეტიკური მიდრეკილება - მარტინოვის დაავადება (რომლის დროსაც ფეხის მეორე თითი უფრო გრძელია ვიდრე დიდი თითი, ფეხსაცმელი ორივეს აწვება უთანაბროდ და უჩვეულოდ).

ტრავმა ან მწვავე შეიძლება იყოს ან ქრონიკული - განმარტავს ექიმი ბეხტერევი. უპირველეს ყოვლისა უნდა გაარკვიოთ ახალი ტრავმაა ეს თუ დიდი ხანია გაწუხებთ, მკურნალობაც შესაბამისად უნდა წარიმართოს. ტრავმად ჩაითვლება ფრჩხილისა და კუტიკულის დაჭრაც თუკი მის მერე თითი აგტკივდათ ან ანთებითი პროცესი დაიწყო.
პრობლემის გამომწვევი მიზეზის ცოდნა დაგეხმარებათ განკურნებაში და ასევე შემდგომში მის თავიდან აცილებაში.

წყარო: http://www.medidea.ru/articles/432/118/

qvevri · Post by **qvevri** » 29 აგვ 2011, 17:53

ისე დიდმა ტრამვებმა რა დააშავეს?

Ketevan Guliashvili · Post by **Ketevan Guliashvili** » 29 აგვ 2011, 18:15

გიორგი

ლაშქრობაში ფრჩხილის ტრავმა მივიღე. ამიტომ სანამ ექიმთან მივედი წავიკითხე ამ თემასათან დაკავშირებით, რომ პირველადი დისკომფორტი და ჩივილები მაინც მომეხსნა. ვფიქრობ ეს თემა საინტერესო და საჭირო იქნება ჩემნაირი ახალბედა მოლაშქრეებისათვის. თანაც შევნიშნე რომ ბევრ გამოცდილ მოლაშქრეს ფეხის მარჯვენა თითი აქვს დაზიანებული და უკვე სოკოც განვითარდა, რაც შესაძლოა ფეხსაცმელში მიღებული ტრავმის მერე სოკოს ადვილად გავრცელებით აიხსნას. არადა საინტერესოა მაინცა და მაინც მარჯვენა ფეხი რატომ?
რამოდენიმე წერილს ამ თემას დავუთმობ, შემდეგ წყლულებზეც მინდა ერთი-ორი სტატია ვთარგმნო.

qvevri · Post by **qvevri** » 29 აგვ 2011, 18:17

ქეთევან
გმადლობთ.

Ketevan Guliashvili · Post by **Ketevan Guliashvili** » 29 აგვ 2011, 19:15

ფეხის დიდი თითის ფრჩხილის ტრავმა (გაგრძელება)

რამდენად სერიოზულია ეს პრობლემა

როგორც წესი ფრჩხილის ამოწევის მიზეზი დარტყმა, ან მძიმე საგნის დავარდნაა. ამ შემთხვევაში ადამიანმა იცის თუ რატომ გაუწითლდა და სტკივა ფეხი. მაგრამ თუკი ადამიანს თითი სტკივა, ფრჩხილი ფერს იცვლის და არავითარი მექნაიკური დაზიანება არ მომხდარა, ეს მიზეზია რომ ექიმს მიმართოს. ზოგჯერ, ეს ცვლილებები გულის დაავადების, მელანომის, კანის კიბოს ნიშანია. თუმცა ეს იშვიათად ხდება.

ასევე ადამიანი უნდა გაიქცეს ექიმთან თუკი ტკივილი არა ფრჩხილიდან ან კანიდან არამედ თითის "შიგნიდან" მომდინარეობს. შესაძლოა ფრჩხილის ტრავმას მკურნალობდით სინამდვილეში კი თითის მოტეხილობასთან გვქონდეს საქმე - განმართავს ბეხტერევი. ეს განსაკუთრებით სახიფათოა თუკი თქვენ დაიზიანეთ კანი და მოიტეხეთ ძვალი: ჩნდება ძვლის ინფექციური დავადების განვითარების საფრთხე, რომლის დროსაც აუცილებელია ვენაში ანტიბიოტიკების შეყვანა ან თითის ამპუტაცია, შესაძლოა ერთიცა და მეორეც.

აგრეთვე უნდა აღინიშნოს რომ ფრჩხლის ტრავმამ შესაძლოა პროვოცირება გაუკეთოს პადაგრის შეტევას. შაქრის დიაბეტით დაავადებულებმა ტერფის ნებისმიერი პრობლემის შემთხვევაში უნდა მიმართონ ექიმს.

პრობლემის გადაჭრა

მოჭერით მხოლოდ ფრჩხილის წამოზრდილი ნაწილი. ფრთხილად ისე რომ სისხლი არ წამოვიდეს. ფრჩხილის ზედმეტად მოკლედ მოჭრისას არის ფრჩხილბუდის დაზიანების საშიშროება. თუკი ტკივილის გამო ვერ იჭრით ფრჩხილს დღეში 2-3 ჯერ გაიკეთეთ ფეხის მარილიანი აბაზანები (1 ჩაის კოვზი მარილი 1 ლ. წყალზე). აბაზანის შემდეგ თითი შეიხვიეთ. რამოდენიმე დღის შემდეგ სიწითლე, ტკივილი და შეშუპება (თუ ასეთი იყო) გაივლის და ფრჩხილის დაჭრასაც შეძლებთ, თუ ტკივილი გაგრძელდა მიმართეთ სპეციალისტს.

ზოგჯერ უმჯობესია ანტიბიოტიკის შემცველი კრემის გამოყენება (მკაცრად დაიცავით გამოყენების ინსტრუქცია). მიეცით ფრჩხილს შესაძლებლობა წამოიზარდოს და შეამოკლეთ წამოზრდილი ნაწილი. მთავარია ავირიდოთ ინფექცია.

ფრჩხილის მოცილება.

ფრჩხილის მოცილება საკმაოდ რთულია, თუმცა თუკი ის უკვე აპირებს მოცილებას, ნუ დაუცდით სანამ წინდას ან სხვა რამეს წამოედება და ტკივილით ამოიგლიჯება. უმჯობესია საქმე საკუთარ ხელში აიღოთ და წესების დაცვით მოიქცეთ - აღნიშნავს სპორტული ორთოპედი რუსლან ბაგრინი.
დაიბანეთ ფრჩხილი საპნიანი წყლით და ამოჭერით კანთან რაც შეიძლება ახლოს. მოიცილეთ ფრჩხილი მხოლოდ იმ შემთხვევაში თუკი ჩანს რომ იგი საკმაოდ დაცილდა კანს და ადრე თუ გვიან თავისითაც აძვრება. ამის შემდეგ კანიცა და დარჩენილი ფრჩხილიც ანტიბიოტიკიანი კრემით დაამუშავეთ. შეიხვიეთ დოლბანდით. შემდგომ დღეებში დააკვირდით ფრჩხილს, თუკი ის გაწითლდება, გასივდება, გაჩნდება ჩირქი, ან რამოდენიმე დღეში ტკივილი არ გაივლის მიმართეთ ორთოპედს.

თუ ფრჩხილქვეშ მოყვითალო ან ვარდისფერი სითხის (და არა მოყვითალო- მომწვანო ჩირქის!!!) გამოყოფას შენიშნავთ, თქვენ დაგჭირდებათ აბაზანები ბეტადინით, თბილ წყალში წამლის ბოთლის თავსახურით რამოდენიმეჯერ ჩაასხით წამალი, იმისათვის რომ სითხის გაწოვა უკეთესი იყოს, წყალში დაამატეთ მაგნიუმის სულფატი. თითი ხსნარღი დღეში 2 ჯერ 10 წუთით მოათავსეთ. ამის შემდეგ წაისვით ანტიბიოტიკის შემცველი კრემი და შეიხვიეთ. დოლბანდი დღეში 2 ჯერ გამოიცვალეთ. ასეთი მკურნალობის შემდეგ თუკი ფრჩხილი ისევ განაგრძობს კანიდან დაცილებას მიმართეთ ექიმს.

მარილიანი აბაზანები. ჭრილობის გასუფთავებაში და ინფექციის თავიდან აცილებაში დაგეხმარებათ სუფრის მარილიც (სუფრის კოვზი მარილი 1 ლიტრა თბილ წყალზე). ამგვარი აბაზანები 3-4 დღის განმავლობაში დღეში 2 ჯერ გაიკითეთ. ეს არა მხოლოდ გამონადენის გამოდევნაში დაგეხმარებათ არამედ გაღიზიანებასაც ჩააცხრობს.

Naia · Post by **Naia** » 29 აგვ 2011, 19:34

პრაქტიკა გვიჩვენებს, რომ კარავზე ყველაზე გავრცელებული მაინც მუხლების ტკივილია (მენისკი, მუხლში წყალის ჩადგომა და ა.შ.)

ჩემთვის რომ ეს რჩევა ვინმეს ადრე მოეცა, ძალიან მადლობელი ვიქნებოდი. თუ ოდნავ მაინც გაწუხებთ სახსრები ან მუხლები, სასურველია ლაშქრობაში ატაროთ მუხლსაკრავი. ეს მუხლსაც დაიცავს, ჯანმრთელობასაც შეგინარჩუნებთ და უფრო დიდხანს ივლით ლაშქრობებში.

paata_ · Post by **paata_** » 29 აგვ 2011, 19:55

Naia

ასე რა, გადამარჩინე წინა პოსტების წაკითხვისაგან

Ketevan Guliashvili · Post by **Ketevan Guliashvili** » 29 აგვ 2011, 20:46

ფეხის დიდი თითის ფრჩხილის ტრავმა (დასასრული)

პროფილაქტიკა

ატარეთ მყარი ფეხსაცმელი. ფიზიკური შრომის დაწყების წინ ჩაიცვით მკვრივი, უხეში მასალისაგან დამზადებული ფეხსაცმელი. ფეხის დაცვა არანაკლებ მნიშვნელოვანია ვიდრე კანისა და თვალების მოფრთხილება, ირწმუნება ექიმი ბეხტერევი. სიმძიმის გადატანისას მყარი, გამძლე ბათინკი ჩაიცვით. სანდლები არ დაიცავს თქვენს ფეხს თუკი მათ სიმძიმე დაეცემა. თუმცა სანდლები მშვენივრად გამოგადგებათ წყალში და ქვებზე სიარულისას. რეზინის სანდლები მართლაც კარგად იცავს ფეხს წყალში სიარულისას.

არ იაროთ ფეხშიშველმა თუკი არის ცხელზე (ქვაფენილი), წვეტიანზე (ქვები ან მინა), სლიპინა (ქვები წყალქვეშ) ან ხაოიანზე დაბიჯების საშიშროება.

ფეხსაცმელი ზუსტად თქვენი ზომა უნდა იყოს. მხოლოდ ბათინკის სიმკვრივე არაა საკმარისი, იმისათვის რომ ტრავმებისაგან დაცული იყოთ. მორბენალი ე.წ. "მორბენალის ფრჩხილით" (შავი ფრჩხილით) ხშირად იტანჯება, რადგან მისი ფრჩხილები გამუდმებით ეხახუნება ფეხსაცმელს, აღნიშნავს ექიმი ბრაგინი. როდესაც ფეხსაცმელი ზომაში დიდია ფეხი წინ ცურდება. ზედმეტად ვიწრო ფეხსაცმელში კი ქუსლი ზევით სრიალებს, თითები კი იკუნტება. თითები არ უნდა ებჯინებოდეს ბათინკს არც სიარულის და არც სირბილის დროს.

თუკი თავგადაკლული მორბენალი ან სპორცმენი ხართ, სპორტულ მაღაზიაში შეიძნეთ ფეხსაცმელი, სადაც გამოცდილი კონსულტანტები ზუსტი ზომის მოძებნაში დაგეხმარებიან. თუკი იცით რომელი ფირმის და რა ზომის ფეხსაცმელი გსურთ შეგიძლიათ ის კატალოგით ან ინტერნეტით შეიძინოთ. თუმცა აქ გარანტია არ გექნებათ რომ ფეხსაცმელი ზუსტად მოგერგებათ.

იცით თუ არა რომ?

დიდი თითის ფრჩხილი თვეში მილიმეტრით იზრდება. თუ თქვენ ის დაკარგეთ, ასაკისა და ჯანმრთელობის მიხედვით, ის გაზრდას სადღაც ერთი წელი ან წელიწადნახევარი მოუნდება - განაცხადა ორთოპედმა ედუარდ ბეხტერევმა.

Ketevan Guliashvili · Post by **Ketevan Guliashvili** » 29 აგვ 2011, 22:56

qvevri wrote:ისე დიდმა ტრამვებმა რა დააშავეს?

გიორგი, დიდ ტრავმებთან დაკავშირებით კონკრეტულად რა იგულისხმეთ? თქვენი აზრით რა არის შესაცვლელი ან დასამატებელი თემაში?

Naia

ხოო, თუ მოვძებნე სტატია ვეცდები ვთარგმნო.

paata_

შენ ხომ წაკითხვისაგან მშია გიცავს.

paata_ · Post by **paata_** » 30 აგვ 2011, 02:44

Ketevan Guliashvili

მშია შიმშილისაგან ვერ მიცავს და წაკითხვისაგან დამიცავს?

t.d · Post by **t.d** » 30 აგვ 2011, 02:49

paata_
მართლა მშHია ეხლა რამეს შეჭამდა კაცი.

paata_ · Post by **paata_** » 30 აგვ 2011, 11:54

t.d
ჭამის დროს ყბა რო იღრძო იცი რა უნდა გააკეთო?

Archil · Post by **Archil** » 30 აგვ 2011, 16:20

ქეთევან

კარგი თემა გაგიხსნია

ამ ყალთაბანდებს ყურადღბა არ მიაქციო, ამათ ოღონდ აღადავე რამეზე და ჩაახეთქე რამე...

Ketevan Guliashvili wrote:ფეხის დიდი თითის ფრჩხილის ტრავმა

მაგი ნიშნავს რომ ფეხსაცმელი არასწორად გაცვია

ტრამვის შემთხვევაში დაეტიეთ სახლში და მოიშუშეთ ჭრილობა.

paata_ wrote:t.d
ჭამის დროს ყბა რო იღრძო იცი რა უნდა გააკეთო?

რასაც შენ აკეთებ ეგეთ შემთხვევაში - საჭმელი არ უნდა ჭამო

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS