უპატრონო ბებო ქუჩაში.

marmenio · Post by **marmenio** » 25 ოქტ 2010, 14:13

ახლახანს დავრეკე "კათარზის"-ში და მითხრეს რომ პრობლემას არ წარმოადგენს იქ ვინმეს მიღება, უბრალოდ უფროსს დაელაპარაკეთო, თანაც უფასო ყოფილა.

მე დღეს არ მცალია და იქნებ ამ დღეებში ვნახოთ ეს ბებო და გავარკვიოთ მისი დაბინავების საკითხი.

აი ეს საიტია "სათნოების სახლი"-ს.

http://www.catharsis.ge/?page=home

ნინი_85 · Post by **ნინი_85** » 25 ოქტ 2010, 14:30

marmenio

ეკა, შენ მიერ დადებულ ინტერნეტ გვერდის ბმულს გავყევი და მეტად საინტერესო რამ ამოვიკითხე:

საერთაშორისო ჰუმანიტარული კავშირი ''კათარზისი'' დაფუძნდა 1990 წელს. ''კათარზისი'' ეს არის სოციალური დახმარების კომპლექსური ცენტრი, სადაც თავმოყრილია ის გადაუდებელი სოციალური დახმარებები, რომლებიც დღეს აქტუალურია სოციალურად დაუცველი მოსახლეობისათვის. დღეს აქ ფუქციონირებს: უფასო სასადილო, წინასწარი სამედიცინო დათვალიერების კაბინეტი, აფთიაქი, მეორადი ტანსაცმლით დახმარების სამსახური, ბიბლიოთეკა, სილამაზის სალონი, ტანსაცმლის შეკეთების სამსახური, უბინაოდ დარჩენილ ხანდაზმულთა თავშესაფარი, სამლოცველო, ხანდაზმულთა ხალხური, კლასიკური და საესტრადო გუნდები, აგრეთვე ინვალიდთა თეატრი. ორგანიზაციას აქვს თავისი პატარა სასაფლაო მუხათგვერდის ტერიტორიაზე, სადაც იმ ადამიანთა დაკრძალვა ხდება, ვინც ბოლო მიწიერ საქმეშიც ღვთის ანაბარად არიან დარჩენილნი.

ლეონტი · Post by **ლეონტი** » 25 ოქტ 2010, 20:23

დღეს საღამოს მივედი, მაგრამ ის ადგილი ცარიელი დამხვდა.
იქვე მოპირდაპირედ მომუშავე გამყიდველს ვკითხე, ბებო სად წავიდა მეთქი.
მთელი დღე აქ იჯდა, ხანაც ეძინა. ეხლახან გავიდა სადღაცო.
ვთხოვე დამატებითი ინფორმაცია, და მითხრა იგივე, მხოლოდ წამოსვლის მიზეზი -ძმისშვილმა სცემაო. კაცი ყოფილა ცოლ-შვილიანი.
ბებო საღ გონებაზეა და ნორმალურად აზროვნებსო.
ისე ეს ბებო პირველი არაა , ვისაც აქ ვხედავო.
(მანდ იმიტომ ტრიალებენ რომ გამყიდველებს ებრალებათ და ცოტ ცოტას კვებავენ.)ძირითადად სოფლიდან გამოგდებული ბებოები არიან და ზამთრამდე ატანენ, მერე ქრებიან, ზოგზე გავიგე რომ აქვე დახლებთან იპოვეს გაყინულიო.
კათარზისის ამბავი მართლაც საყურადღებოა.

Katy · Post by **Katy** » 25 ოქტ 2010, 20:52

ისე ეს ბებო პირველი არაა , ვისაც აქ ვხედავო.
(მანდ იმიტომ ტრიალებენ რომ გამყიდველებს ებრალებათ და ცოტ ცოტას კვებავენ.)ძირითადად სოფლიდან გამოგდებული ბებოები არიან და ზამთრამდე ატანენ, მერე ქრებიან, ზოგზე გავიგე რომ აქვე დახლებთან იპოვეს გაყინულიო.
კათარზისის ამბავი მართლაც საყურადღებოა.

რა წაიკითხა ჩემმა თვალებმა... ვიცოდი ეგეთი რამ რომ ხდებოდა, მაგრამ საქართველოში ვერ წარმომედგინა...

ერთი ის ძმისშვილი დამაჭერინა და თვალებში ჩამახედა, რა კაცია ნეტა...

იქნებ მართლა დავაბინავოთ კათარზისში.. სიამოვნებით შემოვუერთდებოდი ესეთ წამოწყებას, რომ ბებიებს შეძლებისდაგვარად დავეხმაროთ.. იქნება იმ უფასო იურისტს მიაკითხოს, მერიის დაქვემდებარებაში რომ არიან... მოწმეებად ყველა ის გამყიდველი დადგება, ვინც ამ ბებიას ამდენი ხანია ხედავენ ყოველდღე...

Chiamaya · Post by **Chiamaya** » 25 ოქტ 2010, 22:47

საქართველოშიც ხდება ეგეთი ამბები რა თქმა უნდა

:( ამ მხრივ ნამდვილად არ ვართ გამონაკლისები

უარესებიც მსმენია.
ძალიან სამწუხაროა

იმ ძმიშვილისთვის "თვალებში ჩახედვა" არ მინდა, მაგრამ კარგი იქნებოდა რომ არსებობდეს იურისტთა საზოგადოება, რომელიც უსასყიდლოდ დაეხმარებოდა ასეთ ადამიანებს და კანონის ძალით დაიცავდა მათ უფლებებს. (თითქოს არის მსგავსი, მაგრამ რამდენად რეალურად ეხმარებიან არ ვიცი)
ეს ზოგადად და კონკრეტულად ეს ბებო იქნებ მართლა შეიფაროს კათარზისმა.

Hereti · Post by **Hereti** » 26 ოქტ 2010, 00:05

Archil · Post by **Archil** » 26 ოქტ 2010, 00:45

კათარზისში მოხუცების გამოკვება ერთი დღე 385 ლარია. სამსახურიდან გადავურიცხეთ რამოდენიმეჯერ და მაქედან ვიცი.

კარავსაც შეუძლია თავისი წვლილი გაიღოს ამ საქმეში და მაშინ მორალურადაც უფრო გამართულად ვიქნებით, თუ ბებოებს მივუყვანთ.

ლეონტი · Post by **ლეონტი** » 26 ოქტ 2010, 13:12

კათარზისში მივედი დღეს.
საქმის ვითარება აღუწერე.
მითხრეს აქ სულ 18 ადგილია ისიც ვიწროში არიან, თანაც რემონტს ვიწყებთ და ვისაც საშუალება აქვს დროებით ნათესავებთან ვუშვებთო.
თბილისის ზღვასთან არის სახელმწიფო თავშესაფარი, მაგრამ იქ წლობით დგანან რიგში და თანაც ჩაწყობა უნდა პარლამენტის დონეზეო.

Katy · Post by **Katy** » 26 ოქტ 2010, 15:21

ესე იგი ამ ბებოს საშველი არ ყოფილა...

ლეონტი · Post by **ლეონტი** » 27 ოქტ 2010, 19:02

დღეს ისევ გავიარე, არ დამხვდა.
გამყიდველმა თქვა მთელი დღე აქ იყო და საღამოსკენ გავიდაო.
იქვე ვიპოვე დიდუბის მეტროს შესასვლელთან აფთიაქის წინ დაედო ხილის ყუთი და ზედ იჯდა, მერე წამოდგა, აფთიაქის კარების შესასვლელთან ნოხის ნაჭერზე დაყრილი სიგარეტის ნამწვები და ქაღალდის ნაფლეთები გულმოდგინედ აკრიფა და იქვე სანაგვეში გადაყარა.
გამოველაპარაკე, მითხრა ბინის საკითხზე მედავებიან და დამჩაგრეს წამართვეს და გამომაგდესო.
პირადობის საბუთები მაქვსო ყველაფერიო.მზია მქვია ზარიაშვილიო.
რითი არსებობ, რას ჭამ მეთქი.პენსია მაქვსო და ხალხიც მეხმარება ცოტას მაჭმევენო აი ზესტაფონელებიო და კიდევ ვიღაცაო (ალბათ იქვე მოვაჭრე ყველის ვაჭრებს გულისხმობდა).
ზამთარი რო მოდის და აცივდება რას იზავ მეთქი.
რა და მიშა მიშველის, სახლი აუშენებია თემქაზე უსახლკარო მოხუცებისთვისო.
მიშა როგორ გაიგებს შენ ამბავს მეთქი და არ ვიციო.
ფული მივეცი მშიერი იქნები რამე იყიდე თქო და მკაცრად იუარა.
მერე რამდენიმე დაჟინებული შეთავაზების შემდეგ მორცხვად გამომართვა და წამოსულს უკნიდან რამდენჯერმე მადლობა მომაძახა.

ARCHILI · Post by **ARCHILI** » 27 ოქტ 2010, 23:15

გულანთებულ კარაველებს შეგიძლიათ შექმნათ კარვის საინიციატივო ჯგუფი და კეთილი საქმეების საკეთებლად გული რომ მოგიხმობთ, მაგალითად, ერთობლივად გააკეთეთ სადილი და მიუტანეთ ბებოს, ასევე მორიგეობით თითო-თითო ღამე გაათენებინეთ სახლში, შეაგროვეთ თანხა და დაეხმარეთ და ა.შ.

ლეონტი მართლა დაინტეერსებულია ამ ამბით და ბევრი რამე შეგიძლიათ მას ჰკითხოთ.

მე ერთობ უვარგისი და უსარგებლო კაცი ვარ, თორემ... სიამოვნებით შემოგიერთდებოდით.

KSOVRELI · Post by **KSOVRELI** » 28 ოქტ 2010, 00:50

ARCHILI

ეჰ, არჩილ, გული ვის არ მოუხმობს, მაგრამ განა ჩვენი შეძლება ჩვენი სურვილების პროპორციულია?
კაცო, დაგვაცადე, ვილაპარაკოთ მაინც, ვახ!

guruli · Post by **guruli** » 28 ოქტ 2010, 01:13

ლეონტი

მითხრა ბინის საკითხზე მედავებიან და დამჩაგრეს წამართვეს და გამომაგდესო.

ვინ წაართვა - ძმისშვილმა? ალბათ, მას არ ჰყავს შვილები, არა?

Tamari-ch. · Post by **Tamari-ch.** » 28 ოქტ 2010, 08:48

მთავარია სადმე საცხოვრებელი გამოვუნახოთ -
და იურისტი დავახმაროთ რომ უსინდისო ძმიშვილთან გაარკვიოს საქმე.
თავშესაფარშია საძებნი ადგილი - იქ კვებაც ექნება

ARCHILI wrote:გულანთებულ კარაველებს შეგიძლიათ შექმნათ კარვის საინიციატივო ჯგუფი და კეთილი საქმეების საკეთებლად გული რომ მოგიხმობთ, მაგალითად, ერთობლივად გააკეთეთ სადილი და მიუტანეთ ბებოს, ასევე მორიგეობით თითო-თითო ღამე გაათენებინეთ სახლში, შეაგროვეთ თანხა და დაეხმარეთ და ა.შ.

ლეონტი მართლა დაინტეერსებულია ამ ამბით და ბევრი რამე შეგიძლიათ მას ჰკითხოთ.

მე ერთობ უვარგისი და უსარგებლო კაცი ვარ, თორემ... სიამოვნებით შემოგიერთდებოდით.

Tamari-ch. · Post by **Tamari-ch.** » 28 ოქტ 2010, 08:52

http://forum.ge/?f=29&showtopic=34177643

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS