კვლავ ლექსებს დაგიწერ ანუ მეწერება და რა ვქნა

კოცონის ირგვლივ სასაუბრო თემები

Moderators: Kakha, Mta Mkvarebia, ilia

ახალი თემის შექმნა
პასუხი თემაზე
User avatar
Ivane Goliadze
მაწანწალა
Posts: 923
Joined: 01 აპრ 2005, 17:13
კვლავ ლექსებს დაგიწერ ანუ მეწერება და რა ვქნა

Post by Ivane Goliadze » 28 სექ 2011, 01:06

მე რის გიჟი ვარ თუ არ ვიგიჟე
და ამ თავსხმაში თავს არ დაგესხი,
თუ არ მოვედი და არ გაგათბე,
თბილი ქურქივით ტანთ არ ჩაგეცვი

User avatar
ln_ln
მაწანწალა
Posts: 387
Joined: 15 თებ 2009, 22:10
Location: davikarge da gza ar maswavlot, ar minda
კვლავ ლექსებს დაგიწერ ანუ მეწერება და რა ვქნა

Post by ln_ln » 11 ოქტ 2011, 11:38

Ivane Goliadze
ყოჩაღ კარგია !


ვილაპარაკოთ

მსგავსი დღეების უსაშველო დარჩა ატანა,
დეე, გადაწყდეს ისე როგორც ღამემ განაგოს,
მოდი ჩემთან და ამ დუმილის გასაფანტავად,
თუნდაც სულ მცირე, ამინდებზე ვილაპარაკოთ.

ვილაპარაკოთ - როგორ ფეთქავს დილა კვირტივით,
წვიმის წვეთებში მზის სხივები როგორ ეტევა,
იცი, მე ახლაც შარშანწინდელ ამინდს მივტირი
და ეს ტირილიც მენანება გასამეტებლად.

ვილაპარაკოთ, შენს უმანკო სულთან მიმიშვი,
თორემ დრო ცდილობს სურვილები თავად ალაგმოს,
ვილაპარაკოთ - სიყვარულზე მთელი სიგიჟით
და მოდი მერე სიგიჟეზე ვილაპარაკოთ.

ვილაპარაკოთ, დანარჩენზეც, ბევრი მხილებით,
სხვებს როგორ უყვართ, როგორ სძულთ ან როგორ ელიან,
როგორ არიან ანგარებით ერთად წყვილები
და ანგარება ჩვენთვის როგორ არაფერია -

რადგან პროცესი დასრულდება მაინც გნიასით,
დაგეგმილ გრძნობებს ჩვეულებრივ ვეღარ განაგებ,
ვილაპარაკოთ - ერთადერთხელ პოეზიაზეც -
ან შენ მისმინე და მე მარტო ვილაპარაკებ...

ვილაპარაკოთ - უსაფუძვლოდ, უხმოდ, უმიზნოდ,
თორემ დრო ცდილობს სურვილები თავად ალაგმოს,
ვილაპარაკოთ, მაგრამ მოდი ისეც ნუ ვიზამთ,
რომ არაფერი აღარ დაგვრჩეს სალაპარაკო.

ტყუპები (ბალადა)


ტყუპები იყვნენ, საოცარი ნიჭი აქვთ ტყუპებს,
თუმც უსახელოდ, სუნთქავდნენ და სუნთქავდნენ ჰაერს,
ჰაერს რომელიც ერთმანეთის სუნთქვიდან წრუპეს,
ჟანგბადს რომელიც დაბადების მოლოდინს ერთვის,
მაგრამ არ იცი, არასოდეს არ იცი თურმე,
ხშირად ბჭობს კაცი და ნაკლებად იცინის ღმერთი.

შემთხვევაც ესე მე რომელიც გიამბოთ უნდა,
ერთ დილით მოხდა, საშინელ და დაწყევლილ დილით,
ზოგს ახსოვს კარგად, ზოგიც კიდევ იხსენებს ბუნდად,
მოასკდა ქალაქს ნიაღვარი, იქუხა ცაზე,
ყველაფერი კი ყველაფერი დაიწყო იმით,
რომ ათ საათზე ყველაფერი დაიწყო ასე -

ეძინათ ტყუპებს, მერე ფეხში ტკივილი იგრძნეს,
ჩაჰკიდეს ხელი ერთმანეთს და მეორე ხელში
სიფრთხილე შეკრეს, გაეღვიძათ მოშორდნენ სიზმრებს
და უცებ ერთ ტყუპს ღვარად წასკდა ზურგიდან სისხლი,
დაიფშვნა საფრთხე და მეორეს ერთგვარად შეშლილს,
გადაეფარა ის პირველი, თავისი ღვიძლი.

გაგრძელდა ბრძოლა თუმც ეს ბრძოლა არ ჰგავდა ბრძოლას,
მათ მხოლოდ იმის ჰქონდათ შანსი დაეცვათ თავი,
იფიქრეს კიდევ, კიდევ ერთი ძმის ან დის ყოლა
და როცა მაშინ როს კაცი ბჭობს და ღმერთი ტირის,
თავგანწირულად, იძულებით, საათზე თერთმეტ,
დაეცა ასე დაგეგმილად ორივე გმირი.

.............. ............ ...............

დღე იყო ცივი, ქარი ფოთლებს ხეებში ხევდა,
იყო პალატა, თეთრ ხალათით შევიდა მაცნე,
გამოაღვიძა და ტკივილით გადაღლილ დედას,
წარმატებული და მორიგი აბორტი ამცნო...


ცის პოეზია



აქ მე ვიწყები, ვრწმუნდები რომ ვიწყები აქ მე,
ვსაუბრობ თავთან მოკრძალებით, ღმერთთან ვსაუბრობ,
საკმევლის სუნიც ყოველ ახალ შეგრძნებას აკმევს
და ვხვდები საქმეც სასარგებლო არის რა უფრო,

ანუ წარსულის კალაპოტის მივარღვევ ჯებირს,
ანუ მომავლის კალაპოტის ჯებირს ვიღობავ,
ვინახავ ტვინში მიყოლებით სტრიქონებს ზეპირ
და სულში დგება ცოდვის გუბე და წყალდიდობას -

მომაგონებენ შიგადაშიგ აზრები მრუდე,
მიფრინავს სადღაც ჩემი ხანა, როგორც კარეტა
და საკუთარ თავს უფრო მეტად შიგნიდან ვუტევ
და საკუთარი თავი მიდგას მცველად გარედან.

აქ მე ვიწყები, აქ მე ვიბრძვი, ვმარცხდები აქ მე,
ჟრჟოლავს ტაძარი და სულია როგორც კანაო,
მერე შემოდის ჩემში ღმერთი, რომელიც დავგმე
და როგორც სუნთქვა მომაკვდავის, ისე ქანაობს.

მე მაგონდება მამაჩემი ტაძარში მუდამ,
არადა ხშირად მიტირია როგორ მოვლიე,
ერთი უფალი რომ გვყოლოდა მამას ეს სურდა
და მეც ამ სურვილს სამარეში ჩავიყოლიებ,

რადგან სრულდება რაღაცები საერთოდ აღარ,
საკუთარ თავთან არასოდეს თუ არ იცინი
და საერთოდაც ეს ცხოვრება მარტივი ზმნაა,
ხოლო პოეტი უმეტესად არის ზმნისწინი.

ფიქრთა ასეთი შეჯამება მჩვევია აქ მე,
დედაჩემი კი დედაჩემი ყველაზე მარტო,
მომელოდება, მე კი როგორც დაღლილი საქმე
ისე არ ვაქცევ ყურადღებას, ვსრულდები და რტო -

ზეთისხილების, ჩემს მეუღლეს უხდება თმაში,
მოუხდებოდა უფრო სწორედ, ვიცი ეს კარგად,
და მისი ცრემლი ერთიანად ტკბილი და მლაშე,
მუდამ ჩემს მხრებზე მოგროვდება უღელის ხარკად,

ხარკად რომელიც მისი ხარკი უფროა ვგონებ,
მე მეშინია ამ ფიქრებით საკუთარ თავის
ასაკში ასეთ, რადგან ვხვდები მეცლება ღონე
და ჩემი ლექსი უფრო მეტად შიგნიდან ბღავის.

და ვარ ტაძარში, აქ მე ვიბრძვი, ვიწყები აქ მე,
სანთელი ჟრჟოლავს და სულია როგორც კანაო,
მერე შემოდის ჩემში ღმერთი, რომელიც დავგმე
და როგორც სუნთქვა მომაკვდავის, ისე ქანაობს..

როინ აბუსელიძე
სახეტიალოდ გზები მეძახის.. .მესაიდუმლედ მთა გამხდენია

User avatar
ln_ln
მაწანწალა
Posts: 387
Joined: 15 თებ 2009, 22:10
Location: davikarge da gza ar maswavlot, ar minda
კვლავ ლექსებს დაგიწერ ანუ მეწერება და რა ვქნა

Post by ln_ln » 11 ოქტ 2011, 11:40

ჩვენებურები


კიდევ ერთხელ მიამბე
გურჯისტანზე ეფენდი,
რატომ მღერის ყარდაში
ცრემლიანად ,,ჯილველოს"?
გუშინ შეღამებამდინ,
ჭოროხთან რომ გევედი,
ტაიას ხმა გევგონე,
აგზენ ბავშვებს ჰყიდდნენო.

ყოველ დილით ბაბაი,
რატომ გასცქერს ჩრდილოეთს?
რატომ ახლავს ამ სურათს
ნენეს ცრემლი ალალი?
ანდაც ყველა საღამოს,
მაინც რომც არ გინდოდეს,
,,სულიკოს" რომ მღერობენ,
რატომ მბურძგლავს ბალანი?

გურჯისტანი შორსაა?
იქ რატომ არ ვბრუნდებით?
ფეხით ჩავალთ იქამდის? -
მომიყევი ეფენდი,
რატომ არ დამასწავლი,
ასე რატომ ჩუმდები?
ნეტა გზები ვიცოდე
მარტოც მოვაფერებდი.

დავიბენი ეფენდი,
ვინ ვართ - ან ვინ ვიყავით?
მოდი დღესვე წავიდეთ,
იქნებ კიდეც გველიან,
ბავშვობაში ემიას
გორასთან რომ მივყავდი,
მებნეოდა - გახსოვდეს -
ამის მიღმა ჩვენია...

კიდევ ერთხელ მიამბე,
გურჯისტანზე ეფენდი, -
ისევ იმეორებდა -
ბიჭი ტაო-კლარჯელი
და უსმენდა უსიტყვოდ,
ცრემლიანი თვალებით,
თურქ ეფენდის სამოსში
ოთხმოცი წლის ქართველი!...


ნ ი ნ ო ს


მაგ თმების ტევრში სუნთქვა გაიხა,
კოცნას სურნელი მოაქვს გემოთა,
შენ ახლა ჩემი ყველა ქალი ხარ,
ვინც მყოლია და მეყოლებოდა.

ქარი თებერვლის მოტივს დაიხვევს,
გუბდება ფილტვში ჯარი სიტყვათა,
შენ ახლა ჩემი ყველა ქალი ხარ,
ვისაც ვუყვარდი და ვინც მიყვარდა.

სივრცე გაშლილი არის არშინად,
ზამთარს ფანჯრებთან უსამსალია,
შენ ახლა ჩემთვის ყველა ქალში ხარ
და შენში ახლა ყველა ქალია.

სუნთქვის აფრები მიაქვს იალქნებს,
გრნობამ მაჯები უნდა შეღებოს,
ჩემმა ლექსებმა როგორ მიგაგნეს,
ყოველ სტრიქონში მიუგნებელო.

ამინდმა ციდან მთვარე გარიყა
დედამიწა კი მუცელს იტკივებს,
შენ ახლა ჩემი ყველა ქალი ხარ,
ვინც მიტირა და... ვინც დამიტირებს...
ბოლოს ...

როინ აბუსელიძე
სახეტიალოდ გზები მეძახის.. .მესაიდუმლედ მთა გამხდენია

User avatar
ln_ln
მაწანწალა
Posts: 387
Joined: 15 თებ 2009, 22:10
Location: davikarge da gza ar maswavlot, ar minda
კვლავ ლექსებს დაგიწერ ანუ მეწერება და რა ვქნა

Post by ln_ln » 23 ნოე 2011, 13:23

ჰაიკუები

* * *

არ გაჩერდება
შუა გზაზე. . .
ეს ფოთოლცვენა!

ტეჯიო ნაკამურა

* * *
არ გინდა მოხვიდე და ნახო
მარტოობა? მხოლოდ ერთი ფოთოლი
კირის ხიდან.

მაცუო ბაშიო


* * *
მივდივარ,
თუმცა მოფენილ ფოთლებს
ფეხს არ ვაბიჯებ.


სოგიო ჰასეგავა
სახეტიალოდ გზები მეძახის.. .მესაიდუმლედ მთა გამხდენია

User avatar
ln_ln
მაწანწალა
Posts: 387
Joined: 15 თებ 2009, 22:10
Location: davikarge da gza ar maswavlot, ar minda
კვლავ ლექსებს დაგიწერ ანუ მეწერება და რა ვქნა

Post by ln_ln » 23 ნოე 2011, 13:25

***
,,უკვე ჩამოდგა შემოდგომა” _
მითხრა ჩურჩულით
ჩემს სასთუმალთან ფეხაკრეფით მოსულმა ქარმა.
მაცუო ბაშიო

***

დამშრალი
წყარო-
სახე მოხუცისა.
კადოკავა

* * *

ფოთოლცვენა,
ქვრივი ქალის
წააგავს სიცილს.

... იაცუკა იშიჰარა


* * *

მაგიდას შერჩენილი ორცხობილა
ხელში ავიღე
და ჭიანჭველა ავაღრიალე.
ტეიჯიო ნაკამურa
სახეტიალოდ გზები მეძახის.. .მესაიდუმლედ მთა გამხდენია

User avatar
ლეონტი
იეტი
Posts: 4805
Joined: 26 მაი 2007, 22:48
Location: ღურბელი
Contact:
კვლავ ლექსებს დაგიწერ ანუ მეწერება და რა ვქნა

Post by ლეონტი » 23 ნოე 2011, 13:34

ინტერნეტში შევედი და მერე ,
გამოვედი.
ლეონტი.

qvevri
ქვევრი
Posts: 7185
Joined: 13 მაი 2007, 22:57
კვლავ ლექსებს დაგიწერ ანუ მეწერება და რა ვქნა

Post by qvevri » 24 ნოე 2011, 08:47

ქვევრში ღვინო
ჩავასხი
და მერე ისევ
ამოვასხი
ქვევრი

User avatar
ARCHILI
იეტი
Posts: 8437
Joined: 13 ივნ 2007, 13:08
კვლავ ლექსებს დაგიწერ ანუ მეწერება და რა ვქნა

Post by ARCHILI » 24 ნოე 2011, 22:53

qvevri wrote:ქვევრში ღვინო
ჩავასხი
და მერე ისევ
ამოვასხი
ქვევრი
არ გამოდგა?
გკითხე
და
პასუხს არ დაველოდე,
რადგან პასუხი ვიცოდი.
ქვევრის ღვინო კი არ ისხმევა -
ილევა.

რჩილი ("ა" განგებ გამოვტოვე, ფსევდონიმით ვწერ)
Image

User avatar
ლეონტი
იეტი
Posts: 4805
Joined: 26 მაი 2007, 22:48
Location: ღურბელი
Contact:
კვლავ ლექსებს დაგიწერ ანუ მეწერება და რა ვქნა

Post by ლეონტი » 25 ნოე 2011, 11:18

გათენდა, , მზე არ ჩანს.
მხოლოდ შუქია.
ლეონტი

User avatar
ARCHILI
იეტი
Posts: 8437
Joined: 13 ივნ 2007, 13:08
კვლავ ლექსებს დაგიწერ ანუ მეწერება და რა ვქნა

Post by ARCHILI » 25 ნოე 2011, 14:12

წავიკითხე ლეონტის
ლექსი.
ერთი ამოსუნთქვით
იკითხე
ბა.

რჩილი
Image

User avatar
ლეონტი
იეტი
Posts: 4805
Joined: 26 მაი 2007, 22:48
Location: ღურბელი
Contact:
კვლავ ლექსებს დაგიწერ ანუ მეწერება და რა ვქნა

Post by ლეონტი » 25 ნოე 2011, 14:53

ბატონო რჩილი გმადლობთ, თქვენი მონა მორჩილი.
ლეონტი.

User avatar
KINALOKO
იეტი
Posts: 2264
Joined: 25 აპრ 2007, 13:41
Location: "океан вливающегося в каплю"
კვლავ ლექსებს დაგიწერ ანუ მეწერება და რა ვქნა

Post by KINALOKO » 25 ნოე 2011, 17:38

რკინის ბორბლებიანს და 10 მეტრიანს
ესვრიან კვერცხებს....
ღმერთო, სადაა ჩემი შლოპანცი?!
საქართველო
земля -- это ангел,
несущий меня по небу.
Мир состоит из глаголов, а не из существительных.
Ищите себя в самих себе, и вы найдете все.

auf

User avatar
ARCHILI
იეტი
Posts: 8437
Joined: 13 ივნ 2007, 13:08
კვლავ ლექსებს დაგიწერ ანუ მეწერება და რა ვქნა

Post by ARCHILI » 26 ნოე 2011, 13:36

გამოშლიოპანცდა ეს საქართველო,
და გამოკვერცხდა
ბათუმი?
არა - ყველა
ნი
Image

User avatar
ლეონტი
იეტი
Posts: 4805
Joined: 26 მაი 2007, 22:48
Location: ღურბელი
Contact:
კვლავ ლექსებს დაგიწერ ანუ მეწერება და რა ვქნა

Post by ლეონტი » 26 ნოე 2011, 13:42

ასეა ძამა,
უპატრონო თხა ,
მგელმა შეჭამა.

User avatar
ARCHILI
იეტი
Posts: 8437
Joined: 13 ივნ 2007, 13:08
კვლავ ლექსებს დაგიწერ ანუ მეწერება და რა ვქნა

Post by ARCHILI » 26 ნოე 2011, 14:04

და მერე ნათელაშვილმა
სასამართლოში იჩივლა
თხის კუდისა
თვის

.
Image

ახალი თემის შექმნა
პასუხი თემაზე

FORUM_PERMISSIONS

You cannot post new topics in this forum
You cannot reply to topics in this forum
You cannot edit your posts in this forum
You cannot delete your posts in this forum

ახალი წერილი ახალი წერილი    ახალი წერილი არაა ახალი წერილი არაა    ანონსი ანონსი
ახალი წერილი [ ცხარე ] ახალი წერილი [ ცხარე ]    ახალი წერილი არაა [ ცხარე ] ახალი წერილი არაა [ ცხარე ]    თვალშისაცემი თვალშისაცემი
ახალი წერილი [ დაკეტილია ] ახალი წერილი [ დაკეტილია ]    ახალი წერილი არაა [ დაკეტილია ] ახალი წერილი არაა [ დაკეტილია ]