კვლავ ლექსებს დაგიწერ ანუ მეწერება და რა ვქნა

ele · Post by **ele** » 25 ივლ 2008, 02:30

M-goni

აქაა აქ

ele · Post by **ele** » 25 ივლ 2008, 02:48

დიდმა პრომეთემ ზევსს მოსტაცა უკვდავი ცეცხლი,
ადამიანებს უწყალობა სინათლე, სითბო,
რადგან უყვარდა ადამისძე - ღმერთისგან კრული,
სურდა გაეგოთ ამ მოკვდავთა ცხოვრების სიტკბო.
- სამაგიეროდ რა მიიღო სიყვარულისთვის?
რითი შეამკეს ეს ღმერთკაცი, სიკეთის მჩენი?
- სხეულის კორტნა და ტყვეობა სამარადჟამო -
ასეთი იყო პირქუშ ზევსის მსჯავრ-განაჩენი!
”არა კაც კლაო” - ქადაგებდა იესო ქრისტე -
”შეიყვარეო უცხო კაცი შენს თავზე მეტად,
პატივი ეცი გაჭირვებულს სუსტს და დავრდომილს,
სხვისი დუხჭირი მიგაჩნდესო საკუთარ სევდად”.
სამაგიეროდ რა მიიღო სიყვარულისთვის?
რითი შეამკეს ეს ღმერთკაცი, სიკეთის მჩენი?
- სხეულის გვემა, ჯვარზე გაკვრა, ტანჯვით სიკვდილი -
ასეთი იყო რაბინების მსჯავრ-განაჩენი!
არსუკიძემ კი ზე აღმართა სვეტიცხოველი,
მას შეალია სიჭაბუკის ლამაზი ხანა,
რადგან მას სწამდა - ერისათვის იღწვოდა იგი,
რადგან უყვარდა გულის სწორი და ეს ქვეყანა.
სამაგიეროდ რა მიიღო სიყვარულისთვის?
რითი შეამკეს ეს ღმერთკაცი, სიკეთის მჩენი?
- მკლავის მოკვეთა, სატრფოსაგან განცალკავება -
ასეთი იყო მოშურნე მტრის მსჯავრ-განაჩენი!

მე შენ მიყვარხარ - აი ჩემი დანაშაული,
დაბორიალობს ჩემი სული, ოცნებით მთვრალი,
მსურს ვეამბორო შენს ნაკვალევს მწვანე ბალახზე,
ჩემო თემიდავ, შენ აწონე ეს ცოდვა-ბრალი.
- თუმც უკვე ვიცი რას მივიღებ სიყვარულისთვის,
ჩემო ღმერთკაცო დაგელოცოს მაინც გამჩენი,
- ”დაე ცალმხრივი სიყვარულით დაიტანჯოსო” -
ასეთი არის ჩვენი მკაცრი მსჯავრ-განაჩენი!

tama · Post by **tama** » 07 აგვ 2008, 18:09

ვინ იცის ახლა ჩვენს ჭერხოში კვლავ ქოთქოთია,

შემზარავი და ველურობის რაღაც მაგვარი,

საღვთო აქვს ჩემი დაბრუნების ხვთისოთ თოთია

და
სტუმარ სოფლელს სულს უდაღავს წინწანაქარი.

ვინ იცის ახლა მოხუცები ფეხონში სხედან,

მე კი ვით მამცდარ არ მახსენებს არავინ კაცად.

ხუცესმა კიდევ შემახვეწა ადგილის დედას

და სადობილო მაუხსენა ჩემს დედინაცვალს.

ვინ იცის ახლა ჯვარში ხსნიან ლუდიან კოდებს,

წირვა იქნება,გაიყვანენ ხვალისსწორს მარხვას,

ვინ იცის ტახტზე მომაკვდავი ბაბუა გოდებს

და ენატრება შვილიშვილის საცოდავს ნახვა.

ჰგონია წყალში გადავყარე ყველა სიკეთე

რომ არ დავჯერდი მის რჩევას და დავტოვე ურჩმა,

ვინ იცის ახლა ჩემს მეგობარ მგელას იკვეთენ

მისდია მტერს და

რომ ვერ მოსჭრა მარჯვენა დუშმანს.

ვინ იცის ზოგი ჩემს საქციელს იქნებ არც სწუნობს,

ზოგს კი იქნება აღარა აქვს იმედი ჩემი,

ვინ იცის იქნებ გამოვტოვე მე სადასტურო,

გამოიყვანეს პირქუში და მარისხებს თემი.

ვინ იცის ახლა ჩვენს ჭერხოში კვლავ ქოთქოთია,

შემზარავი და ველურობის რაღაც მაგვარი

საღვთო აქვს ჩემი დაბრუნების ხვთისოთ თოთიას

და სტუმარ სოფლელს სულს უდაღავს წინწანაქარი.

ele · Post by **ele** » 08 აგვ 2008, 10:51

მტერი გათამამდა თანდათან,

ქუდზე კაცს ეძახის საქართველო

ლაბრასთან, გაგრასთან, ტამიშთან

მოგროვდით სამასო არაგველო. . .

მოგროვდით! მტერს ის დღე გავუთენოთ

ძმამ - ძმა რომ ვერ იცნოს თავისი. . .

ლაბრასთან სისხლის ტბა დავუყენოთ!

იქნებ დაგვავიწყდეს კრწანისი. . .

როდემდე ვიკვებოთ წარსულით?

საქმე ჩვენც ვაკეთოთ სასახელო. . .

დუშმანი თავსაა გასული

წინაპარს მიბაძე არაგველო!

სისხლით მოირწყო მინდორ - ველები. . .

იქ დარჩა მართლა ვინაც იომა. . .

მთიდან ჩასული არაგველები. . .

გზა დაგვილოცა საარწიომა!

წაუპოტინეს მამულს ხელები,

წყენამ სიკვდილი გააიოლა.

ი. ლიქოკელი

ასეთ ხასიათზე ვარ მთელი ეს დღეებია. . .

Tekle batonishvili · Post by **Tekle batonishvili** » 08 აგვ 2008, 13:13

ჩვენ უფრო მეტნი ვართ!

როგორც ეპოპეა
ნაკად-ნაკადობით
თვალებს დაგეშილი
მზერით ატრიალებ.
შენ უფრო მეტი ხარ
ვიდრე ისტორია,
და უფრო სასტიკი
ვიდრე მატიანე.

ეჰეიი პოეტების...
გადის ეკიპაჟი,
როდის მოვიშუშებ
ამ დარდის ნაწოლებს
ვდგავარ ცარიელი
ბაღის ერმიტაჟში
როგორც, სევდიანი
მუზების საცოლე.
რაღა დამაძინებს...
კალამს უჩვეულო
სენად მოსდებია
ტკივილი ხავსივით.
მტკივა მონატრება
რაღაც უსხეულო
მზეო გეხვეწები
ცეცხლისფრად გასხივდი.
ეჰეიი, პოეტები
ომის სხეულიდან
კალამს “ჰაუბიცად”
გადაცმულს იქნევენ
ღმერთო გევედრები
სუნთქვა გამიჭირდა
ღმერთო გევედრები
ამ ბიჭებს უშველე.
ჩამაცვით, მეც მინდა
ეგ მწვანე ხალათი
წითლად შეღებილი
ლაკმუს-ლოსკუტებით,
ირგვლივ ნასისხლარი
მწვანე მინდორია
სისხლად დატბორილი
ტყვიის რაკურსებით.

და ვქმნი ეპოპეას
ნაკად-ნაკადობით
თვალებს დაგეშილი
მზერით ვატრიელებ
ჩვენ უფრო მეტნი ვართ!!!
და ეს ისტორია
სისხლიანი კალმით
შექმნის მატიანეს.

Mta Mkvarebia · Post by **Mta Mkvarebia** » 08 აგვ 2008, 13:19

ჩვენ უფრო მეტნი ვართ!

მართლაც რა, ეკ, რა ლამაზი ლექსი გამოგიცხვია, სანამ სააკაშვილმა სიტყვა დაასრულა

. ჩვენ უფრო მეტნი ვართ! თუმცა თითოეული მათგანი, როგორი ძვირფასია ქვეყნისთვის, ოჯახისთვის, მეგობრებისთვის. ამიტომ თავს გაუფრთხილდით, ბიჭებო, გეხვეწებით!

ჩვენ გვჯერა თქვენი!

Tekle batonishvili wrote:ღმერთო გევედრები
სუნთქვა გამიჭირდა
ღმერთო გევედრები
ამ ბიჭებს უშველე.

ამინ!

ნინი_85 · Post by **ნინი_85** » 13 აგვ 2008, 10:59

კვლავ შეგვახვედრებს გამარჯვება

გზა გამარჯვების!
დაიცავი შენი ქვეყანა,
შენი ქვეყანა
გევედრება დედის ვედრებით:
კვლავ შეგვახვედრებს
გამარჯვების ახალი ხანა -
ახალი ხანა
აღტაცებით და შეხვედრებით.

გალაკტიონ ტაბიძე

მაშ გამარჯვება...

დავბადებულვარ, რომ ვიყო მონა,
და საქართველოს მედგას უღელი:
- მაშ გამარჯვება, ტკბილო სიცოცხლე,
დავრჩებით ერთად ჩვენ განუყრელი!.

ტიციან ტაბიძე

namcecuna · Post by **namcecuna** » 13 აგვ 2008, 11:55

Tekle batonishvili

:(:(:(
სისხლი გამეყინა ძარღვებში...

Mta Mkvarebia · Post by **Mta Mkvarebia** » 13 აგვ 2008, 12:05

namcecuna
ჰო, მეც

აი კიდევ, გუშინ დაწერა

:

ომი, რომელიც გამოვიგონე...

გესმის, ისვრიან...
მზე დაიხრჩო ლურჯ ჰორიზონტზე,
შავი ფიქრები შეეყარა დატალღულ ნაპირს.
ამ უცნაურად ქვადქცეული ქალაქის ფონზე
ნიჟარებს, დაცლილ ვაზნებივით სამადლოდ დავყრი.
სიცარიელეს ტოგასავით ტანთ, რომ იზომებს,
ვშლი გონებიდან
ომს, რომელიც გამოვიგონე.

მზეო, სადა ხარ...
აფხაზეთი გავკიდე თოკზე.
სველია ჯერაც, შეუმშრალე გთხოვ მას ცრემლები.
კადრები, ჩემი წარსულიდან ხმაურით მომდევს
ფერად სარჭებში მომწყვდეულან, როგორც მძევლები.
და სარეცხივით გადაფენილს დრო რომ აქვავებს,
შეგრძნებებია,
ნაწილებად მე რომ დამშალეს.

გესმის, ისვრიან...
მე კი, ძილი ვისწავლე ღამით.
"საიდან მოხველ
საით მიხვალ
რა გზას მიჰყვები?!
ვინ ვარ!"
როდემდე დავუმალო ფურცელს სიტყვები,
გათენებულაა...
სევდიანი ნამგალა მთვარის
პროფილს გვერდულად ირეკლავენ ურჩი ტალღები,
ხვეული თმებით,
შენს რუქაზე დავიტალღები.

გესმის, ომია...
მე გამყიდეს ოცდაათ ვერცხლად.
(ისე ახლოს ვარ ახლა ღმერთთან, როგორც არასდროს ?!)
ჟანდარმერიავ!
გასწორდი და გახსენი ცეცხლი.
მაინც ხვალ დილით მე სირცხვილის გრძნობა დამახრჩობს,
რომ კიდევ ერთხელ დავამცირე ჩემი ცხოვრება,
ტუჩის დამალვით,
კოცნას ზღვას რომ ემათხოვრება.

გესმის, ისვრიან...
მზე დაიხრჩო ლურჯ ჰორიზონტზე...

თეკლე ბატონიშვილი

Archil · Post by **Archil** » 13 აგვ 2008, 12:34

Mta Mkvarebia wrote:ჩვენ უფრო მეტნი ვართ!

ნას ბოგატო, ნას ნე პოდოვატო (ჩვენ ბევრნი ვართ - ჩვენზე ვერ გაიმარჯვებენ) - ეს სიტყვები პირველად უკრაინაში გაისმა, ასე რომ ეს სააკაშვილის შემოქმედება არაა ჩემო კარგო მფრინავო ანგელოზო...

ისე კი, ჩვენ არ ისე ბევრნი ვართ, ასე რომ ჭკუით უნდა ვაჯობოთ მტერს.

Mta Mkvarebia · Post by **Mta Mkvarebia** » 13 აგვ 2008, 13:24

Archil
დავიჯერო, ვერ მიხვდი, რა "სიბევრეზეა" ლაპარაკი?

(ლექსს ვგულისხმობ და არა სააკაშვილის ფრაზას).

ისე მეგონა თეკლეს შემოქმედებას ვეხმაურებოდი და არა სააკაშვილისას...

KINALOKO · Post by **KINALOKO** » 21 აგვ 2008, 22:29

tama
3-4- dRis win erTma moxucma mZRolma Tqva, ra upleba aqvssamoci wlis kacs rom epasuxeba 21 W@lis laWirakio

jer 60 Wlamde mividesda mere urCioso

da veraferi gavige ki ara...........is gavige, rom Sepasuxeba, anuu, kamaTi sruli siusulelea

anu, tama gamexardaTqo imis Tqma mindoda

KINALOKO · Post by **KINALOKO** » 23 აგვ 2008, 19:04

"სიკვდილმა ჩამოიარა, არავინ დახვდა წინაო,
ობოლი გამოეგება, ხონჩა მიართვა წინაო,
მე წამიყვანე სიკვდილო, ობლობა მამეწყინაო...
შენ რად მინდიხარ ობოლო, არავინა გყავს შინაო
ერთი შორი მამიდა გყავს ისიც არაა შინაო,
არა გყავს დამტირებელი არც სუდარა გაქვს შინაო...
მე კახეთისკენ მივდივარ კაცი მიმიღვის წინაო
იქ ცხრა ძმა გამდიდრებულა უნდა ჩავუხდე შინაო,
ისინი უნდა გავყარო თავ-თავად მივცე ბინაო...."

lama · Post by **lama** » 24 აგვ 2008, 14:20

ბულდოგის ლეკვი ეყოლა
ფსკოვში გალინა მიჩურინს

namcecuna · Post by **namcecuna** » 02 სექ 2008, 17:29

როგორ ეტყობა უშენობა ამ შემოდგმას...
ამ ზეცის შეცვლას...
დღის მოკლებას...
მზის შემოკვდომას...

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS