ფერმერული ესკიზები მარგალეთში

ARCHILI · Post by **ARCHILI** » 18 სექ 2008, 12:20

ცოტა ხნის წინ სამეგრელოში გახლდით მივლინებით... ვისარგებლე მომენტით და პაწა დავისვენე კიდეც... დავისვენე არა ჩვენებურად... არამედ, უბრალოდ, ფერმერულად, ახლობლის ოჯახ-სანათესაოში, უბრალო და ერთდროულად განსაკუთრებულ ხალხში, ეს იყო სოფელ ქვალონში, ხობის რაიონში...

ნუ... მეგრული მასპინძლობის ამბავი ყველამ იცის...

იხარე, სულ გამაგიჟეს და მერე პროფესიულ საქმიანობასაც ნასვამი ვეწეოდი...

ერთადერთი, რასაც მიპროტესტებდნენ, მეგრულის უცოდინარობა იყო... "ხოხ, სანდრა რულიოვსმა ისწავლია მარგალიური და შენ, მარგალი კოჩმა არ იციო?...

ასეთ დროს ვწითლდებოდი და მარგალიურად ვეუბნებოდი, "აუცილიებლად ვისწავლი მეთქი", - ანუ, საწყის ეტაპზე მხოლოდ ე.წ. "მიაგკი ზნაკის"გამორევით...

პირველ რიგში, როდესაც სამტრედიიდან სამეგრელოსკენ გადაუხვევთ, თვალში განსაკუთრებული სიმწვანე მოგხვდებათ...

პირდაპირ ვიტყვი, ასეთ მწვანე ფერს ვერსად იხილავთ ამ ბუნების მდიდარ საქართველოში...

ახლა ეს ფოტოები, ჩემი, უხეირო ფოტოგრაფის უხეირო მობილურითაა გადაღებული და თანაც სექტემბერში და თქვენ წარმოიდგინეთ კარგი ფოტოაპარატით, კარგი რეპორტიორით და შუა ზაფხულში...

იმ დროსაც კი, როცა წვიმას აპირებს...

მეორეა განსაკუთრებულად მაღალი და ლამაზი სიმინდის ყანები... ისიც ცნობილია, რომ მეგრულ სიმინდს არანაირი სხვა სიმინდი არ ჯობია, როგორც სილამაზით, ასევე გემოთი, ცხადია... იმიტომაცაა, რომ სამეგრელოში გაკეთებულ მჭადს და ღომს განსაკუთრებული გემო აქვს...

ჯერომ სელინჯერს რომ ეს ყანები ენახა, "თამაშს ჭვავის ყანაში" კი არა "თამაში სიმინდის ყანაში" დაწერდა:

ყველა ფონზე ლამაზია, თანაც ეს ადგილი აკაციის ტყესთან არის ახლოს:

ARCHILI · Post by **ARCHILI** » 18 სექ 2008, 12:23

ეს საქართველოს მეგრული ცაა... სხვათა შორის, სწორედ ამ ფოტოს გადაღებისას დავაფიქსირე, რომ მხოლოდ ცისათვის სურათი გადაღებული არ მინახავს, არა და ყველა ჩვენი ხოტბა ლამის ცას ეკუთვნის ხოლმე... ჰოდა... მეც გადავუღე:

ARCHILI · Post by **ARCHILI** » 18 სექ 2008, 12:30

ჩემი ფერმერული ეპიზოდები, უფრო სწორად, ჯერ ჩემს მიერ დაფიქსირებული ფერმერული ეპიზოდები;

1. მეგრელი ცხენები:

2. მეგრელი ცხენი:

3. მეგრელი ბატები:

ცალკე სერიაა მეგრელი იხვები, მათთვის სურათების გადასაღებად მე დამეგობრებაც კი მომიწია და ბოლოსარარ მერიდებოდნენ

ARCHILI · Post by **ARCHILI** » 18 სექ 2008, 12:43

იხვებმა დამეგობრების შემდეგ პოზირებაზეც არ თქვეს უარი... რას კარგავდნენ... აი, საწყალ ქათმებს კი ცუდი დღე დაუდგათ, რამდენიმეს თავი წააცალეს...

პოზიორი იხვი:

კიდევ ერთი:

ახლა უკვე რამდენიმე, თანაც პატარა ტბაში:

მონადირე ყოფილიყო იქ... ხოხ... ხოხ...

აქ ისინი მსჯელობენ, რომელმა იპოზიოროს და რომელმა სუფრა დაამშვენოს:

მითხრეს, ძალიან გვესიამოვნაო შენი გაცნობა... და ისე გამიშინაურდნენ, რომ მობილურზე, რომლითაც ფოტოებს ვუღებდი, დარეკვა მთხოვეს:

ARCHILI · Post by **ARCHILI** » 18 სექ 2008, 12:57

სერიიდან გოჭები...

აქ, მეც გადავწყვიტე ფერმერული სული მეგრძნო და რაიმე საქმიანობა გამეწია, სანამ ქათმებსა და იხვს პუტავდნენ და სანამ ღომი იხარშებოდა და ა.შ.

ჯერ ვუღებდი ფოტოებს...

მერე გადავწყვიტე მეც მეჭმია და თან ფოტოებიც გადამეღო, გოჭებს არ მორიდებიათ:

ჩემი თითი სოსკა ეგონათ, რომ არ იყო, მომიტრიალდნენ და წამიჭყვიტინეს, რას გვეკაიფებიო ამხელა კაციო და გაჭყვიტინდნენ იქიდან:

მერე, კარგად გამომძღრები (უკაცრავად გამოთქმაა) წამოწვნენ და დაიძინეს... დაიძინებდნენ, აბა, რას იზამდნენ, თვის ბოლოს გადასახადების პრობლემა მაგათ არ ადარდებდათ და ნატოში შესვლა-არ შესვლის საკითხი:

ჰო, უნდა აღინიშნოს, რომ ამათმა დედამ (დედა ღორმა) მგონი 15 თუ 16 გოჭი დაბადა და ძუძუები რომ არ ეყო, პატრონს თხოვა, თუ კაცი ხარ, ერთი-ორი შენ გამიზარდეო...

ARCHILI · Post by **ARCHILI** » 18 სექ 2008, 13:03

ფისო...

ამ ფისოს თავის პატონი, ოთხი წლის ლუკა, დაიჭერდა ხოლმე და დაიძახებდა, "ფისო, ფისო, აბა, რამხელაზე დაფრინავ?...." და ცაში აისვრიდა ხოლმე...

ფისო, როგორც ვიცით, ზურგით არ ეცემა ხოლმე და არაფერი ვნებია... მაგრამ ლუკას რომ დაინახავდა, მაინც ცდილობდა შორს გაქცეულიყო:

ეს კიდევ პატონი ლუკაა და მისი მეძებარი ძმობილი ბიმი, ამას უფრო ნაკლებად აწვალებდა ხოლმე:

ARCHILI · Post by **ARCHILI** » 18 სექ 2008, 13:06

მე, ლუკა და ეს პატარა ულამაზესი ქალბატონი, ამ ყმაწვილის დისშვილია - თამარი:

jaba picxelauri · Post by **jaba picxelauri** » 18 სექ 2008, 13:06

მალადეც შენ არჩილ!!!

პატარა იხვები არ გაქვს გადაღებული? ყვითლები რო არიან

. მე ბაშობაში ფერმერი ვიყავი

ARCHILI · Post by **ARCHILI** » 18 სექ 2008, 13:12

ღვინის ამბავი დავწერე კარვული ღვინის თემაში, აქაც გადმოვიტან... შარშანწინ მე და ჩემი ძმაკაცის ძმამ სამეგრელოში კახური ყურძენი დავწურეთ, მერე შესაბამის დროს ბოთლებში ჩავასხით და მიწაში ჩავმარხეთ...

რამდენიმე დღის წინ სამეგრელოში რომ გახლდით, ამოვთხარეთ და მივირთვით...

აი, ასეთი იყო, ამოთხრისას არქეოლოგიური გაწმენდა რომ ჩავატარეთ:

ARCHILI · Post by **ARCHILI** » 18 სექ 2008, 13:13

და რომ ამოვთხარეთ, მერე:

ARCHILI · Post by **ARCHILI** » 18 სექ 2008, 13:18

მე და ღვინის გამკეთებელი, ჩემი ძმაკაცის ძმა - გოგა... მე მხოლოდ თანაშემწე ვიყავი... ნამდვილი ყურძნის წვენი (მართალი ვთქვა, სპეციალურად ჩემთვის დამზადდა ეს ღვინო... ბუნებაში ჯერ კიდევ მოიძიებიან ადამიანები, რომლებიც საპატიოდ რაიმეს ჩემთვის აკეთებენ)...

ღვინო თხილების ძირში ჩავმარხეთ და ძლივს ვიპოვნეთ სხვათაშორის

ARCHILI · Post by **ARCHILI** » 18 სექ 2008, 13:18

ეს ღვინის ბოთლები უკვე გასუფთავებულ მდგომარეობაში, გარეცხილი ჭიდან ამოღებული წყლით:

ARCHILI · Post by **ARCHILI** » 18 სექ 2008, 13:19

და ისევ მე...

მერე იყო ახლადდაკლული ვარიკები, ღომი, სულგუნი და ელარჯი... ოსტრი და ხარჩო...

მეგრული ხაჭაპური...

რამდენიმე წუთის წინ ყანაში დატეხილი სიმინდები და კვახი...

ნესვი, ლეღვი, მსხალი და ვაშლი...

მაგრამ ეგ უკვე ალბათ აღარ დაგაინტერესებთ...

ღვინო მართლაც შესანიშნავი გამოდგა... ოდნავ მძიმე დასალევი კი იყო, მაგრამ შესანიშნავი...

ARCHILI · Post by **ARCHILI** » 18 სექ 2008, 13:19

აი, ასე დაიწურა და დაილია არჩილის სახელობის ღვინო:

ARCHILI · Post by **ARCHILI** » 18 სექ 2008, 13:21

jaba picxelauri wrote:მალადეც შენ არჩილ!!! პატარა იხვები არ გაქვს გადაღებული? ყვითლები რო არიან . მე ბაშობაში ფერმერი ვიყავი

სამწუხაროდ, უკვე დაზრდილები დამხვდნენ, თორემ მეც ვეძებდი

ხალხი გაკვირვებით მიყურებდა ხოლმე, შუა გზაზე მანქანას რომ გავაჩერებდი და ხან რომელ ცხოველს ვუღებდი ფოტოს, ხან რომელს...

ერთმა მითხრა, ჩემი იხვების მაგიერ მე გადამიღე ფოტოო...

დაგავუღე..

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS