ევროტური

popins · Post by **popins** » 04 სექ 2008, 09:37

მირანდა გაიხარე ,რომ ამ დილით ასე მასიამოვნე..მოკლედ როგორც კი ამის შესაძლებლობა მექნება ვიცი უკვე მე და გეგუნა სადაც გავემგზავრებით

გაკოცე ბევრი..

MIRANDA · Post by **MIRANDA** » 04 სექ 2008, 09:41

ფესტივალის შემდეგ კიდევ ბევრი ვიბოდიალე... მხოლოდ 1 ფოტო გადავიღე... ეს ვენცესლასის ბულვარია, უფრო ზუსტად კი ბულვარის ბოლო ნაწილი, ეს ვენცესლასის ძეგლია, მის ფონზე კი ეროვნული მუზეუმი

MIRANDA · Post by **MIRANDA** » 04 სექ 2008, 09:42

მეორე დღეც ასე დასრულდა.. მიუხედავად იმისა, რომ წინა ღამით ღამის პრაღა ვერ ვნახე, სამაგიეროდ 9 აგვისტოს ღამით იმაზე მეტი ვიბოდიალე ვიდრე შემეძლო

საბოლოოდ წავედი სახლში.. სახლში რომ მივედი ალბათ უკვე 4-ის ნახევარი იქნებოდა...

მეორე დილით (მიუხედავად ამისა) ადრე ავდექი... ეს ჩემი ბინიდან ხედი

ეს კი მე

MIRANDA · Post by **MIRANDA** » 04 სექ 2008, 09:46

popins wrote:მირანდა გაიხარე ,რომ ამ დილით ასე მასიამოვნე..მოკლედ როგორც კი ამის შესაძლებლობა მექნება ვიცი უკვე მე და გეგუნა სადაც გავემგზავრებით

გაკოცე ბევრი..

მადლობა

MIRANDA · Post by **MIRANDA** » 04 სექ 2008, 09:55

მესამე დღე...

რუკას დავხედე, რომ მენახა კიდევ რისი ნახვა შეიძლებოდა და აღმოვაჩინე, რომ ჩემი ქუჩიდან 2 ქუჩის მოშორებით ყოფილა Staronova Synagoga (Oldnew Synagogue, ალბათ ქართულად ძველითახალი სინაგოგა.. ან ძველი-ახალი სინაგოგა.. ან რამე მასეთი ერქმევა, ან სულაც სტარონოვა სინაგოგა)..

მოკლედ, წავედი ამ სინაგოგის სანახავად

MIRANDA · Post by **MIRANDA** » 04 სექ 2008, 10:01

მცირე ინფორმაცია სინაგოგის შესახებ:

სინაგოგა XIII საუკუნით თარიღდება. ეს შენობა არის ერთ-ერთი უმნიშვნელოვანესი ადრეული გოთიკური სტილის შენობა. მისი სახელი - ძველიახალი - მას შეერქვა იმის გამო, რომ იგი ააშენეს უძველესი ებრაული სალოცავის ადგილას და იმ სალოცავების ქვები გამოყენებული იქნა ახალი შენობის ასაგებად. სინაგოგა რამდენიმეჯერ სასწაულებრივად გადაურჩა ხანძარს და ნაცისტების ოკუპაციასაც კი. იგი დღესაც მოქმედი სინაგოგაა. იგი ევროპაში ფუნქციონირებად სინაგოგებს შორის ყველაზე ძველია.

MIRANDA · Post by **MIRANDA** » 04 სექ 2008, 10:03

სინაგოგის ნახვის შემდეგ გამახსენდა, რომ ღვთისმშობლის სახელობის ეკლესიაში, რომელიც იქვე იყო, სტარომეცკას მოედანზე, შიგნით არ შევსულვარ... გავემართე იქითკენ...

ერთი ფოტო იქაც გადავიღე... აი ისიც :

MIRANDA · Post by **MIRANDA** » 04 სექ 2008, 10:15

ამის შემდეგ სახლში ავბრუნდი, ყველაფერი ჩავალაგე, მოვწესრიგდი და წამოვედი...

კვირა დღე იყო (10 აგვისტო) და მეშინოდა აეროპორტამდე მისვლა არ გამიჭირდეს მეთქი...

თქვენ წარმოიდგინეთ, რომ ზუსტად 45 წუთში უკვე პრაღის აეროპორტის მეორე ტერმინალში ვიყავი...

ესეც პრაღის აეროპორტის ტერმინალი 1, რომლიდანაც სრულდებოდა ყველა რეისი, გარდა იმ რეისებისა, რომლებიც იყო ევროკავშირის სახელმწიფოებში მდებარე ქალაქების მიმართულებით, იმიტომ, რომ ასეთი რეისები მეორე ტერმინალში სრულდებოდა. მეც იმიტომ მოვხვდი აქ, რომ ბრიუსელში მივფრინავდი...

საბედნიეროდ რეგისტრაციის გავლა უკვე შემეძლო, თორემ რა იბოდიალებდა ჩანთით

მოკლედ ჩანთა და საკუთარი თავი რეგისტრაციაში გავატარე და მერე ოთხ საათნახევარი ვიცადე აეროპორტში..

საბედნიეროდ იქვე, შიგნითვე, აეროპორტში, გამოფენა იყო მოწყობილი - Magical Himalaya:

MIRANDA · Post by **MIRANDA** » 04 სექ 2008, 10:19

სულ ეს იყო... შემდეგი გაჩერება - ბრიუსელი... მაგრამ ჯერ ბრიუსელის ფოტოები არ მაქვს, თემას დაახლოებით 1 კვირაში გავაგრძელებ..

მანამდე კი თქვენი კითხვები, კომენტარები და შენიშვნები მიღებული იქნებაააააააააააააა

ერთ-ორ სიტყვას პრაღაზე კიდევ დავწერ, ოღონდ ახლა არა... ახლა ძალიან დავიღალეეე

ყველა კითხვაზე გიპასუხებთ და ყველა შენიშვნა და კომენტარი არის privitani ...

lama · Post by **lama** » 04 სექ 2008, 10:29

MIRANDA
გაიხარე მირანდა ძალიან საინტერესოდ და რაც მთავარია დაწვრილებით გადმოეცი შენი პრაღული შთაბეჭდილებები

დიდი მადლობა ამ სიამოვნებისთვის, რომელიც მე და ჩვენს მეგობრებს მიანიჭე

ერთი კითხვა მაქვს მხოლოდ

ის კი ვიცი რომ შომია (მიშა შომახია)...

მარა ეს ვინ არის? სახელი და გვარი ხომ არ იცი?

თუ არ ვცდები დაკოტელი უნდა იყოს???

მიმიკაში გავს ძალიან გამოხედვა და პოზა აბსოლუტურად ემთხვევა

Post by **Gvalva** » 04 სექ 2008, 11:19

მირანდა, მთელი დილა პრაღის დათვალიერებაში გავატარე!!

უღრმესი მადლობა ასე დეტალური ტხრობისთვის და ყველაფერთან დაკავშირებით მოწოდებული ინფორმაციისთვის!

ხომ შეიძლებოდა მეგზური ან რაიმე საიტი დამეთვალიერებინა მაგრამ ეხლა მივხვდი როცა შენი მეგობარი ყვება, მისი ხმა გესმის და დათვალიერებისას რა ემოცია ქონდა იმასაც კი გრძნობ და იმიტომაა ასე სასიამოვნო.

გაიხარე!

TuTa · Post by **TuTa** » 04 სექ 2008, 11:28

MIRANDA

ეს ისეთი მოგზაურობაა ალბათ ყველა ჩვენგანი რომ ოცნებობს, დიდი მადლობა თხრობისთვის

მოუთმენლად ველი გაგრძელებას

ნინი_85 · Post by **ნინი_85** » 04 სექ 2008, 11:49

კარგი ქენი თემა რომ გახსენი, მართალია დროის უქონლიბისა და გამო ყველაფერი ვერ წავიკითხე და მხოლოდ თვალი გადავავლე, მაინც კმაყოფილი დავრჩი

დიდი სიამოვნებით წავიდოდი მეგობრებთან ერთად ასეთ ევრო ტურში,

ხოდა შენ მარტო რატო წახვედი? აი ეს კითხვა დამებადა უცბათ

Int3lig3nt · Post by **Int3lig3nt** » 04 სექ 2008, 12:11

უი ქააა...

ეს რა თემა ყოფილა და არ ვიცოდი

საღამოს ჩავუჯდე ერთი...

MIRANDA · Post by **MIRANDA** » 04 სექ 2008, 14:40

lama

შენ უფრო კარგად იცნობ და ალბათ ეგ არის

მაგრამ ცოტა დაბერებული მეჩვენება

Gvalva
დიდი მადლობა

მაქსიმალურად შევეცადე, რომ უმრავლესობისთვის ყოფილიყო საინტერესო, შეიძლება არ გამომივიდა.. ეს ხომ მაინც სუბიექტურად დანახულია გადმოცემული...

ისე, გამიხარდება თუ ვინმეს ცოტათი მაინც გამოადგება

TuTa
გაგრძელება აუცილებლად იქნება, მაგრამ ისე მოხდა, რომ ბრიუსელის და ფაროს ფოტოები არ მაქვს (ჩიპი გაფუჭდა და გასაკეთებელია, იმედია ფოტოები გადარჩება)... არ მინდა რომ არეულად მოვყვე, ამიტომაც შემდეგ ფოტოებს დაველოდები

ნინი_85
მარტო მხოლოდ პრაღის დათვალიერება მომიწია... ბრიუსელში უკვე დამხვდნენ მეგობრები, მთელი ტურის განმავლობაში ხან ორნი ვიყავით, ხან სამნი, ხან ხუთნი და ხანაც შვიდნი... ჰო, დაახლოებით 18 საათი ოთხნიც ვიყავით

მაგრამ ეს უკვე მეტისმეტი დეტალია ...

Int3lig3nt
საიდან გეცოდინებოდა... რომ დავიწყე წერა მარტო ერთხელ შევისვენე ისე დავწერე ბოლომდე.

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS