როგორ მოვიქცეთ ლაშქრობა-ექსკურსიებზე?

კითხეთ გამოცდილ (და არც ისე გამოცდილ) ადამიანებს

Moderators: Kakha, Druides, Nika, Kakha, Druides, Nika, Kakha, Druides, Nika, Kakha, Druides, Nika

ახალი თემის შექმნა
პასუხი თემაზე
User avatar
KSOVRELI
მაწანწალა
Posts: 922
Joined: 03 სექ 2008, 19:04
Location: თბილისი
როგორ მოვიქცეთ ლაშქრობა-ექსკურსიებზე?

Post by KSOVRELI » 29 მაი 2009, 13:09

Linda, ჯიგრული ნათქვამია.

მაგრამ ყველას არ ესმის, ან სხვანაირად ესმის სხვების პატივისცემა. წესებს სწორედ გაუგებრებისთვის და გაუგებრობების დავიდან ასაცილებლად იგონებენ.

ეგეც არის: თუ "წესს" არღვევ, უნდა იცოდე, როდის დაარღვიო :wink:

მე ისე ვმოძრაობ, რომ შეიძლება საკუთარი თავი დავიზიანო და სხვას პრობლემა შევუქმნა, შევაფერხო. თუმცა, ესეთი რამ ჯერ არ მომხდარა.

დაბოლოს, ნუთუ აუცილიბელია ყველაფერი გეგმის მიხედვით მიდიოდეს (რიტორიკული შეკითხვა)?
არ დალიო ნატახტარი - საწამლავია.

User avatar
Linda
იეტი
Posts: 1451
Joined: 17 მაი 2007, 20:49
როგორ მოვიქცეთ ლაშქრობა-ექსკურსიებზე?

Post by Linda » 29 მაი 2009, 13:20

KSOVRELI

ჩემი აზრით როცა ადამიანი შეუგნებელია და მის გვერდით მყოფებს პატივს არ სცემს მას რაც არ უნდა წესი დაუწესო არ შეასრულებს..

ხოდა მე კიდევ ძალიან არ მიყვარს გეგმების მიხედვით მოქმედება.. სიის გადახედვა და იმის მიხედვით ორიენტირება..

თუ ქცევის წესებს დაადგენთ არა მგონია ამან შედეგი გამოიღოს, (თუმცა მე არაფრის წინააღმდეგი ვარ) უბრალოდ თუ გინდა ლაშქრობით ისიამოვნო საერთო ინტერესების მქონე ადამიანებთან ერთად უნდა წახვიდე.. თუ იცი რომ ვიღაცა იმდენად თავხედია მანქანაში სიგარეტს გაგიბოლებს და ყურსაც არ შეიბარტყუნებს იმაზე რომ შენ ცუდად ხდები , მე მგონია რომ ასეთ ადამიანთან ერთად არ უნდა წახვიდე არსად.

User avatar
KSOVRELI
მაწანწალა
Posts: 922
Joined: 03 სექ 2008, 19:04
Location: თბილისი
როგორ მოვიქცეთ ლაშქრობა-ექსკურსიებზე?

Post by KSOVRELI » 29 მაი 2009, 13:31

Linda, მართალი ხარ.

თუმცა, მგონია, რომ წესს - თუ მას უმრავლესობა დაიცავს - შეუგნებელიც დაიცავს, მაგრამ დაიტანჯება. კაცი შეუგნებლად შეგნებული უნდა იყო :D
არ დალიო ნატახტარი - საწამლავია.

User avatar
z g a r b i
იეტი
Posts: 1531
Joined: 21 ნოე 2007, 11:42
Location: ტყე
როგორ მოვიქცეთ ლაშქრობა-ექსკურსიებზე?

Post by z g a r b i » 29 მაი 2009, 15:42

წესები სწორედ იმტომს შემოიღეს რომ ისინი ირღვეოდა. თუ ადამიანს შეგნება არ აქვს, მას სწორედ რომ უნდა დაუწესო მკაცრი საზღვრები, მაგრამ თუ ეს მასშია გამჯდარი,მაშინ მისთვის ეს საზღვრები აღარაა საჭირო.
ხალხო, ეს წესები თქვენში გამჯდარი თუა, და შეგნებულები ხართ, მაშინ შეგიძლიათ არც წაიკითხოთ :) თქვენ ეს არ გეხებათ :wink:
მაგრამ, ვისაც შეგნება და როგორც ლინდამ თქვა სხვების პატივისცემა არააქვს, ის, სწორედ რომ უნდაა შეიზღუდოს. ასეთ ადამიანს ეს შეზღუდვები თუ არ მოწონს, მაშინ შეუძლია იქ წავიდეს, სადაც არავინ არაფერს დაუწესებს :)
Image

User avatar
Wanderer
იეტი
Posts: 2739
Joined: 01 მაი 2004, 15:42
Location: viewtopic.php?p=X
როგორ მოვიქცეთ ლაშქრობა-ექსკურსიებზე?

Post by Wanderer » 29 მაი 2009, 17:06

z g a r b i
წესები სწორედ იმტომს შემოიღეს რომ ისინი ირღვეოდა. თუ ადამიანს შეგნება არ აქვს, მას სწორედ რომ უნდა დაუწესო მკაცრი საზღვრები, მაგრამ თუ ეს მასშია გამჯდარი,მაშინ მისთვის ეს საზღვრები აღარაა საჭირო.
ხალხო, ეს წესები თქვენში გამჯდარი თუა, და შეგნებულები ხართ, მაშინ შეგიძლიათ არც წაიკითხოთ თქვენ ეს არ გეხებათ
მაგრამ, ვისაც შეგნება და როგორც ლინდამ თქვა სხვების პატივისცემა არააქვს, ის, სწორედ რომ უნდაა შეიზღუდოს. ასეთ ადამიანს ეს შეზღუდვები თუ არ მოწონს, მაშინ შეუძლია იქ წავიდეს, სადაც არავინ არაფერს დაუწესებს
აბსოლუტურად ვეთანხმები ამას! ზუსტად ჩემ სათქმელს ამბობ. :)

ამ თემაში კი მგონი ის ადამიანები შემოდიან ვისაც წესების დაწესება სწორედ რომ არ სჭირდება...
ბოროტსა სძლია კეთილმან, არსება მისი ... ჯაზია

GAMARJOBA SAKARTVELO
იეტი
Posts: 16569
Joined: 20 ივლ 2007, 03:45
Location: RA TQMA UNDA, SAKARTVELO
როგორ მოვიქცეთ ლაშქრობა-ექსკურსიებზე?

Post by GAMARJOBA SAKARTVELO » 03 ივნ 2009, 03:04

არავითარ წესებს არ ვაწესებთ.
აქ ვკრებთ რჩევებს, რომელიც გასვლების
უკეთ წარმართვაში დაგვეხმარება.
განსაკუთრებით კი, რჩევები ახალბედებსა
და ახალშემოკარვებულებს გამოადგებათ.
ბოლოს და ბოლოს, იმას მაინც მივაქციოთ ყურადღება,
თემა რომელ განყოფილებაში გახსნილი.
გმადლობთ
მე ვყიდულობ ქართულ ნაწარმს
და ამით ჩემიანებს ვეხმარები

User avatar
Archil
იეტი
Posts: 6877
Joined: 07 აპრ 2005, 13:17
Location: ტიფლისის თავზე
Contact:
როგორ მოვიქცეთ ლაშქრობა-ექსკურსიებზე?

Post by Archil » 03 ივნ 2009, 08:33

მაგასთან დაკავშირებით

დაუწერელი კანონია, ჩვეული ქცევაა ადამიანების, რაციონალური

თუ ვისმეს ქცევა არ მოგწონს, მეორეჯერ მასთან ერთად ლაშქრობაში წასვლაზე თავს იკავებ ადამიანი.

ჰოდა გაითვალისწინეთ. დაუსვით საკუთარ თავს შეკითხვა - არის კი თქვენი ქცევა ისეთი, რომ სხვებს კვლავაც მოუნდეს თქვენთან ერთად ლაშქრობა? თუ არადა ერთხელ ილაშქრებ და ეგაა, მეორეჯერ ხალხს აღარ გაუხარდება შენს გვედით ყოფნა.
а в горах по утрам туман, дым твоих сигарет,
если хочешь соити с ума, лучше способов нет !!!
Image

GAMARJOBA SAKARTVELO
იეტი
Posts: 16569
Joined: 20 ივლ 2007, 03:45
Location: RA TQMA UNDA, SAKARTVELO
როგორ მოვიქცეთ ლაშქრობა-ექსკურსიებზე?

Post by GAMARJOBA SAKARTVELO » 14 ივლ 2009, 05:29

მგონი, გასვლების უმრავლესობაში ჩამკეტის ყოლა აუცილებელია.
ჩამკეტმა თავის თავზე უნდა აიღოს ჩამორჩენილთა ძირითად ჯგუფამდე მიყვანა.
ეს იმას არ ნიშნავს, რომ წინ წასულები ჩამკეტის იმედზე უნდა იყვნენ.
ჯგუფის შევსებაზე
ყველა თანაბრად უნდა ზრუნავდეს
მე ვყიდულობ ქართულ ნაწარმს
და ამით ჩემიანებს ვეხმარები

User avatar
zura N.
იეტი
Posts: 2483
Joined: 16 მარ 2006, 02:17
Location: არხოტი
როგორ მოვიქცეთ ლაშქრობა-ექსკურსიებზე?

Post by zura N. » 14 ივლ 2009, 10:03

GAMARJOBA SAKARTVELO wrote:მგონი, გასვლების უმრავლესობაში ჩამკეტის ყოლა აუცილებელია.
ჩამკეტმა თავის თავზე უნდა აიღოს ჩამორჩენილთა ძირითად ჯგუფამდე მიყვანა.
ეს იმას არ ნიშნავს, რომ წინ წასულები ჩამკეტის იმედზე უნდა იყვნენ.
ჯგუფის შევსებაზე
ყველა თანაბრად უნდა ზრუნავდეს
ჩამკეტი აუცილებელია ხალხმრავალ ლაშქრობებში (15-20 კაცი და მეტი) და მისი აუცილებლობა 1-2 ად იზრდება ხალხის რაოდენობის ზრდასთან ერთად. თუმცა მარტოჩამკეტი ბოლოში ვერაფერს გახდება და ჩამორჩენილს (ან ჩამორჩენილებს) ზურგზე ვერ მოიკიდებს, ამიტომ ჯგუფის თავშიც უნდა მიდიოდეს ვიღაც ვინც ჯგუფის სიარულის ტემპს დაარეგულირებს და როცა დაინახავს, რომ უკან ხალხი ძალიან ჩამორჩა და აღარ ჩანან უნდა გააჩეროს ყველა სადმე მეტ-ნაკლებად ნორმალურ ადგილზე და დაელოდნონ ჩამკეტის მოსვლას.

ჩამკეტი იმისთვის არ არსებობს რომ ვინმე "ზურგზე მოიკიდოს" ან მისი ჩანთა ატაროს, თუკი ვინმეს ძალიან გაუჭირდა მაშინ მას ყველა უნდა დაეხმაროს შეძლებისდაგვარად და მისი ბარგი გადაინაწილონ. ჩამკეტი იმიტოა რო ბოლოში არავინ ჩამორჩეს ისე რო მერე დაიკარგოს და საზებნი გახდეს და როცა ჯგუფის ხელმძღვანელი (თუკი ასეთი ყავს ჯგუფს) დაინახავს რომ ჩამკეტი მოვიდა ეს იმას ნიშნავს რომ ყველა ადგილზეა და შეილება გზის გაგრძელება.

პ.ს. ერთხელ მქონდა შემთხევა და პატივი ბოლოში ზალიან გამოცდილ მოგზაურთან ერთად მევლო რომელიც ჩამკეტი იყო მაშინ და როდესაც ქედზე სიარულისას უკვე ძალიან ბევრს წყალი გამოელია და სხვებს თხოვდნენ და მეც მივეცი ერთ-ერთ მათგანს ჩემი ცოტაოდენი დარჩენილი წყლის მარაგი, ჩამკეტმა შენიშვნა მომცა არ შეიძლებაო... :roll: მაშინ ცოტა ვერ მივხვდი, როგორ არ მივცე კაცს წყალი როცა ესე წყურიათქო ვიფიქრე... საკმაოდ მკაცრი წესია, თუმცა ზოგჯერ აუცილებელი რადგან როცა ესეთ რთულ ვითარებაში ვარდება ვინმე, შენც იგივე არ უნდა დაიმარტო რომ მერე მას ვერ დაეხმარო სიარულში... თან ეს ხალხს აზარმაცებს და აღარ დააქვთ თვითონ წყლის საკმარისი მარაგი...
bisnashi bolavs grubeli,
caze ciskari krtebisa...
seni mchirs ganukurneli,
trpoba arxvatis mtebisa...

User avatar
Wanderer
იეტი
Posts: 2739
Joined: 01 მაი 2004, 15:42
Location: viewtopic.php?p=X
როგორ მოვიქცეთ ლაშქრობა-ექსკურსიებზე?

Post by Wanderer » 14 ივლ 2009, 14:31

ჩამკეტზე თქვეს ბევრი რამ უკვე. რაც შეეხება დანარჩენ მოლაშქრეებს. ჩემი აზრით, ყოველი მოლაშქრე მუდმივად უნდა აკონტროლებდეს თავის წინ მიმავალ უახლოეს მოლაშქრეს და თუ იგი ძალიან დაშორდება უნდა გააჩეროს და მოაცდევინოს. ამ შემთხვევაში რიგი არ გაიწელება უსაშველოდ და ყველაფერი იქნება კარგად. რაც შეეხება იმ შემთხვევას როცა ვიღაც ერთი ჩამორჩება ხოლმე ბოლოში: ამ შემთხვევაში კაციდან კაცზე გადაცემით(ეუბნები შენს წინას რომ გაჩერდეს, ის თავის წინას და ა.შ.) უნდა გაჩერდეს მთელი რიგი და მოუცადოს ბოლო გაჭირვებულს. ხანდახან არაა ხოლმე ეს სასიამოვნო, მაგრამ საჭიროა. :)

zura N.
პ.ს. ერთხელ მქონდა შემთხევა და პატივი ბოლოში ზალიან გამოცდილ მოგზაურთან ერთად მევლო რომელიც ჩამკეტი იყო მაშინ და როდესაც ქედზე სიარულისას უკვე ძალიან ბევრს წყალი გამოელია და სხვებს თხოვდნენ და მეც მივეცი ერთ-ერთ მათგანს ჩემი ცოტაოდენი დარჩენილი წყლის მარაგი, ჩამკეტმა შენიშვნა მომცა არ შეიძლებაო... მაშინ ცოტა ვერ მივხვდი, როგორ არ მივცე კაცს წყალი როცა ესე წყურიათქო ვიფიქრე... საკმაოდ მკაცრი წესია, თუმცა ზოგჯერ აუცილებელი რადგან როცა ესეთ რთულ ვითარებაში ვარდება ვინმე, შენც იგივე არ უნდა დაიმარტო რომ მერე მას ვერ დაეხმარო სიარულში... თან ეს ხალხს აზარმაცებს და აღარ დააქვთ თვითონ წყლის საკმარისი მარაგი...
აბსოლუტურად ვეთანხმები იმ შენს ნაცნობ მოგზაურს! ეჭვიც არ მეპარება რომ მაგარი ადამიანი იქნება ძალიან.

ისე ძალიან ხშირად დაუდევრად ეკიდებიან ხოლმე წყლის ტარებას ლაშქრობებში. ყოველი მოლაშქრე(მითუმეტეს თუ გამოცდილია) რაღაცნაირად უნდა ხვდებოდეს რამდენი წყალი სჭირდება მას ვთქვათ დღის განმავლობაში და უნდა ჰქონდეს ამ რაოდენობის წყლის მარაგი თან. ელემენტარულია, მაგრამ როგორც ჩანს ძნელად შესრულებადი. :)
ბოროტსა სძლია კეთილმან, არსება მისი ... ჯაზია

GAMARJOBA SAKARTVELO
იეტი
Posts: 16569
Joined: 20 ივლ 2007, 03:45
Location: RA TQMA UNDA, SAKARTVELO
როგორ მოვიქცეთ ლაშქრობა-ექსკურსიებზე?

Post by GAMARJOBA SAKARTVELO » 15 ივლ 2009, 23:41

zura N.
ვანდერერ,


ჩვენ 1 აზრზე ვართ.
ჩამკეტის დანიშვნა იმასაც უნდა გულისხმობდეს, რომ მსგავსი დატვირთვა ჰქონდეს თავში
მიმავალსაც, რომელიც, ასევე, ჩამკეტია.
ძირითადათ, ის უნდა აკონტროლობდეს ბოლო კაცის მოძრაობასა და გზის გაგრძელებას.
რაც შეეხება მოლაშქრისთვის წყლის მიწოდებას, ყველას თავისი ფილოსოფია აქვს.
მე, მაგალითად, წყალს მაინც მივცემდი.
რა მნიშვნელობა აქვს, ჩამკეტი წყლის მიცემით დაეხმარება თანამოლაშქრეს თუ ზურგზე მოკიდებით.
მე ვყიდულობ ქართულ ნაწარმს
და ამით ჩემიანებს ვეხმარები

User avatar
Wanderer
იეტი
Posts: 2739
Joined: 01 მაი 2004, 15:42
Location: viewtopic.php?p=X
როგორ მოვიქცეთ ლაშქრობა-ექსკურსიებზე?

Post by Wanderer » 15 ივლ 2009, 23:46

GAMARJOBA SAKARTVELO
მე, მაგალითად, წყალს მაინც მივცემდი.
როგორც წესი წყალს არც მე ვუჭერ ხოლმე ვინმეს, მაგრამ მანდ ფსიქოლოგიური მომენტია: ადამიანი იმის იმედზე არ უნდა მოდიოდეს, რომ ვიღაც წყალს დაალევინებს იმიტომ, რომ ამ შემთხვევაში "მერწყული" იძულებულია ან მწყურვალი დარჩეს ან ორმაგი რაოდენობით წყალი ათრიოს... :D

მოკლედ... :D
ბოროტსა სძლია კეთილმან, არსება მისი ... ჯაზია

User avatar
zura N.
იეტი
Posts: 2483
Joined: 16 მარ 2006, 02:17
Location: არხოტი
როგორ მოვიქცეთ ლაშქრობა-ექსკურსიებზე?

Post by zura N. » 16 ივლ 2009, 00:12

GAMARJOBA SAKARTVELO wrote:zura N.
ვანდერერ,


რაც შეეხება მოლაშქრისთვის წყლის მიწოდებას, ყველას თავისი ფილოსოფია აქვს.
მე, მაგალითად, წყალს მაინც მივცემდი.
რა მნიშვნელობა აქვს, ჩამკეტი წყლის მიცემით დაეხმარება თანამოლაშქრეს თუ ზურგზე მოკიდებით.
მეც მივეცი წყალი... :D :wink:
აქ ცოტა სხვა რამის თქმა მინდოდა ეს შეიძლება ჩამკეტი სულაც არ იყოს და სხვამ მისცეს წყალი... საქმე ისაა რომ როცა იცი რო მთელი დღე 7-8 საათი ქედზე უნდა იარო და წყალი არ გექნება და ჩანთაში მხოლოდ ნახევარ ლიტრიანი ბოთლით იდებ წყალს, ამ შემთხვევაში ნამდვილად არ გეკუთვნის სხვისი წყალი.. :roll: :)

თან იქ 49 კაცი იყო, წარმოიდგინე ნახევარმა რომ არ წამოიღოს და თითო ყლუპი დამილიოს მერე მე გავხდები სხვისი სატარებელი, რასაც ის სხვა ვერ შეძლებდა ნამდვილად...
bisnashi bolavs grubeli,
caze ciskari krtebisa...
seni mchirs ganukurneli,
trpoba arxvatis mtebisa...

User avatar
Archil
იეტი
Posts: 6877
Joined: 07 აპრ 2005, 13:17
Location: ტიფლისის თავზე
Contact:
როგორ მოვიქცეთ ლაშქრობა-ექსკურსიებზე?

Post by Archil » 16 ივლ 2009, 00:19

წყალი ღვთისაა..

მაგას ვერ დაუკავებ ვერავის..

მარა წყალი ყველას თავისი უნდა ქონდეს

ეგ არაა ისეთი რამე, ერთმა მოახერხოს შეძენა და მეორემ ვერა...

ჩამკეტის ფუნქცია სულაც არაა სხვისთვის სურსათ-სანოვაგის და გამაგრილებელი სასმელების თრევა.

ლაშქრობაში ყველა თანაბარუფლებიანია, გიდის გარდა, რომელსაც ფაქტიურად მიყავს გუნდი.

ჩამკეტის ფუნქცია მარტივია.
როცა იცი რომ გივია ჩამკეტი, გივის უნდა დაელოდო. თუ გივი არ ჩანს, ეს ნიშნავს რომ ჩამორჩენას აქვს ადგილი. თუ გივი ჩანს, მაშინ ყველანი ყოფილან მოგროვილები და შეიძლება გზა გააგრძელო.

ჩამკეტი არაა ჯორი, ვირი თუ ჯორცხენა, რომელმაც რაიმე ტვირთი დამატებით უნდა ათრიოს. მისი ფუნქცია სხვებისთვის ყურადღების მიქცევაა.
а в горах по утрам туман, дым твоих сигарет,
если хочешь соити с ума, лучше способов нет !!!
Image

User avatar
Archil
იეტი
Posts: 6877
Joined: 07 აპრ 2005, 13:17
Location: ტიფლისის თავზე
Contact:
როგორ მოვიქცეთ ლაშქრობა-ექსკურსიებზე?

Post by Archil » 16 ივლ 2009, 01:40

ლაშქრობისას მოგზაურები ძირითადად სამ ჯგუფად იყოფიან.

ლიდერის ჯგუფი
შუა ჯგუფი
ჩამკეტი ჯგუფი


ყველა მათგანს თავისი ფუნქცია აქვს.

დავიწყოთ ლიდერით.

ლიდერი ჯგუფი

ლიდერთა ჯგუფში არიან ისინი, ვინც წინ მიუძღვიან ლაშქარს - იციან გზა, გავლილი აქვთ ეს მარშუტი, აქვთ რუქა. გამოირჩევიან გზის გაგნების უნარით.

ლიდერი ჯგუფის წევრები ეძებენ გზას. მათ შეიძლება მოუწიოთ წინ წასვლა, გზის მოსინჯვა და უკან დაბრუნება. სანამ ლიდერი ჯგუფი არკვევს გზას, დანარჩენები ელოდებიან. ერთად ჯგუფდებიან. ლიდერი ჯგუფის დამატებითი დატვირთვა ტვირთით ძალიან არ შეიძლება - მათ შეიძლება ორმაგი გზის გავლა მოუწიოთ სწორი გზის ძიებაში. ლიდერი ჯგუფი გამოცდილი და შემძლე მოგზაურებით ყალიბდება.

ლიდერ ჯგუფში ყოფნა მე მხიბლავს, სხვებსაც. წინ ყოფნსა დამატებით სტიმულს გაძლევს და სწრაფად მოძრაობ.

ლიდერის პოზიცია ხშირად იტაცებს მოლაშქრეებს და წინ გარბიან. ამ დროს კი ძირიტადი და ჩამკეტი ჯგუფი ჩამორჩება ხოლმე მნიშვნელოვნად. ასეთი შეცდომა ბევრჯერ მინახია. გამოცდილი ლიდერები აუცილებლად ადევნებენ დანარჩენი ჯგუფების მოძრაობას თვალს, აკეთებენ შესვენებებს, რომლის დროსაც ლიდერის ჯგუფის წევრები ეძებენ გზას, და ამ დროს დანარჩენებს დაწევის და ერთად შეგროვების საშუალებას აძლევენ. ლიდერის ჯგუფის წევრები, თუ ლაშქარი ძალიან გაიწელა, ბრუნდებიან უკან და ჩამკეტი ჯგუფის წევრებს ეხმარებიან სწრაფად მიაღწიონ დასვენების ადგილს. ლიდერის ჯგუფის ხამი და გამოუცდელი წევრები მთლიანად არევენ ხოლმე ჯგუფებს და ვინ სად იკარგება და ვინ სად. ჭკვიანი და გამოცდილი ლიდერი კი ლაშქრობას სასიამოვნოს ხდის.

ლიდერის ჯგუფი არჩევს საკარვე ადგილს. შლის პირველ კარვებს (წვიმისგან შესაფარებლად მაგალითად), აგროვებს შეშის პირველ პარტიას და ანთებს ცეცხლს, უზრუნველყოფს წყლის მოტანას და ადუღებას, და მისთანები. საჭიროების შემთხვევაში მისი წევრები ეხმარებიან სხვა ჯგუფებს საკარვე ადგილამდე მისვლაში.

შუა ჯგუფი

შუა ჯგუფი ძირითადი მონაწილეებისგან შედგება. აქაც, ისევე როგორც სხვა ჯგუფებში, აუცილებელია გამოცდილი მსვლელების ყოფნა. ისინი ასრულებენ საკომუნიკაციო ფუნქციას. მიმდინარე რჩევებს აძლევენ მათ გვერდზე მყოფებს, ახდენენ ტვირთის გადანაწილებას (ეს არ გულისხმობს საკუთარ მხრებზე აკიდებას - ასეთმა წედვრმა შეიძლება თხოვნით მიმართოს შედარებით კარგ ფორმაში მყოფ მოლაშქრეს გადაინაწილოს სხვისი ტვირთი, როცა ამის საჭიროება წარმოიქმნება, რათა მსვლელობის ერთიანი ტემპი არ დაეცეს). შუა ჯგუფის ლიდეებმა სხვა ჯგუფებს უნდა მიაწოდონ შესაბამისი ინფორმაცია წინა და უკანა ჯგუფებს - მაგალითად, ამ გზაზე ხალხი ვერ ამოვა. დასვენებაა საჭირო, ჭამა არ გვაწყენდა, წყლის შევსებას ბეწვრი დრო სჭირდება და ლაშქარი გაიწელა და შეყოვნდით, დაკარგვით არ დავიკარგებით, სწრაფად იარეთ და საკარევ ადგილას ცხელი ჩაი დაგვახვედრეთ და ჩვენც მოვალთ როგორ მე.

ჩამკეტი ჯგუფი

ჩამკეტ ჯგუფში შედარებით ნელა მოარული ადამიანები ხვდებიან. ეს შეიძლება მათი ფიზიკური შესაძლებლობების გამო იყო, მძიმე ტვირთს აკიდების გამო, ფოტოებს იღებენ ბევრს და ამაში დროს კარგავენ, სასურველი თუ საყვარელი ადამიანი ჩამკეტ ჯგუფშია და მისი ადგილიც იქ ეგულება... ყოფილა ლაშქრობისას ადამიანები ცუდად ხდებიან (ფეხი უბრუნდებათ, წნევა უწევთ, ბზიკი დასდევს საკბენად და მთიდან გადახედვა ეშინია) და ისინი ბუნებრივია ჩამკეტ ჯგუფში ხვდებიან.

ჩამკეტ ჯგუფში სავალდებულოა რამოდენიმე გამოცდილი მოლაშქრე, რომელიც დანარჩენებს დაეხმარება საჭიროებისამებრ. ფეხ გადაბრუნებულებს მხარში ამოუდგება, ცუდად მყოფებს შესაბამის დარიგებებს თუ წამლებს მისცემს, ტვირთის წაღება ვისაც აღარ შეუძლია, გამოართმევს და დასვენებამდე, სანამ დანარჩენებ ჯგუფებთან კონტაქტი არ ექნება, დაეხმარება წაღებაში. შემდეგ ის შეიძლება ძირითად - შუა ჯგუფს გადასცეს-გადაუნაწილოს.

ჩამკეტ ჯგუფს სუუულ ბოლოში მოყვება ჩამკეტი. შესაძლებელია რამოდენიმეც იყოს - გააჩნია რამდენი წევრისგან შედგება ლაშქარი. ჩამკეტის ძირითადი ფუნქციაა არ დაუშვას მოლაშქრეთა დაკარგვა. ის მიდის ყველაზე ბოლოს. თუ ვინმე ჩერდება მის წინ, ისიც ჩერდება და ელოდება სანამ დაიძვრება მის წინ გაჩერებული. ჩამკეტი ზურგიდანაც იცავს ლაშქარს რაიმე ხიფათისგან. ჩამკეტის უკან არავინ არ უნდა იყოს. ერთადერთი გამონაკლისია ის შემთხვევა, როდესაც მოლაშქრეს ბუნებრივი მოთხოვნილებებისათვის განმარტოვება სჭირდება. ამ დროს ჩამკეტი მიდის წინ საკმარის მანძილზე რომ უკან დარჩენილის მყუდროება არ დაარღვიოს, მაგრამ ელოდება უკან დარჩენილს და მისი დაწევის შემდეგ კვლავ აგრძელებს გზას.

ჩამკეტი ფიზიკურად ვერ ათრევს ყველა ჩამორჩენილის ბარგს, ყველას ვერ ამოუდგება გვერდში, მისი ფუნქცია ლაშქრის ჩაკეტვაა, ასე რომ მის იმედად ყოფნა არაა საჭირო. დახმარებისთვის ჩამკეტი ჯგუფის სხვა წევრებს უნდა მიმართოს.

ჩამკეტი მიდის ლაშქრის ბოლოში, ამდენად მას არ შეუძლია ხმა მიაწვდინოს დანარჩენებს. ამისათვის საჭიროა რომ ჩამკეტი ჯგუფის წევრებმა ყურადღება მიაქციონ მას. თუ ჩამკეტი არ ჩანს, ლაშქარი უნდა გაჩერდეს, დაელოდოს მის გამოჩენას, გამოცდილი ( და არა ბატები, რომლებიც თვითონაც შეიძლება დაიკარგნონ და საძებნელი გახდნენ) დაბრუნდნენ ჩამკეტის მოსაძებნად და დასახმარებლად. მხოლოდ ამის შემდეგ აგრძელებს ლაშქარი მოძრაობას.

ლაშქრის მოძრაობისას ინფორმაცი გადაეცემა წინიდან უკან და უკნიდან წინ. ინფორმაციას გადასცემენ ძირითადად გამოცდილები, რომლებსაც ესმით გადაცემული ინფორმაციის მნიშვნელობა, სწორად შეუძლიათ მისი ინტერპრეტირება, გაგება, სწორად გადაცემა და თავისი ჯგუფის წევრების შესაბამის მოქმედებაში მოყვანა. თუ დახმარება სჭირდებათ სხვა ჯგუფის წევრებს, შესაბამისი წევრების გამოყოფა და დასახმარებლად მიშველება. დარჩენილების ორგანიზება, ინფორმირებულობა და შემდეგი ქმედებისთვის მომზადება.

ინფორმაცია შეიძლება გადაეცეს ჯაჭვით - ერთმანეთს გადასცენ ბრძანება თავის წინ ან უკან მიმავლებს. ასეთ შემთხვევაში გზავნილი მარტივია - გაჩერდით, დაელოდეთ ჩამკეტს, წვიმა მოდის, მგელი მოგვდევს და ჰარალოს მღერის, სოფელის შესასვლელში ვგროვდებით, და ასე შემდეგ....
а в горах по утрам туман, дым твоих сигарет,
если хочешь соити с ума, лучше способов нет !!!
Image

ახალი თემის შექმნა
პასუხი თემაზე

FORUM_PERMISSIONS

You cannot post new topics in this forum
You cannot reply to topics in this forum
You cannot edit your posts in this forum
You cannot delete your posts in this forum

ახალი წერილი ახალი წერილი    ახალი წერილი არაა ახალი წერილი არაა    ანონსი ანონსი
ახალი წერილი [ ცხარე ] ახალი წერილი [ ცხარე ]    ახალი წერილი არაა [ ცხარე ] ახალი წერილი არაა [ ცხარე ]    თვალშისაცემი თვალშისაცემი
ახალი წერილი [ დაკეტილია ] ახალი წერილი [ დაკეტილია ]    ახალი წერილი არაა [ დაკეტილია ] ახალი წერილი არაა [ დაკეტილია ]