მოკლედ მოვამზადე და მოწონება დავიმსახურეეე
მეც მომეწონა ცოტა სხვანაირი გამომივიდა ვიდრე ტრადიციული ქართული
აი რეცეპტსაც შემოგთავაძებთ
საქონლის ხორცის ცხარე წვნიანი
კეთდება ასე:
ვიღებ საქონლის ახალ ხორცს (ცხიმი ზომაზე უნდა ქონდეს და თეთრი უნდა იყოს!), სასურველია საფარავს. ვათავისუფლებ ძვლისგან და ვრეცხავთ.
მერე ვჭრი საშუალო ნაჭრებად. ვდებ "სქელ" ქვაბში და ვშუშავ ძალიან ნელ ცეცხლზე.
მაგრამ აქ არის "საიდუმლო": როდესაც ხორცი წყალს გამოუშვებს და დაიწყებს ამ წყალში ხარშვას, ცეცხლი და ხუფი ისე უნდა შეაშველოთ, რომ ეგ წყალი არ ამოშრეს, სანამ ხორცი არ დარბილდება (ცეცხლი ძალიან ნელი, მბჯუტავი უნდა იყოს, ხუფი მაგრა დახურული, წყალი გარედან არც ერთ ეტაპზე არ დაამატოთ!).
როდესაც ხორცი დარბილდება, ეგ წყალი, რომელშიც იხარშებოდა, გადაასხით ცალკე ჭურჭელში და შეინახეთ (ეგაა "სეკრეტი":))
მერე: დაუმატეთ კარაქი (1 კგ ხორცზე 100 გრამი) და შუშეთ უკვე კარაქში. ხო, დააყარეთ მარილი, რომ შემდეგ ხარშვაში არ ჩდაიშალოს!
ოდნავ რომ მოშუშდება, ჩაყარეთ დაჭრილი ხახვი და ახლა ხახვთან ერთად შუშეთ. ხახვის მერე (არ აცალოთ ხახვს მოშუშება) ჩაყარეთ სიგანეში დაჭრილი ტკბილი წიწაკა (Sweet Pepper ) და ყველაფერი ეს ნელ ცეცხლზე შუშეთ კარაქში. თუ ატყობთ, რომ კარაქი ცოტაა, ოდნავ დაუმატეთ).
+ ეს მე დავუმატე და მოუხდა 250 გრ. ხმელი ბარდა
ცალკე ჯამში: პამიდორს გააცალეთ კანი (მდუღარე გადაასხით), დაჭერით წვრილად, ისე, რომ წვენთან ერთად გამოვიდეს თითქმის ბლანტი მასა, დაუმატეთ წვრილ რგოლებად დაჭრილი ცხარე კახური ან მეგრული (ჩილის) წიწაკა, მსხვილ კუბიკებად დაჭრილი პიკული (მჟავე კიტრის კონსერვი), წვრილად დაჭრილი ნიორი, ბლომად რეჰანი, ცოტა წითელი წიწაკა ცოტა პეტრუშკა,ქინძი და საშუალო რაოდენობით ნიახური. ეს ყველაფერი ერთად აურიეთ და როდესაც შეატყობთ, რომ ქვაბში ხახვი და ბულგარული მზადაა, ამ მასას შიგ გადაუძახეთ ცხადია, გემოვნებით დაუმატეთ მარილი. და (აუციელებელია!) დაუმატეთ 1- 1/2 სუფრ. კოვზი ტომატის პასტა.
როცა წმოდუღდება, დაამატეთ ის ცალკე, სულ დასაწყისში გადანახული ხორცის ნახარში
5 წუთის დუღილის მერე თქვენ მიიღებთ გემრიელ, სურნელოვან და საჭმელად გამზადებულ კერძს რომელსაც ;საქონლის ხორცის წვნიანი ქვია;,ესთავისთავად ძალიან კარგი რამაა, მაგრამ ეს ჯერ კიდევ არ არის "საქონლის ხორცის ცხარე წვნიანი"
იმისთვის რომ "საქონლის ხორცის წვნიანი " გადაიქცეს ოსტრად, უნდა დავახუროთ ხუფო და ძალიან, ძალიან ნელ, მბჯუტავ ცეცხლზე დავადგათ მინიმუმ 45 წთ-თ - 1 საათით.
ინგრედიენტები: 1კგ ხორცზე 1 კგ ხახვი 1 კგ პამიდორი, 2-3 ბულგარული წიწაკა, 2-3 მოზრდილი პიკული, 100 გრ კარაქი, წიწაკა უქენით ისე, რომ გამოვიდეს ცხარე!
ცახდია, მიირთვით ცხელ მდგომარეობაში!