6-7 თებერვალი 2010 მომლოცველობითი მოგზაურობა ჯავახეთში.

ლეონტი · Post by **ლეონტი** » 21 იან 2010, 22:29

როგორც უკვე ავღნიშნე თემაში:
http://karavi.caucasus.net/viewtopic.ph ... highlight=
კარგია როცა წინაპართა ნამოღვაწარ ადგილებს არა მარტო ათვალიერებ, არამედ იმასვე იმეორებ რასაც ისინი აკეთებდნენ და რისთვისაც ამდენი ეკლესია ააგეს, და რასაც ქვია ლოცვა. კეისარს კეისრისა და ღმერთს ღრმთისა.
ანუ არის იდეა , თან მოვიხილოთ და თან მოვილოცოთ წმინდა ადგილები ჯავახეთში და დაგვემგზავრება მართლმადიდებელი მღვდელი - მამა მამუკა.
გთავაზობთ 2 დღიან მოგზაურობას ჯავახეთში:
თბილისი-ახალქალაქი (კუმურდო, ბარალეთი)-ნინოწმიდა(ღამის გათევა)-საღამო-ფოკა-წალკა(შესაძლოა ოლიანკაც)-თბილისი.
თუ მთელი შემადგენლობა ვისხდებით ჯიპებში ან მაღალი გამავლობის ავტომობილებში, ეს მარშრუტი სრულად განხორციელდება, წინააღმდეგ შემთხვევაში მოგვიწევს სვლაგეზის შეკვეცა ანუ ვერ მივალთ ფოკაში და ახალქალაქ-ნინოწმინდით შემოვიფარგლებით.

6 თებერვალს,შაბათს, დილის 7 სთ. გასვლა ჯიპებით დიდუბიდან (სამთო ქიმიის შენობა) ახალციხე-ახალქალაქის მიმართულებით. მოგზაურობის დრო დაახლ. მაქს. 5 სთ.
12 სთ. დრო სადილისთვის
13 სთ. გამგზავრება კუმურდოში. გზა დაახლ. 30 წთ. (ახალქალაქი-კუმურდო 14 კმ) მოლოცვა დათვალიერება 30 წთ.
გამგზავრება ბარალეთისკენ (ახალქალ. - ბარალეთი 18 კმ), სადაც მდებარეობს დედათა მონასტერი. მონასტრის მონახულება და გზად, სოფელ კოთელიაში, ძველი ტაძრის დათვალიერება-მოლოცვა. დაბრუნება ახალქალაქისკენ, სადაც მოვინახულებთ საეპარქიო რეზიდენციას და მოვილოცებთ საკათედრო ტაძარს.
საღამოს 19 სთ. გამგზავრება ნინოწმიდისკენ (მგზავრ. დაახლ.20-25 წუთი; ახალქალაქი - ნინოწმიდა 20 კმ). განთავსება წინდაწინ დაჯავშნულ სასტუმროში. (რაც შეეხება ღამისთევას, სასტუმრო ალბათ 70 ლარი იქნება კაცზე, მაგრამ არის ალტერნატივა, ღამის გათევა ახალქალაქის საეპარქიო რეზიდენციაში, სადაც საწოლების ნაკლებობაა, სხვა მხრივ, ნორმალურია, ამიტომ აქ პარალონი და საძილე ტომარაა საჭირო, დეტალები ჯერ კიდე დგინდება, საჭიროა 1 კვირით ადრე შევატყობინოთ ჩამსვლელთა რაოდენობა)
7 თებერვალს, კვირას, დილით (7 სთ.ზე) გამგზავრება სოფელ საღამოში, სადაც არის დედათა მონასტერი..(ნინოწმიდა - საღამო 18 კმ)
სავარაუდოდ(წინასწარ შეთანხმებით და თუ ამის დროითი რესურსი იარსებებს) აღვლენილი იქნება საღმრთო ლიტურგია, რომელზეც მოგზაურთათვის ზიარების საშუალება იქნება.
წირვის შემდეგ სამონასტრო ტრაპეზი.
დაახლ. 11 სთ.ზე ( მგზავ. დაახლ. 1,5 სთ.) გზის გაგრძელება ფოკისკენ. (საღამო - ფოკა 15 კმ).
დათავალიერება-მოლოცვა ფოკის როგორც დედათა, ასევე მამათა მონასტრების. დედათა მონასტერში დავათვალიერებთ ამჟამად უკვე საკმაოდ სახელგანთქმულ ფოკის ტიხრული მინანქრის საამქროს და შევხვდებით მინანქრის ოსტატ მონაზონს.
დრო სადილისთვის (სავარაუდოდ გაგვიმასპინძლდებიან დედათა მონასტერში)
ფოკის მოყინულ ტბასთან მისვლა.
დაახლ.16 სთ.-ზე გზის გაგრძელება წალკისკენ და საბოლოოდ თბილისისკენ,
დაახლ. 20:30 სთ.ზე ჩამოსვლა თბილისში.

რაც შეეხება შესაწირს, მონასტრებისთვის.არ ვიცი რა ფორმა გამოვნახოთ, მაგრამ კარგი იქნება თუ მცირე თანხას შევაგროვებთ და შევწირავთ.
ხოლო რაც შეეხება ტრანსპორტის ხარჯს, როგორც ხდება მგზავრები გაინაწილებენ.
კვება- ნაწილი დაგვეხმარება პირად პირადად წამოღებული საგზალი და აგრეთვე შესაძლოა საკვებ დაწესებულებაში შესვლა, როგორც ხდება კარავის პრაქტიკაში.

მარშრუტის სრულად გავლის შემთხვევაში მაქსიმალური მანძილი გასავლელი გამოდის 560 კილომეტრი, საიდანაც მოხდება ინდივიდუალურად ბენზინის ხარჯის გამოთვლა.

Int3lig3nt · Post by **Int3lig3nt** » 21 იან 2010, 22:34

ლეონტი
ფეხით რამდენი კილომეტრია სავალი?

უი, კარგად ვერ წავიკითხე ალბათ.
გასაგებია.

meleksa · Post by **meleksa** » 21 იან 2010, 23:19

კარგი იქნება ნამდვილად, უარს არ ვიტყოდი წამოსვლაზე

ლეონტი · Post by **ლეონტი** » 21 იან 2010, 23:39

Int3lig3nt wrote:ლეონტი
ფეხით რამდენი კილომეტრია სავალი?

უი, კარგად ვერ წავიკითხე ალბათ.
გასაგებია.

მე მგონი კარგად წაიკთხე , უბრალოდ:
"შესწორებათა საერთო რაოდენობა: 24"

Post by **Gvalva** » 22 იან 2010, 02:55

ძალიან საინტერესო მარშუტია, განსაკუთრებით მაინტერესებს ფოკის შემცველი ვარიანტი და იმედია ვინც ლოცვა არ იცის ისინიც მიიღებიან ხო?

კიდე იმან დამაინტერესა, 25-ე შესწორება ხო არაა საჭირო, ნინოწმინდაში 70 ლარიანი სასტუმრო იქნება ვითომ აშენებული?

ლეონტი · Post by **ლეონტი** » 22 იან 2010, 09:19

Gvalva wrote:..... იმედია ვინც ლოცვა არ იცის ისინიც მიიღებიან ხო?

კიდე იმან დამაინტერესა, 25-ე შესწორება ხო არაა საჭირო, ნინოწმინდაში 70 ლარიანი სასტუმრო იქნება ვითომ აშენებული?

მონაწილეობის მიღება შეუძლიათ იმათაც ვინც ლოცვა არ იცის და იმათაც ვისაც ლოცვა არ უნდა. (რა თქმა უნდა თუ სხვას არ აურევს

)
ამის გარდა მამაო "ბუას" ვარიანტში არ მოდის და იძულებითი ან ჯარისკაცულ-მბრძანელობითი არაფერი იქნება, ყველაფერი ჩვენ ორგანიზებულობაზე და მოწესრიგებულობაზე იქნება დამოკიდებული.
რაც შეეხება სასტუმროს, არ ვარ დარწმუნებული 70 ლარიანი ახალქალაქშია თუ ნინოწმინდაში.მაგრამ ეპარქიაში , იმ შემთხვევაშიც კი თუ საწოლი არ იქნა, ხალიჩაზე პარალონი და საძილე მისაღები იქნება ალბათ, უმრავლესობიზა.

del · Post by **del** » 22 იან 2010, 10:10

ლეონტი
სასტუმრო + ბენზინი + კვება.. მინიმუმ 100 ლარი 2 დღე?

ლეონტი · Post by **ლეონტი** » 22 იან 2010, 10:23

del wrote:ლეონტი
სასტუმრო + ბენზინი + კვება.. მინიმუმ 100 ლარი 2 დღე?

ბენზინის ხარჯი ყველა ავტომობილისთვის სხვადასხვა იქნება, ეს მფლობელმა უნდა დაითვალოს კილომეტრების მიხედვით, საერთო კილომეტრაჟს დავდებ მალე.
სასტუმრო ანუ ღამისთევა შეიძლება ეპარქიაში სადაც გადასახდელი არაფერია, უბრალოდ რამეს შევწირავთ.
კვებაც ესე და 100 ლარი 2 დღე ალბათ მეტობით რო ვიანგარიშოთ საკმარისია.
კიდევ დავაზუსტებთ.

t.d · Post by **t.d** » 22 იან 2010, 15:37

მეც სიამოვნებით შემოგიერთდებით, იმედია ხელს არ შემისლის სამსახური.ერთი 4 დღით ადრე უკვე მეცოდინება პასუხი,

ლეონტი · Post by **ლეონტი** » 22 იან 2010, 16:15

მოკლედ ვიწყებთ დაკომპლექტებას, ჩემ მანქანას უჭირს, მეც უმანქანო მსურველებში ჩავეწერები:

მაღალი გამავლობის მანქანების სია:

1. მამა მამუკას ჯიპი
ეკიპაჟი:
++++
2. მამა მამუკას მეგობრის ჯიპი
ეკიპაჟი ++++
3. ...

წამოსვლის მსურველები:

1. ლეონტი.
2. t.d
3. iguana
4. ...

სასურველია დაკომპლექტება დამთავრდეს 4-5 დღით ადრე რათა ვაცნობოთ ღამის გამთევთა რიცხვი.

Gvalva wrote:25-ე შესწორება ხო არაა საჭირო, ნინოწმინდაში 70 ლარიანი სასტუმრო იქნება ვითომ აშენებული?

25 ე შესწორება განხორციელდა საერთო სვლაგეზის სიგრძის დადგენიზა.

t.d · Post by **t.d** » 22 იან 2010, 16:36

ლეონტ შეიძლება რომ მეც ჩამწეროთ?95% მოვდივარ საბოლოდ პასუხი მეცოდინება ერთი 4 დღით ადრე,

iguana · Post by **iguana** » 23 იან 2010, 00:14

წამოსვლის უმანქანო მსურველი ვააარ

Makena · Post by **Makena** » 23 იან 2010, 04:08

ასპინძაში 35 ლარად შეგიძლიათ გაათიოთ ღამე სასტუმრო ჩიკოში, სადაც ჩვენ 2ჯერ გავათიეთ უკვე ღამე, პირობები ნორმალურია, სითბო, ცხელი წყალი, კარგი ოთახები, წინასწარ უნდა დარეკვა.

t.d · Post by **t.d** » 23 იან 2010, 10:09

Makena
ერთი კაცის საფასურია 35 ლარი?

Makena · Post by **Makena** » 23 იან 2010, 13:08

t.d
კი, ამ ფასში შედის საუზმე.
ზაფხულში 30 ლარადაც მიგვიღო, შეიძლება დაელაპარაკოთ, მგონი 30 ლარზეც უნდა დაგთანხმდეთ.

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS