კარავი

ჩვენი საბარგული

მეწყერი

ნანო ფოტო

დეკის ფოთლები ნანო ზომებისაა ამ ფოტოზე და ამიტომ - ნანო.

აქ უკვე ვისადილეთ ჩანჩქერთან და ვუახლოვდებით უშგულს. ჩანჩქერთან ჩაციებული სუპის მადისაღმძვრელი ფოტო ლეონტისა და თამრის არქივში მეგულება. მანამდე კი ხედები

ისევ შენთვის დავკრიფე ია, ია ლურჯთვალა.

მისი უდიდებულესობა - ოფოფი!

ლამარია, უშგული.

ლამარიას ფრესკები

ხედი ლამარიადან

უშგული





შხარა შეინიღბა

უშგულის მუზეუმის შესასვლელი თანხა 5 ლარი.

უშგულში დიდხანს არ გავჩერდით. იმ ეკლესიის გასაღები რომელიც მუზეუმის გვერდით იყო ზედა უბანში ჰქონდათ. იმ კაცს კი რომელიც ქვედაუბანში ცხოვრობდა ზედა უბნის ეკლესიის გასაღები ჰქონდა. მოსაღამოვდა და ამიტომ კალასკენ გავწიეთ.

საღამოს სოფელ კალას შორიახლოს საქეიფო ადგილთან დავბნაკდით.

იმ ღამით კინოჩვენება გვქონდა. წვიმდა. ჩვენი კარვები მშვენივრად, მშრალად იდგნენ. დილით ლეონტიმ დასუფთავების აქცია მოაწყო. მერე იფრალისაკენ ავიღეთ გეზი. პარალელურად კი კალას კვირიკესა და ივლიტას სახელობის ეკლესიის გასაღებს ვეძებდით. ეკლესიის გასაღები მუზეუმის თანამშრომელს აქვს რომელიც კალაში ცხოვრობს, იმ დღით მესტიაში იყო ჩასული, ტელეფონით დავუკავშირდით და გადავწყვიტეთ სანამ ის კალაში დაბრუნდებოდა იფრალი და და სოფელ ხეს ეკლესია მოგვენახულებინა.

იფრალის ეკლესია არაჩვეულებრივია, ვიგალობეთ, განსაკუთრებული სიმშვიდეა და ძალიან ბევრი დეტალი რომელიც დიდი ხნის თვალიერების შემდეგ ხდება საჩინო.