უაზ-ტური ვაშლოვანი,ტახტი–თეფა,დალი,მიჯნის ყურე 31.03-01.04
Posted: 02 აპრ 2012, 13:06
1. მარშუტი:
მიჯნის ყურე – ქურციკების ვოლიერი – მინგეჩაურის წყალსაცავის ზედხედი (უახლოეს მთაზე ავედით) – დაბანაკება და მფრინავი კარვები უძლიერეს ქარში – მერცხლების ქალაქი უმერცხლოდ ჯოჯოებით – დალის წყალსაცავი (საზაფხულო გარუჯვით) – ტახტი – თეფას ტალახიანი ვულკანები – არწივის ხეობაში ჩანჩქერზე ღამეული ლაშქრობა ტურების ყმუილის თანხლებით
2. გავლილი მანძილი
დაახლ. 300კმ თბილისი–დედოფლისწყარო–თბილისი; და დაახლ. 300კმ დედოფლისწყარო–ნაკრძალი მიჯნის ყურეს მიმართულება–უკან ტახტი–თეფას მიმართულება–დედოფლისწყარო
3. გზის მდგომარეობა:
გზა ცუდ მდგომარეობაშია მიჯნის ყურეში განსაკუთრებით–აუცილებელია ორხიდიანი. ტახტი–თეფას მიმართულებით კი სამარშუტო+ფეხითაც შეიძლება წასვლა, არწივის ხეობა ახლოსაა ქალაქთან ასევე.
4. მარშუტის სირთულე:
მარშუტი ტრანსპორტისთვის რთულია ბევრი ცუდი გზები უნდა დახაზოს; ფეხით ადვილი.
5. მარშუტის ხანგრძლივობა:
2დღე
6. სანახავი და ყურადღებამისაქცევი ადგილები:
ტალახის ვულკანები, მერცხლების ქალაქი, მიჯნის ყურის კანიონები, ქურციკების ვოლიერი, არწივის ხეობა, დალის და მინგეჩაურის წყალსაცავები.
7. დამატებითი ინფო:
apa.gov.ge
8. საბანაკე ადგილები:
ნაკრძალი ითხოვს საბანაკე ადგილზე 5 ლარს გადასახადს. და ითხოვენ რომ დარჩე ან ქუციკებთან ახლოს ან მიჯნის ყურეში ბუნგალოებში ან კარვებში. ბუნგალოების ფასი გაიზარდა და ახალი სეზონიდან 40 ლარს შეადგენს
9. სასარგებლო საკონტაქტო ინფორმაცია:
593 93 13 81 ამ კაცმა წაგვიყვანა, 350 ლარი მივეცით 2 დღეში დედოფლისწყაროდან ნაკრძალში. ჰყავს 10 კაციანი უაზი, რომელიც კარგ მდგომარეობაშია (16 ადამიანიც ეტევა)
10. გასვლის თარიღი :
31.03-1.04.2012
11. –12 კოორდინატები: მომაწვდიან და დავდებ
ეს არ იყო კარვული გასვლა, მე კობერა, ხატია არ ითვლება. თუმცა რაკი წამოვიდნენ ბავშვი და არჩილ კარველებიდან და ამასთან სამომავლოებში იყო თემა გახსნილი აქაც დავწერ ძირითად მომენტებს; მითუმეტეს მინდა რომ იმათ ვინც კარავს კითხულობს იცოდეს რომ იჯიპოდაც გამოვა!
არ დაგვხვდენ მერცხლები თუმცა ვიხილეთ ქურციკები რაკი ვოლიერში არიან გაშვებული, ფოცხვერიც დავინახეთ, ვუსმინეთ ტურების ყმუილს და ვნახეთ ბლომად მრავალფეროვანი ჩიტები....
––
მარშუტის ორგანიზება კაბადოკიას ვაკეთებ ეხლა და კაბადოკიაზე ერთი 6ჯერ უფრო გამიჭირდა 350 ლარი გადავუხადეთ უაზს და 10 ადგილზე 15 ვიჯექით პლიუს ბარგიც, კარვებიც; თუმცა სამარშუტოში როცა ჩავჯექით უკვე მეუცხოვა ისე შევეჩვიე უაზს ძალიან მაგრად დადიოდა
==
ძალიან მომეწონა ტახტი–თეფა: რაც ფოტოზეა იმაზე ორჯერ–სამჯერ უფრო საინტერესოა; ასევე დალის წყალსაცავი ძალიან ლამაზია დალის მთის სილუეტით; უმაგრესი იყო მინგაჩაურს როცა გადმოვხედეთ ქუციკების ვოლიერის სიახლოვეს მაღალი მთიდან; მიჯნის ყურის კანიონები და ალესილები იგივეა რაც ფოტოზე თუმცა ალბათ როცა საკმლის ხეც გამწვანდება უფრო საინტერესოც იქნება ველური დასავლეთის შეგრძნებით. მერცხლების ქალაქი ვნახეთ და ბუდეები იყო მაგრამ არა მერცხლები; მთლიანობაში: დათვის ხევი–მერცხლების ქალაქი–პანტიშარა–ალესილების მონაკვეთი ნაკლებად საინტერესო აღმოჩნდა ვიდრე მეგონა.
==
სახალისო ამბები:
მფრინავი კარვები: ღამით ისეთი ქარი იყო ერთი კარავი გაფრინდა
ასევე ის რომ არწივის ხეობაში მისვლა გვინდოდა და მძღოლმა არწივის ხეობის გადასახედთან მიგვიყვანა–საქეიფო მარშუტთან ჰოდა იქიდან ფეხიტ წავედით დედოფლისწყაროს მიმართულებით: თუმცა ტყეში ყვავილებში გორაობის შემდეგ რომ დავრეკეთ თბილისიდან სამარშუტო ახალი გამოსული იყო ჩვენს წასაყვანად ჰოდა, რაკი დრო გვქონდა ორიენტაცია ავიღე არწივის ხეობისკენ და ორი გოგო წავიყვანე: დანარჩენები სათამაშოდ დარჩნენ მინდორში, გადავფრინდით მდინარეებზე და ცავედიტ ჩანჩქერზე სადაც დაგვიღამდა კიდეც; ამ დროს დავინახე ფარნიანი ხალხი მეგონა ჩვენს მოსაძებნად წამოვიდნენ ვინმე, არადა კარაველები ბავშვი და არჩილ– რომლებიც მე დედოფლისწყაროში მეგონენ ჩასულები ამოსულან ტაქსით ნაკრძალის შესასვლელთან ქალაქიდან როცა გაიგეს რომ მე ჩანჩქერზე მაინც წავედი და ჩვენს მერე ტურების ყმუილის ფონზე დალაშქრეს არწივის ხეობა უდაბნოს შემდეგ ისევ მწვანე ბუნებაში დაბრუნებამ ძალიან გამახალისა
საბოლოო ჯამში ძალიან კარგი გასვლა გამოვიდა, ნაკლებად სალაშქრო მაგრამ 2 ლაშქრობა მაინც იყო