"ლამზირია თუშითა" - თუშეთი 30.07-6.08.11.

tushi aleko · Post by **tushi aleko** » 10 აგვ 2011, 22:57

მართლა ძალიან ლამაზი გასვლა გამოგსვლიათ კარაველებო, თუმცა ამ მშვენიერ მხარეში სხვანაირს არც ველოდი. რეპორტაჟიც შესანიშნავად იწერება და მოუთმენლად ველი მის გაგრძელებას.

ერთი რამ მინდა აღვნიშნო...

უამრავი გასვლა გაკეთებულა თუშეთში და აქაც უამრავი რეპორტაჟია გახსნილი , მაგრამ მე რაც წამიკითხავს არცერთში არ შესულან ჩემს სამშობლოში-წოვათაში, ამისთვის კი ორმგად მადლობა თქვენ რომ კიდევ ერთხელ გამახსენეთ ის მშვენიერი და დაუვიწყარი ადგილები, რომელთა ხივლაც ეკალს მაყრის.

დარწმნებული ვარ გაგრძელებაც ასეთივე საინტერესო და ხალისიანი ექნება თემას.

tushi aleko · Post by **tushi aleko** » 10 აგვ 2011, 23:04

რაც შეეხება ლეო პაპას, სამი წელი მისი თბილი სტუმართმოყვარეობით ვტკბებოდი და მომავალშიც არაერთხელ ვესტუმრები. ეგ ადამიანი ძალიან ზედმიწევნით ამართლებს ხალხურ გამონათქვამს- ,,სტუმარი ღვთისაა". უღრმესი მადლობა მას ამ ყველაფრისთვის.

guruli · Post by **guruli** » 11 აგვ 2011, 12:30

მთაშენკ, სწორი ფორმაა საჩიღოლო, ხოლო საჭიღოლო მართლა რუსულის გავლენით დამკვიდრდა. თუ გინდა, მემრ, როცა თუშეთ ერთად მოვხელავთ, იდიოძისნაირ საქმეში ჩახედულებთანაც დაგალაპარაკებ ე მაგ თემაზედ. თუშეთსი მასეთი ორვარიანტი სახელი მხოლოდ ბოჭორმას აქვს, რომელსაც ბოჭორნადაც იხსენიებენ.
ქორბეღელა სწორად აღწერე, მართლაც ეგრე სრულდება. ოღონდ ხევსურებისა და ათენგენობისა არ იყოს, ცოტა თუშებიც უფრთხიან მაგას, რადგან სწამთ, რომ ქორბეღელას ჩაშლა ანუ თუ ვინმე ჩამოვარდება, უბედურებას მოასწავებს. კერძოდ, ვინც ჩამოვარდება, უბედურება შეემთხვევაო. იქნებ ეს ცრურწმენაა, მაგრამ მტაში ბევრი მაგალითუი დაუსახელებიათ, როცა ჩამშლელი იმ წელსვე დაღუპულა, ან იმ სოფელში ვინმე ახალგაზრდა მომკვდარა. ერთხელ იმაზე კამათსაც შევესწარი, გაემართათ თუ არა დღეობის ბოლოს ქორბეღელა - წლეულს ცოტანი ვიყავით ხალხნი და არ ჩაგვეშალოს, ვინმე არ დაიღუპოსო. საბოლოოდ მაინც ამ აზრმა გაიმარჯვა.
ნარკომანი ცხვრის ეპიზოდზე კი რა ვთქვა - ჯიგრები არიან ჩემი თუშები!!!

მიტომაც მიყვარს ეგ ხალხი და ეგ მხარე.

პ.ს. მგონი, ეთელტა იოსებ ლონგიშვილის სოფელია, შატილის ასულოს ლექსის ავტორისა და მართლაც ბრწყინვალე პოეტისა. კიდევ - ასპინძის ომის გმირ კოხიოს სოფელია. თუ არ ვცდები, ადან ბობღიაშვილიც (ადამ ალვანელი) მაქაურია, ”სამანელი” და ძალიან კარგი პოეტი, რომელიც თუშთა შეთქმულებაში მონაწილეობისთვის სადრაც აბანოს ხევის გადაღმა რომელიღაც ხეობაში დახვრიტეს. ადრე საცალფეხო გზა მაგ ხეობაზე გადადიოდა, რაც ტქვენ გადაიარეთ - იმ ტბების გავლით. ჰოდა, ის შეთქმულები მთაში დააპატიმრეს და ბარში გადაჰყავდათ, მაგრამ ალვანამდე არ ჩაუყვანიათ, გზაში დახვრიტეს.
tushi aleko - კარავი მართლაც პირველად იყო წოვათაში, თუ ბერნარის შარშანდელ გასვლას არ ჩავთვლით. ეტყობა, არ გაქვს ის გასვლა ნანახი.

Iako. · Post by **Iako.** » 11 აგვ 2011, 13:17

Uploaded with ImageShack.us

ქორბეღელა

Iako. · Post by **Iako.** » 11 აგვ 2011, 13:23

Uploaded with ImageShack.us

Iako. · Post by **Iako.** » 11 აგვ 2011, 14:17

საბედნიეროდ არ ჩაშლილა ქორბეღელა

კარგი სანახაობა იყო, თან მღეროდნენ. პაატამ, თუშურად ვარდანაიძემ

იცის რასაც მღერიან მაგ დროს.
ძალიან მაგარი იყო დღეობა, ეხლაც ყურებში მიდგას "გვწყალობდეეეეეს..."

guruli · Post by **guruli** » 11 აგვ 2011, 20:16

Iako.

საბედნიეროდ არ ჩაშლილა ქორბეღელა

ღმერთმა ნურც ჩაშალოს და სიმშვიდე ჰქონოდეს თუშეთსაც, ყველა მხარესაც.

ეხლაც ყურებში მიდგას "გვწყალობდეეეეეს..."

ეეეჰ, რამდენი კაი მოგონება მაქვს მაგ შეძახილტან დაკავშირებით.

მე ჟველურთაში დავესწარი დღეობას და ძალიან ტკბილად მახსოვს, ჯერ გაღმით ხისოელებმა რომ დააგუგუნეს "გვწყალობდეს", მერე მეორე მხარეს შტროლთელებმა აუბეს მხარი... შორიდან რაღაც ტკბილ მელოდიასავით მოდიოდა ხმა.

keto · Post by **keto** » 11 აგვ 2011, 23:27

guruli wrote: პ.ს. მგონი, ეთელტა იოსებ ლონგიშვილის სოფელია, შატილის ასულოს ლექსის ავტორისა და მართლაც ბრწყინვალე პოეტისა.

კი, მართალია. დართლოში, სასტუმროში გავიცანით მისი 13 წლის შვილიშვილი, ისიც იოსები და იმან გვითხრა ჩვენ

Mta Mkvarebia · Post by **Mta Mkvarebia** » 12 აგვ 2011, 12:19

tushi aleko
გაიხარე

დიდი მადლობა, მიხარია თუ ინტერესით ადევნებთ თვალს რეპორტაჟს

სწორად დაგიწერა გურულმა, წოვათაზე რეპორტაჟი ბერნარსაც ჰქონდა და ბევრი რამ გავითვალისწინე მისი ჩანაწერებიდან რჩევად

.

ვეცდები პერიოდულად გავარძელო ხოლმე თხრობაც და სურათების დადებაც, როგორც კი თავისუფალ დროს ვიპოვი

მე-5 დღეზე შევჩერდი, ვერხოვანში რომ ავედით.
ცოტა ხნის ლოდინის მერე ცხენებიც დაგვეწიენ და შევუდექით ნაყაიჩოს უღელტეხილისკენ მიმავალ ბილიკებს. გზა სულ მარლა და მარლა იწევდა, გასაკვირიც არ იყო ვერხოვანის სიმაღლიდან 1950 მეტრიდან 2903 (მეტრზომის მიხედვით კი 2928 მეტრამდე) უნდა ავსულიყავით. თავიდან გზა ტყესი მიდიოდა, ჩრდილში სიარული შედარებით გაგვიადვილდა, 2-3 ადგილას პატარა მდინარეც გადავკვეთეთ.

მაგრამ მალე ბილიკი ტყიდან გავიდა და სუბალპურ, შემდეგ კი ალპურ მდელოებზე გადავიდა, თაკარა მზეში ორმაგად ძნელი იყო იმ აღმართების ავლა.

დაახლოებით 1 საათში სოფელი დადიკურთაც გამოჩნდა. უფრო სწორად ნასოფლარი, სახლების უმეტესი მიტოვებული იყო. მაგრამ მანდაც გამოგვიჩნდა მასპინძელი, რომელიც ალუდით და უგემრიელესი გუდის ყველით გაგვიმასპინძლდა. სახლის ჩრდილში შეფარებულებმა ცივი ალუდი დავაგემოვნეთ, სული მოვითქვით და გზა გავაგრძელეთ.

Mta Mkvarebia · Post by **Mta Mkvarebia** » 12 აგვ 2011, 12:38

უღელტეხილს ვიყავით მიახლოებული, კიდევ რომ შევისვენეთ და წავიხემსეთ ძალების მოსაკრებად. მერე ისევ გავაგრძელეთ აღმართების ავლა. დაახლოებით ნახევარ საათში ბუნტურის აღფრთოვანებული შეძახილები შემომესმა, არ მაინტერესებს, ფარსმა , მე აქ ვბანაკდები დღესო

ზემოთ ასული მივხვდი რაშიც იყო საქმე, უღელტეხილის უმაღლესი წერტილიდან ჩვენს თვალწინ პირიქითა თუშეთის ულამაზესი ხედი იყო გადაშლილი, მარჯვნივ სოფელი ჭეშო ჩანდა, თავის ოთხი სათვალთვალო კოშკით, მარცხნივ - მთაზე შეფენილი სოფელი ფარსმა, მაშ შორის კი პირიქითა ალაზანი მიიკლაკნებოდა, აქა-იქ ნაზვავარები ჩანდა მწვანე მდელოებზე, საიდანაც გამომავალი რძესავით აქაფებული ნაკადულები ალაზანში ჩაედინებოდა, მწვანე მდელოებზე ცხვრის ფარა იყო გაბნეული, ცხვრები ჭიის ჭუპრებივით დაგორავდნენ მინდორზე. ცუდი ის იყო, რომ მზე ზენიტში იყო და იქაურობას გადახუნებულ ფერს აძლევდა , ამიტომ ფოტოები სრულად არ ასახავს იმ სილამაზეს:(

ხედი ჭეშოზე

ხედი ფარსმაზე

Mta Mkvarebia · Post by **Mta Mkvarebia** » 12 აგვ 2011, 17:29

რა თქმა უნდა, ჩვენც ვიცოდი და ბუნტურმაც, რომ იქ კარვებს ვერაფრით გავშლიდით

, მაგრამ გვინდოდა რაც შეიძლება დიდხანს დავმტკბარიყავით მაგ ხედით. თუმცა მეგზური პაატა გვაჩქარებდა, ძალიან რთული გზა გვაქვს გასავლელი, რთული ბილიკებია, ცხენისთვისაც და თქვენთვისაცო. ამიტომ ჩვენს თავს არ მივეცით უფლება ცოტა დიდხანს გავჩერებულიყავით იმ ადგილას. როგორც აღმოჩნდა, სულ ტყუილად. მართალია გზა საკმაოდ გრძელი იყო და ისე ახლოს არ იყო ფარსმა, როგორც ზემოდან ჩანდა, მაგრამ ბილიკები საკმაოდ ნორმალური იყო, სულ თავიდან, პირველ 100 მეტრზე იყო ბილიკი ცუდად გამოკვეთილი, ნაშალში იკარგებოდა, შემდეგ კი უკვე ნორმალური ბილიკი იყო. 2 საათში ჩავირბინე ის გზა ძირამდე, დაღამართზე სიარულისას ორივე მუხლი მეჭედებოდა და უფრო ნელა რომ მევლო, მეტად გამიჭირდებოდა, კიდევ კარგი ჯოხი მქონდა და კარგი სამსახური გამიწია, ფეხის დაბიჯებიას მას ვეყრდნობოდი და მუხლზე დატვირთვა ნაკლებად მოდიოდა. ხალხის ნაწილი წინ მიდიოდა, ნაწილი-უკან. მაგრამ რაციებით ვუკავშირდებოდით ერთამნეთს და სხვების ამბავს ამით ვგებულობდით, გაჭირვებით არ უჭირდათ ჩამორჩენილებს სიარული, უბრალოდ წყლულები გაუჩინა მათ ნაწილს ფეხსაცმელმა და ამიტომ ნელა მოდიოდნენ. აფსუს სად გვქონდა სპეციალურად ნაყაიჩოს უღელტეხილისთვის ბიჭოლას მიერ შეკერილი "ბაბონიანი" ფეხსაცმელები?

ეს იდეა დართლოში, ჩვენი მოგზაურობის დასკვნით საღამოს ანოს და ნიკას მიერ გათამაშებულმა "თუშეთი ლაივის" სერიებმა შთაგვაგონა, თუმცა "თუშეთი ლაივზე" დართლომდე რომ მივალ, მერე მოგითხრობთ. მხოლოდ ერთს ვიტყვი, მაგ "ბაბონებს" სპეციალური დატვირთვა ჰქონდა, აბა, სანამ დართლომდე ჩავალ თუ მიხვდებით რა?

.

მოლაშქრეთა ნაწილი ბანაკში მზის ჩასვლამდე დაახლოებით 5 საათზე მივედით, ვჩქარობდით, რომ სანამ მზე ჩავიდოდა ნამიანი კარვები გაგვეშალა და გაგვეშრო და შემდეგ ვახშმის მომზადებაზე გვეზრუნა. ბანაკი ბარსმისა და ბასოს შორის მდინარესტან დავეციტ. პატარა მდინარე , რომელიც ამ ორი სოფლის შუაში ჩამოდიოდა, სუფთა იყო და სამელადაც ვიყენებდით. დანარჩენი მოლაშქრეები ნაწილ-ნაწილ ბრუნდებოდნენ კარავში, როგორც მერე გიო-ბარსა, მათი ჩამკეტი გვიყვებოდა, მათმა ნაწილმა თურმე გამოძინებაც კი მოასწრო დეკის ბუჩქების ძირში

.

იმ ღამესაც კოცონი დავანთეთ და მის გარშემო შემომსხდარი ვისმენდით სიმღერებს და საინტერესო ამბებს.
მეორე დრეც გატენდა. იმ დრეს ლაროვანის ტბის მონახულება გვქონდა გეგმაში. თუმცა ხალხის ნაწილმა ჭონთიოსკენ გასეირნება გადაწყვიტა. პაატა ცვენ გამოგვყვა 2 ცხენიტ , დანარცენები კი გელას გაყვნენ ჭონთიოს მიმართულებით. ეს ფოტოები მანამდეა გადარებული , მარიშკა დედამისის მიერ დამზადებულ უგემრიელეს ჟოლოს მურაბას გვაგემოვნებინებს

.

ტავზე მესაზღვრეების ვერტმფრენმა გადაგვიფრინა, როგორც მერე გირევში გავიგეთ, მესაზღვრეთა მეორე ცვლა მოუყვანიათ

.

ინა-უნა · Post by **ინა-უნა** » 12 აგვ 2011, 20:09

ლიკა გადასარევი ხარ

ვკითხულობ და ისევ დიდი სიამოვნებით ვმოგზაურობ თუშეთში :*

ეკატო · Post by **ეკატო** » 14 აგვ 2011, 22:20

რომ იცოდეთ როგორ მომენატრეეეეთ

ეკატო · Post by **ეკატო** » 16 აგვ 2011, 12:07

ფშაველში "ჩამოვბარგდით" და გაოცებულები დავრჩით,ნუთუ ეს ყველაფერი ერთ მინიბუსში დაეტია?

ჩვენი ბანაკი ფშაველში

მეორე დილით, ჯიპები დავტვირთეთ და თუშეთისკენ გავეშურეთ

ულამაზეს ხეობას მივუყვებოდით, გამიმართლა რომ ჯიპში ფანჯარასთან მოვხვდი და გზაზე სურათებიც გადავიღე

მღეროდნენ

ეკატო · Post by **ეკატო** » 16 აგვ 2011, 12:13

ბუნტურიკა

გიორგი ბარსას მეგობრები - ნიკა და ლაშა

ლაილა

ლალი მას.

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS