კაპადოკია, ბანა, ტრაპიზონი, სუმელა და მცირე აია-სოფია 29.10.

Mta Mkvarebia · Post by **Mta Mkvarebia** » 08 ნოე 2010, 10:30

ოლთისის ციხესთან

ამ კომბოსტოებით მაგრად ვიხალისეთ

როგორც ფაცებოოკ-ზე თეო ტირემ იხუმრა, მგონი მართლა ბავშვი იჯდა შიგნით

))

ესეც მდინარე ევფრატის სათავე (ყარასუ) საქართველოს ყელის ანუ გურჯი ბოღაზის უღელტეხილზე

მაგ დროს ზვიადის დასვენების დროც მოვიდა და საჭესთან რამდენიმე საათით კარველების მეგობარი გიორგი დაჯდა, ამ კატეგორიის მართვის მოწმობის ჩვენება არ მოგვითხოვია, სიტყვაზე ვენდეთ

Mta Mkvarebia · Post by **Mta Mkvarebia** » 08 ნოე 2010, 10:45

ერთერთ უღელტეხილზე (ასეთი კი 5 გავიარეთ) კოკისპირულმა წვიმამ დასცხო, მანამდე კი ნისლიან აღმართებს მივუყვებოდით. მაგრამ გიორგი უპრობლემოდ უმკლავდებოდა დაბრკოლებებს, ზვიადზე ხომ არაფერს ვამბობ.

ამინდის გამო, ცოტა არ იყოს ხასიათი გაგვიფუჭდა, თან საშინლად ციოდა.
ღამის 3 საათის მერე ჩავედით გიორემში და დავბინავდით გამოქვაბულის ტიპის სასტუმროში.

ეს უკვე დილით. პირველი ღამის გამოქვაბულში გათენება რომ მოვიფიოქრეთ ამ გადაწყვეტილებით არ გვინანია, მართლაც ეგზოტიკური და სასიამოვნო გარემო დაგვხვდა იქ, რაც უფრო მეტ კომფორტზე მნიშვნელოვანი იყო ჩვენთვის. :

"კარავზეც" შევიჭყიტეთ, რომ გაგვეგო, რა ხდებოდა ოჯახში

მერე ცოტა ვიმაიმუნეთ

...

თუშომ აუზთან ბაყაყი იპოვა, აკოცა და....

...ჰოი, საოცრებავ

....

ჯიმის + ანუ მისი დედიკო ინა, ძალიან საყვარელი ადამიანი :*

პირველ დღეს ცა ღრუბლებით იყო დაფარული, მართალია ლურჯი ცის ჭვრეტის ბედნიერება არ გვქონდა, მაგრამ რომ არ წვიმდა მაინც მადლობელი ვიყავით. მთელი ღამე წვიმის მერე ღრუბლიანი ამინდი ჩვენთვის მისწრება იყო. საეროდ კაპადოკიაში ნალექი იშვიათად იცის, მაგრამ წინა დღეს მთელი თვის ნალექი ჩამოიღვარა ციდან, როგორც ჩანს.
მაგრამ ღრუბლების მიუხედავად ისედაც ჩანდა რომ წინ დიდი სილამაზე გველოდა

Mta Mkvarebia · Post by **Mta Mkvarebia** » 08 ნოე 2010, 10:53

მერე იქვე მდებარე სუვენირების მაღაზიაში შევიარეთ, რომლის მეპატრონე დვალას მეგობარი იყო

შემდეგ სხვა სასტუმროში გადავბარგდით და დავბინავდით. ესეც პატარა მაგრამ მყუდრო სასტუმრო იყო.მისი მშვენება სამი მხრიდან შემინული, მუთაქებით მოფენილი სასადილო დარბაზი და ასევე ღია აივანი იყო, საიდანაც ულამაზესი ხედები იშლებოდა გიორემზე და უჩისარის ციხეზე

მერე გავემართეთ ღირშესანიშნაობების დასათვალიერებლად.
სუნელები და თურქული ტკბილეული ლამის ყველა კუთხესი იყიდებოდა.

Mta Mkvarebia · Post by **Mta Mkvarebia** » 08 ნოე 2010, 11:22

ნევშეჰირის მუზეუმში. მაშუქი გამოგვართვევინეს და ფოტოებიც შესაბამისია

ნევშეჰირის ციხე

გორეს პროვინციის მე-19 საუკუნის ეკლესია, რომელიც სემდგომ სატუსაღოდ გადაუკეთებიათ. ზოგი ცნობის მიხედვით გორეს პროვინციიდან იყო წარმოშობით წმინდა ნინო.

Mta Mkvarebia · Post by **Mta Mkvarebia** » 08 ნოე 2010, 11:28

შემდეგი მოსანახულებელი ღირშესანიშნაობა ორთაშისარის ციხეა. მივემართებით ციხისკენ:

ორთაშისარის ციხემ ყველა მოგვხიბლა. ნამდვილად შთამბეჭდავი რამ იყო

Mta Mkvarebia · Post by **Mta Mkvarebia** » 08 ნოე 2010, 11:40

ისევ სუვენირების, ამჯერად ანტიკვარიატის მაღაზია და ისევ მაიმუნობა. საქართველოში ასეთი საქციელისთვის მაღაზიიდან გამოგვყრიდნენ. იქ კი ერთი საყვედური არ დაცდენიათ. იციან კლიენტებს, ჩვენს შემთხვევაში საეჭვო კლიენტებს, როგორ მოექცნენ

)))

ისევ აღმოსავლური ტკბილეული

მერე მოგვშივდა და საშაურმეში შევედით

ისე ოსტატურად ამზადებდა და ახვევდა შაურმას სერთიფიცირებული (სერთიფიკატი კედელზე ეკიდა) მეშაურმე რომ შეგშურდებოდა

Iako. · Post by **Iako.** » 08 ნოე 2010, 11:46

ისევ მინდა კაბადოკიაში

თან თქვენთან ერთად

Mta Mkvarebia · Post by **Mta Mkvarebia** » 08 ნოე 2010, 12:01

მერე გიორემის ღია ცისქვეშ მუზეუმისკენ გავემარტეთ, მაგრამ დაკეტილი დაგვხვდა.

ამიტომ გვერდით მდებარე ტოკლი კილისეს ეკლესიასი შევედით ღვთისმშობლის ცნობილი ფრესკის სანახავად, რომლის მიხედვითაც ირაკლი ცინცაძემ "შენ ხარ ვენახი" დაწერა, ფრესკის კონტურები საქართველოს ისტორიული რუკის მოხაზულობას იმეორებს. მართლა გასაოცარი სანახავია. ფოტოების გადაღება არ შეიძლებოდა, მაგრამ იმდენად მინდოდა ფრესკის ფოტო მქონოდა, მაინც გადავიღე და გამომაგდეს კიდეც გარეთ. თუმცა დიდად არ მინაღვლია, მეორე დღესაც გვქონდა ეკლესიის მონახულება გეგმაში.

ორი წლის წინ ეკლესიებში მაშუქის გარეშე შეიძლებოდა ფოტოების გადაღება, მაგრამ ეტყობა მუზუმის მესვურებმა გადაწყვიტეს, რომ ტურისტების გადაღებული ფოტოები მათ ისედაც აყვავებულ ტურისტულ ბიზნესს საფრთხეს შეუქმნიდა, ამიტომ ფოტოების გადაღება ყველგან აკრძალეს, თუმცა დვალას მოხერხებულობის და მცველებისადმი მეგობრული ურთიერთობების წყალობით ფოტოების გადაღების უფლებას გვაძლევდნენ თუ ახლომახლო ტურისტები ან სხვა მეგზურები არ იყვნენ.

ამ აქლემების მეპატრონის ბიზნესსაც უშლიდა ეტყობა ფოტოების გადაღება ხელს, რადგან მისკენ მიშვერილი ფოტოაპარატის დანახვაზე კილომეტრიდან ყვიროდა : "დევუშკა, ნოუ ფოტოო" , მაგრამ ვის ესმოდა მისი? დაილოცოს "ზუმის" გამომგონებელი

. ამიტომ იყო "ნოუ ფოტო" და "ნოუ ფლეში" ჩვენი გასვლის კოდურ სიტყვებად რომ იქცა. ნუ სხვა კოდურ სიტყვებზე ხმა არ ამომაღებინოთ თქვენთვისაც ჯობია და ჩვენთვისაც.

))

მერე ფაშა ბარი ანუ ფაშას ვენახები (ფაშა ბაღლარი) მოვინახულეთ. თუმცა რადგან ბინდდებოდა იქ მოსვლაც ხელმეორედ, კარგი განათების პირობებში გადავწყვიტეთ.

შებინდებულზე დავბრუნდით სასტუმროში, რომლის შემინული აივნიდან დიდხანს ვუმზერდით ასეთ ხედებს

:

ასე დასრულდა ჩვენი მოგზაურობის მეორე დღე

qvevri · Post by **qvevri** » 08 ნოე 2010, 12:09

დავტკბი

Mta Mkvarebia · Post by **Mta Mkvarebia** » 08 ნოე 2010, 12:16

გათენდა მესამე დღე:

თბილისის დროით 8 საათზე, თურქეთის დროით კი 6 საათზე გავიღვიძეთ. ულამაზესი მზის ამოსვლა ვიხილეთ, უამრავი საჰაერო ბურთით. მზე ნელ-ნელა ამოიწვერა და უჩისარის ციხეს ოქროსფერი ფერი დაედო.

სანამ მუზეუმები გაიღებოდა (თურქეთის დროით 8 საათზე) და სანამ ვისაუზმებდით, გასეირნება და დერვენთის ხეობის მონახულება გადავწყვიტეთ, მანამდე უჩისარის ციხეც ღია დაგვხვდებოდა და იქაც შევიდოდით.

ესეც დერვენთის ხეობა, ცნობილი თავის ქვის ფიგურებით, რომელიც ბუნების მიერაა შექმნილი

Mta Mkvarebia · Post by **Mta Mkvarebia** » 08 ნოე 2010, 12:24

qvevri
მადლობა გიო, კიდევ ბევრი ფოტო მაქვს დასადები

Iako.
მეც, იაკო, დრო რომ გადის უფრო და უფრო მენატრება მაგ დღეები

ეს შენ

უჩისარის ციხეზე ავდივართ. მანდ ასასვლელად პატარა გვირაბი უნდა გაგვევლო:

ხედები ციხიდან

Mta Mkvarebia · Post by **Mta Mkvarebia** » 08 ნოე 2010, 12:43

ისევ ხედები უჩისარიდან

მერე დვალამ ციხესტან მდებარე ერთერთ მიწისქვეშა სუვენირების მაღაზიაში შეგვიყვანა, ადრე აქ თურმე ეკლესია ყოფილა

და მაღაზიის მეპატრონეს ფრესკების კვალი გაუმუქებია, მყიდველთა მოსაზიდად.

დავბრუნდით სასტუმროში სასაუზმოდ.

მერე ისევ ღირშესანიშნაობების დასათვალიერებლად გავემართეთ.

Mta Mkvarebia · Post by **Mta Mkvarebia** » 08 ნოე 2010, 13:00

შემდეგ კვლავ ღირშესანისანაოებების მოსანახულებლად გავემარტეთ. დერინქუის მიწისქვეშა ქალაქის და იჰლარას ხეობის მონახულება გვქონდა გეგმაში. გზად გორეს პროვინცია გავიარეთ და ის ეკლესია-სატუსაღო დავინახეთ წინა დრეს რომ მოვინახულეთ. ძალიან დავითრგუნეთ მაგ ეკლესიის მონახულებისას, საკურთხეველის ადგილას საპირფარეშო ჰქონდათ ამოჭრილი

(

ეს უკვე დერინქუის მიწისქვეშა ქალაქში ვართ, რომელიც გიორემიდან დაახლოებით 50 კმ-ითაა დაშორებული. კაპადოკიაში რამდენიმე მიწისქვეშა ქალაქია, მაგრამ დერინქუი ყველაზე გრანდიოზულია. 80 მეტრის სიღრმეში ხუთი სართულით დაბლა ჩავედით, ვნახეთ მიწისქვეშა ეკლესია, საჯინიბოები, საცხოვრებელი, ცხოველთა სადგომები. მოკლედ გრანდიოზული კომპლექსია თავისი იდეალური სავენტილაციო სისტემით, ისეთით, რომ მეგონა მთის ჰაერს ვსუნთქავთქო.

აქვე გადმოვიტან გვალვას მიერ სამომავლო გეგმებში დადებულ ფოტოს, რომელიც ამ ქალაქის გეგმას ასახავს:

Mta Mkvarebia · Post by **Mta Mkvarebia** » 08 ნოე 2010, 13:56

ქვესკნელიდან ზემოთ ამოვიხედეთ და დღის შუქი დავინახეთ

.

იმდენ ხანს გვეხვეწებოდა, იყიდეთ სუვენირებიო...

გზაში.

თოვლიანი მწვერვალი ერჯიესია, ჩამქრალი ვულკანი. სწორედ მისი ამოფრქვევის და შემდეგ წვიმის და ქარის ზემოქმედების შედეგად შეიძინა კაპადოკიამ ის სახე რაც დღეს აქვს.

ჩქაროსნულ მაგისტრალზე მორბენალები ვინმეს რომ დავენახეთ, იფიქრებდა, გიჟები არიანო. პრინციპში არც სეცდებოდა

.

Mta Mkvarebia · Post by **Mta Mkvarebia** » 08 ნოე 2010, 14:08

იჰლარას ხეობაშიც მივედით

ხეობის გეგმა:

წმ. გიორგის სახელობის ეკლესიისკენ მივემართებით. ეკლესია თამარ მეფის შვილიშვილის - გურჯი ხათუნის მიერაა აგებული მე-13 საუკუნეში. თურქებმა აბრა შეცვალეს და ზედ მხოლოდ თურქული დასახელება - კირკდამალტი დატოვეს.

გურჯი ხათუნის ფრესკა (წმ. გიორგის მარჯვნივ, ეკლესიის მაკეტით ხელში)

ქართული დროშაც ავაფრიალეთ ქართულ ეკლესიაში.

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS