მწვანე ტბა-ოქროს ციხე და ასპინძის რ/ნის ძეგლები, 23-24.10.10

Mta Mkvarebia · Post by **Mta Mkvarebia** » 28 ოქტ 2010, 12:12

უკვე ბნელდებოდა, ამიტომ ტბასთან დიდხანს არ გავჩერებულვართ და უკან დავიძარით, წინ ისევ 6 კილომეტრიანი მონაკვეთი გვქონდა გასავლელი. მალევე დაგვაღამდა და გზას ფანრების შუქით ვიკვლევდით, მაგრამ ხილვადობას ნისლი მაინც აუარესებდა და ხშირად გვიწევდა ტალახებში გატოპვა

.
მივაღწიეთ მინიბუსამდე, იქიდან კი ისევ დავეშვით ადიგენისკენ და ასპინძისკენ გავემართეთ. "ჩიკოში" დავბინავდით და დაღლილებმა ტკბილად დავიძინეთ. თუმცა მანამდე სულიკოს წამოღებული გემრიელი და შუშხუნა მაჭარი დავაგემოვნეთ, "კარავზეც" შევიჭყიტეთ რომ გაგვეგო რა ხდებოდა ოჯახში და ჩვენი დიდი ოჯახის კიდევ ერთი პაწაწუნა წევრის საბა ფიცხელაურის დაბადება შევიტყვეთ. ძალიან გაგვიხარდა და დავლოცეთ პატარა.
დილით გაგიკვირდებათ და

, მორიდებულმა "ადექით, ადექით" -მა გაგვაღვიძა (მორიდების მიზეზი სხვა, გვერდზე ოთახში დაბინავებული უცხოელი სტუმრები იყვნენ), რომელიც თანდათან გაძლიერდა და ოთახებში შემოვარდნით და ჩვენი ლოგინებიდან გადმოყრის მცდელობით დასრულდა

. რა თქმა უნდა, პროტესტი არ გამოგვითქვამს, ამ პროცედურის გარეშე ხომ ორდღიანი კარვული გასვლები უკვე ვეღარ წარმოგვიდგენია

ეს ლამაზი ვარდი საოჯახო სასტუმროს ეზოში გადავიღე.

საუზმის და ჩაბარგების შემდეგ გავუდექით გზას ვარძიისკენ.

Mta Mkvarebia · Post by **Mta Mkvarebia** » 28 ოქტ 2010, 12:16

მერე სანამ სხვები ვარზიაში ავიდნენ, მე ტომამ და ნაიამ გავისეირნეთ

Mta Mkvarebia · Post by **Mta Mkvarebia** » 28 ოქტ 2010, 12:20

გზიდან ვარძიის გამოქვაბულებს შეფენილ ჩვენს მეგობრებსაც ვხედავდით

მალე მზემაც გამოანათა და სულ სხვა ფერებით აბრდღვიალდა ირგვლივ ყველაფერი

Mta Mkvarebia · Post by **Mta Mkvarebia** » 28 ოქტ 2010, 12:29

Mta Mkvarebia · Post by **Mta Mkvarebia** » 28 ოქტ 2010, 12:36

ეს ის წარწერებია ვანის ქვაბების გუმბათიან ტაძარზე, რაზეც აქ ბევრი წერდა, აქამდე ვერ შევამჩნიეთო. რას შეამჩნევდით, ისეა დაჩხაპნილ-ამოკაწრული მართლა ვერ მოგხვდებოდათ ადვილად თვალში

.

Mta Mkvarebia · Post by **Mta Mkvarebia** » 28 ოქტ 2010, 12:42

დაბლა დავეშვით, მაგრამ სანამ ვანის ქვაბებს დავტოვებდით მისი ზედამხედველის მიერ სასოებით შეგროვილ თივის ზვინებზე ვიკოტრიალეთ და ფოტოები გადავიღეთ. თავიდან შევატყვე, არ მოეწონა ეს იდეა, მაგრამ დაცაცხანება აზრადაც არ მოსვლია, არ ვიცი რა თვალით შემოგვხედა და რატომ გაგვიმართლა ჩვენი წინამორბედებისგან განსხვავებით

ფოტოების დადებას მოგვიანებით გავაგრძელებ.

lama · Post by **lama** » 28 ოქტ 2010, 12:54

Mta Mkvarebia
ძალიან ლამაზი გასვლა გამოგსვლიათ

გაიხარეთ

რომელ სასტუმროში მოთავსდით?

avtokh · Post by **avtokh** » 28 ოქტ 2010, 13:34

კარგი გასვლა გქონიათ, ნისლთან და ნისლში სიარული საინტერესო იქნება

ხშირად გამიგონია, რომ გოდერძის უღელტეხილზე კლდეზე არქაული ხის ანაბეჭდია გამოსახული, თუმცა არსად მინახავს ამ ნაკვალევის ფოტო და ამ გასვლისას ხომ არ გინახავთ შემთხვევით?

Mta Mkvarebia · Post by **Mta Mkvarebia** » 28 ოქტ 2010, 14:28

lama

Mta Mkvarebia wrote:...ასპინძისკენ გავემართეთ. "ჩიკოში" დავბინავდით და დაღლილებმა ტკბილად დავიძინეთ....

avtokh
გოდერძის ურელტეხილზე მწვანე ტბის გადასახვევამდე არსად შევჩერებულვართ, მინიბუსიდან აბა რას დავინახავდით? მწვანე ტბის გზაზე კიდევ როგორი ნისლი იყო ფოტოებიდანაც ნახეთ

გავაგრძელეთ გზა თმოგვისკენ

თმოგვს რომ მივადექით გოგამ სულიკოს გზა ზემო თმოგვის ტაძრისკენ გააგრძელებინა. მაკენას მოწყობილ შარშანდელ ჯიპტურზე კი მქონდა თმოგვის ეკლესია ნანახი (თუმცა, ისეთი გაყინულები ვიყავით მანქანიდან სიბნელეში დაბლა ჩამოსვლა დაგვეზარა) მაგრამ მზის შუქზე ნანახმა ტაძარმა , მისკენ მიმავალმა დაკლაკნილმა გზამ და ხედებმა იქიდან სულ სხვა შთაბეჭდილება მოახდინა. რაც უფრო მაღლა ვიწევდით უფრო მეტს და მეტს ვხედავდით. ჯერ წუნდას ტაძარი დავინახეთ

მერე ჯერ ჯავახეთის ზეგანი გადაიშალა ჩვენს თვალწინ, მერე ნელ-ნელა ჯერ დიდი აბულის, შემდეგ მცირე აბულის მთაც გამოჩნდა და ცოტა ხანში სოფელი კუმურდოც დავინახეთ, სოფლის შუაგულში კი კუმურდოს თავწაკვეთილი ულამაზესი ტაძარი შევნიშნეთ, რომელიც ყოველ ნახვაზე მაოცებს

5-კილომეტრიანი მონაკვეთის გავლის შემდეგ ზემო თმოგვის ტაძარს მივადექით. ტაძარი წარწერებით და ჩუქურთმებით იწონებს თავს

Mta Mkvarebia · Post by **Mta Mkvarebia** » 28 ოქტ 2010, 14:29

Mta Mkvarebia · Post by **Mta Mkvarebia** » 28 ოქტ 2010, 14:34

გზაზე ბეკეკოები დავინახეთ და ატყდა ფოტოაპარატების ჩხაკუნი

Mta Mkvarebia · Post by **Mta Mkvarebia** » 28 ოქტ 2010, 14:43

უკანა გზაზე მინიბუსიდან ჩამოვედით და თმოგვის ციხისკენ ფეხით დავეშვით

Naia · Post by **Naia** » 28 ოქტ 2010, 14:44

avtokh wrote:კარგი გასვლა გქონიათ, ნისლთან და ნისლში სიარული საინტერესო იქნება
ხშირად გამიგონია, რომ გოდერძის უღელტეხილზე კლდეზე არქაული ხის ანაბეჭდია გამოსახული, თუმცა არსად მინახავს ამ ნაკვალევის ფოტო და ამ გასვლისას ხომ არ გინახავთ შემთხვევით?

გაქვავებული ტყე გოდერძის უღელტეხილზეა, მაგრამ არა ზედ გზაზე. ამისათვის, მანქანა უნდა გააჩერო და ფეხით აუყვე აღმართებს.

Mta Mkvarebia · Post by **Mta Mkvarebia** » 28 ოქტ 2010, 14:46

Mta Mkvarebia · Post by **Mta Mkvarebia** » 28 ოქტ 2010, 14:51

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS