ბანა, ჭულე, ზარზმა 2-3/10/10

[namcecuna]

მოგესალმებით ყველას

ბოდიშს გიხდით დაგვიანებისთვის და ძალიან მოკლედ მოგითხრობთ ამ გასვლის შესახებ, იმედია სხვები შეავსებენ ფოტოებით და შთაბეჭდილებებით

2 ოქტომბერს, დილის 7 საათზე აჭარასთან შეკრებილი 19 კარაველი და მათი პლიუსები წივწივამ და კიკიმ-მისმა დიიიდმა ძაღლუკამ-გაგვაცილეს ))

ქალაქიდან 8 საათზე გავდით და გავუდექით გზას ძალიან ლამაზი ზღაპრის შესახვედრად

საკმაოდ მხიარული და საკვებით დახუნძლული 2 საათიანი მგზავრობის შემდეგ შევედით ახალციხეში და დავათვალიერეთ რაბათის ძალიან საინტერესო მუზეუმი .

შემდეგ მოვინახულეთ ზარზმა, ჭულე და უამინდობის გამო-საფარას ნაცვლად გეზი ავიღეთ აბასთუმნისაკენ -სადაც დავბანაკდით კიდეც, ობსერვატორიის საოცარ ტერიტორიაზე.
ძალიან დიდი სურვილი გვქონდა ღამით თანავარსკვლავედები დაგვენახა ობსერვატორიის ტელესკოპიდან, მაგრამ მოღრუბლული ცა მთელი ძალისხმევით გვიწევდა წინააღმდეგობას, წვიმდა, წვიმდა, წვიმდა დაუსრულებლად.

დილის 9 საათზე გავეშურეთ ვალეს მიმართულებით და მზემაც გამოანათა

3 საათი გავიდა, სანამ ბანას მიმზიდველი და თბილი კონტურები გამოჩნდებოდნენ. იდგა ისევ ისეთი, მარტოსული, დაღლილი, მონატრებული, თითქმის დანგრეული და სტკიოდა, ძალიან სტკიოდა ყველა დაკარგული ლოდი და კენჭი, თითოეული მეტრი-ჩვენგან რომ აშორებდა... მძიმე იყო, ძალიან მძიმე და თბილი ის ძალიან მცირე დრო, რაც ბანას მოსაფერებლად გავატარეთ მის წიაღში...


ძალიან მიმძიმს ტაოზე საუბარი, წერა, კითხვა...

მრჩება მხოლოდ იმედი და სასწაულის მძაფრი მოლოდინი, რომ ადრე თუ გვიან, ჩვენ დავბრუნდებით, ის ძეგლები და მიწები დაბრუნდებიან და...

იქ საქართველო იგრძნობა... იქ საქართველოა და იქნება... მე ამის მჯერა



ფოტოები არ მაქვს, ამიტომ თემას გასვლის მონაწილეებს გადავულოცავ, გასალამაზებლად და გასამრავალფეროვნებლად


1. ნინი-ა
2. ნინი -ა +
3. ნამცეცუნა -
4. ნამცეცუნა +
5 .პატაჰპუტინა
6. პატაპუტნას + მაკა
7. Mari_kela
8. ნუსა
9. თამუნა_გუდარეხი
10. თამუნა_გუდარეხის + მაკა
11.თამუნა_გუდარეხის + თეო
12. დათო იამანიძე
13. L/F
14.კაპპა
15. KAKH-ELI
16. tusho+
17. tusho+ მარი
18. tusho+მარიშა
19. tusho+ხათო

დიდი მადლობა ყველას, ვინც იღებდა, ვერ იღებდა თუ არ იღებდა მონაწილეობას ამ გასვლაში


სულ გავლილი მანძილი 920 კმ .

მაპატიეთ თემის არასტანდარტულად გახსნა


p.s

ხედი ბანადან. ავტორი ნუსა ...

[tusho+]

namcecuna
ჩემი + თიკო ვინ იყო იქნებ გამახსენო, მე ვერ ვიხსენებ ვერავის

[namcecuna]

tusho+

ხოოო, ალბათ შემეშალა , მომწერე და ჩავასწორებ

[Teo_Giorgobistve]

შემოდგომის სიცივის მიუხედავად ორი არაჩვეულებრივი დღე იყო.

დიდი მადლობა ყველას.

თამუნა გუდარეხის+ თეო

[qvevri]

სულ ერთი სურათი გადაიღეთ

[tusho+]

Teo2011
გილოცავ შენს 1 პოსტს კარავზე

[tusho+]

[tusho+]

თამარ მეფე

[tusho+]

ამ გუმბათზე (ახალციხე) ნახევარმთვარის სიმბოლოს გრიგოლ ორბელიანი 5 საათი უმიზნებდა ზარბაზანს და ბრძოლის წინ ერთი გასროლით ჩამოხსნა ზარბაზნით.


ზარზმა


ჩვენ ზარზმაში


ჭულეს მონასტერი

[tusho+]

ჭულეს მონასტერთან პატარა ლამაზი ჩანჩქერი




ჭულე ზემოდან

[tusho+]

ღამე აბასთუმანში დავრჩით, პირველად გავატარე ღამე კარავში. საშინლად შემცივდა!!!!! იმედია შემდეგი კარავში ძილი უფრო "ტკბილად" გამახსენდება


გავიარეთ პატარა დაბა თუ სწორედ მახსოვს გულე თუ რაღაც ერქვა, ყავა ვერსად დავლიეთ თუმცა ჩაი რამდენიც გვინდოდა.


საჩაიეში ვიღაც ბავშვი ტუფლებს წმენდით იყო დაკავებული


ეს ამ დაბის "რუსთაველია". მთავარი ქუჩა

[tusho+]

ბანას ირგვლივ



ბანა

[tusho+]

ბანას გარშემო ლამაზი ხედებია ძალიან. არის დიდი კლდეები და არის სიმწვანეც, მთებიც მდინარეც. და ოდესღაც ეს გრანდიოზული ეკლესიაც ამშვენებდა აქაურობას.



ეს შედარებით შემონახული კედელია. დერეფანი გადის კედლებს შორის


რათქმა უნდა სანთელიც დავანთე




ესეც ჯგუფური ფოტო




ბანას დავემშვიდობეთ დროებით


გზაში გაწვიმდა და ცისრტყელები გვაცილებდნენ მთელი გზა საზღვრამდე


ვალეს გამშვები პუნქტი 8 საათამდე მუშაობს, ჩვენ 19:55-ზე მივედით, რომ არ მიგვესწრო ღამის თენება საზღვრის იქით მოგვიწევდა. აქ ეს ეს არის ვკვეთთ საზღვარს. ლამაზი მოგზაურობა იყო

[namcecuna]

საინტერესოა, რა სჭირს ამ თემას

[Iako.]

ყოჩაღ, თუშო, ყოჩაღ
რამდენი დღეა ველოდები (თ) რეპორტაჟს და შენ იყოჩაღე.
როგორც მივხვდი ბანასთან არ გაგითევიათ ღამე არა?
გეხვეწებით დაწვრილებით აღწერეთ რააა და ბევრი სურათი დადეეეეთ