ზემო ხოდაშენი, ნეკრესი და ყაყაჩოები, 12.05.2010

[GAMARJOBA SAKARTVELO]

1. რეგიონი:
კახეთი, ახმეტა (ზემო ხოდაშენი)-ყვარლის (ნეკრესი) რაიონები

2. მარშუტის დასახელება:
თბილისი-თელავი-ზემო ხოდაშენი-გრემი-ნეკრესი-თბილისი

3. ხანგრძლივობა:
1 დღე

4. სირთულე:
მარტივი

5. გასვლის, ლაშქრობის ღირებულება
200 ლარი მინიბუსისთვის.
12 ლარი მგზავრზე

6. მონაწილეთა რაოდენობა
19, აქედან 1 მცირეწლოვანი

7. გასვლის, ლაშქრობის 2განიზატორი
GAMARJOBA SAKARTVELO

8. დანიშნულების პუნქტთან უახლოესი დასახლებული პუნქტი:
ზემო ხოდაშენი - აწყური, იყალთო
ნეკრესი - შილდა, გრემი, ყვარელი

9. მარშრუტის სიგრძე ტრანსპორტით:
389 კმ

10. ფეხით გავლილი მანძილი:
2 კმდე ნეკრესთან

11. სანახავი და ყურადღებამისაქცევი ადგილები:
ზემო ხოდაშენი - ციხე-კოშკი მარან-საწნახელით, ბაზილიკა
ნეკრესი -კომპლექსში შემავალი ტაძრები, მარანი, კოშკი, საძვალე

12. საბანაკე ადგილები:
ტყის პირებთან

13. სასმელი წყალი მარშრუტზე:
ზემო ხოდაშენი - სოფელში
ნეკრესი - ნეკრესის ახალ ტაძართან, მთავარი აღმართის დასაწყისში, სადაც მაგიდებიც დგას, აგრეთვე, მონასტრის ეზოში

14. საჭირო აღჭურვილობა, რჩევები:
მონასტრისთვის შესაფერისი ჩაცმა

15. გასვლისთვის, ლაშქრობისთვის საუკეთესო დრო
ნებისმიერი დრო

16. რისკები, საფრთხეები:
ზემო ხოდაშენი არაფერი
ნეკრესი - მონასტერთან ახლოს მცირე ოდენობის გველი ბინადრობს

17. უახლოესი ღირსშესანაშნავი ადგილი, რომელიც დროის გახანგრძლივების
შემთხვევაში, შეიძლება, ამ გასვლისას ინახოს
იყალთო, აწყურის თეთრი გიორგი, შიოს მარანი, ხოლო გრემი და გავაზი ნეკრესთან

18. პირობები სხვა და სხვა აქტივობისთვის
თევზაობა ალაზანსა და დურუჯში

19. პირობები ფიჭური კავშირგაბმულობისთვის:
შეუფეხებლად მუშაობს ყველა ქსელი.
იშვიათად უჭირს მიღება ნეკრესის აღმართზე

20. სასარგებლო საკონტაქტო ინფო
სოფლის მკვიდრნი

21. რუკა, ჯი-პი-ეს-მონაცემები


22. სიმაღლე ზღვის დონიდან
ყველაზე მაღალი ნეკრესთან იყო - 540-580ის ფარგლებში

23. გასვლის, ლაშქრობის შეფასება 10ბალიანი სისტემით
8,5

24. სასარგებლო ბმულები
დაგეგმვის თაობაზე:
http://www.karavi.caucasus.net/viewtopi ... 98&start=0

http://www.karavi.ge/viewtopic.php?t=1503

[GAMARJOBA SAKARTVELO]

გასვლის მონაწილეები:

1. Ledi
2. +მაია
3. +ალეკო
4. + მე2 მაია
5. დათო
6. კონსტანტინე
7-8. მელექსა+ლევანი
9-10. GAMARJOBA SAKARTVELO და მისი +
11. di_onise
12. nataliko-nataliko
13. იაკო
14. karavi 87
15. მთა მყვარებია
16. თამარი-ხევი
17. ნოდარშო
18-19. თამარი-ხევი+2

[GAMARJOBA SAKARTVELO]

12 ვარდობისთვე დასვენების დღეა. ანდრია პირველწოდებულის შემოსვლის დღეა.
საბედნიეროდ, ყველა დროულად მოვიდა.
გზად ბადიართან გავჩერდით და ყაყაჩოებით მოწითლებულ მინდორში შევცვივდით.
შემდეგ კაჭრეთშ გავცდით და კიდევ უფრო დიდი წითელი მინდორი დაგვეხატა.
ახლა იქ იწყეს ჩვენმა ფოტოაპარატებმა ჩხაკუნი.
ამის გამო, ზემო ხოდაშენში გვიან ჩავედით.
ეკლესია და გვერდით მდგომი საწნახელ-მარნიანი ციხე-კოშკი ვნახეთ.
იქვე ახლოს პოლიციელი ცხოვრობს. ვანო ჰქვია. იმისთანა საფერავით გაგვიმასპინძლდა,
რომ სულ იფ-იფ გვაძახებინა.
3 სთ იქნებოდა, ნეკრესის გზას რომ გავუდექით.
უკვე 1 წელიწადია, მონასტერთან მისასვლელ გზას რომ აკეთებენ და მთელ ინფრასტრუქტურას აწყობენ.
ამის გამო საშინელი მტვერი დგას.
აღმართი მტვერსა და მძიმე მანქანების გამონაბოლქვების შესუნთქვით ავიარეთ.
იქაც დიდ ხანს დავყევით. მონასტრის აღმართის დასაწყისშივე, სადაც ახალი ეკლესია აიგო, წყაროა და მაგიდები დგას.
წავიხემსეთ.
აქედან კი ნეკრესის ნაქალაქევში გადავედით.
ამ დროისთვის მზე შვეულის კიდეებსღა ანარინჯისფერებდა.
დაახლოებით 11 სთზე თბილისში ვიყავით.
მართლაც, შესანიშნავი გასვლა იყო.
ნოდარშოს დაბადების დღე დაემთხვა, სრულიად შემთხვევით გავიგეთ და მას შემდეგ :რა ლამაზი დღეას: მღერა არ გაჩერებულა.

[GAMARJOBA SAKARTVELO]

იმის გამო, რომ ნეკრესში დიდ ხანს დავყავით, ყაყაჩოებსაც დიდ ხანს ვიღებდით, ყვარლის ციხის ნახვა ვერ მოვასწარით.
თუმცა, საამისოდ სხვა გასვლა გვექნება

[GAMARJOBA SAKARTVELO]

ზემო ხოდაშენი

[GAMARJOBA SAKARTVELO]

ნეკრესის მონასტერი


ნეკრესის ნაქალაქარის მცირე ნაწილი

[GAMARJOBA SAKARTVELO]

ყაყაჩოების ველები

[karavi87]

ვაგრძელებთ რეპორტაჟს...

[qvevri]

ეს კოშკ-მარანი თავისი შინაარსით ერთ-ერთი საინტერესოა საქართველოში. იგი ერთდროულად წარმოადგენს ბერის საცხოვრებელს ანუ მონასტერს, მარანს თავის 20-მდე ქვევრითა და ორი საწნახლით წითელი და თეთრი ყურძნის დასაწურად, თავდაცვითი (ლეკები...) სათოფურებით, სალოდეებითა და(ამჟამად ამოშენებულია) ქონგურებითა და ბოლოს თავისი გრანდიოზულობით. ამავე მარანთან გახლავთ ქართულ მევენახეობაში ერთ-ერთი განთქმული ადგილი ე.წ. "ბერების ზვრები", სადაც მოიწევდნენ განსაკუთრებული ხარისხის ყურძენს, რომლისგანაც აყენებდნენ ასევე მაღალი ხარისხისა და ღირსების ღვინოს. ასეთი მარნები სულ თითზე ჩამოსათვლელია საქართველოშ. ამისთანა მარანი მაგალითად დგას ასევე რუისპირშიც, აგერ ისიც:

რუისპირის მარანი, შეიძლება ითქვას, რომ გარკვეულწილად ანალოგსაც კი წარმოადგენს ზემო ზოდაშენის მარნისა, თუმცაღა გარკვეული სახესხვაობებით, მაგრამ მაინც. იქაც ვხვდებით ორ საწნახელს, თავდაცვით ელემენტებს, როგორებიცაა სათოფე-სალოდეები, ქონგურები, მარანი..., ამის გარდა ზემო ხოდაშენის კოშკ-მარანის ანალოგიურად რუისპირის კოშკ-მარანსაც გააჩნია მარანზე რამოდენიმე სართულიანი მინაშენი. აღსანიშნავია, რომ, როგორც ჩანს იმხანად თავდაცვითი კოშკის მიშენება ხდებოდა არა უშუალოდ საცხოვრებელ სახლებზე, არამედ მარნებზე... ეს კი იმაზე უნდა მიუთითებდეს, რომ მთავარი სიმდიდრე ინახებოდა არა "მუთაქებში" არამედ მარანში! მარანი ზოგადი განმარტებით არის: ადგილი, სადაც იწურება ყურძენი, მზადდება და ინახება ღვინიო. მარანი წარმოადგენს წმინდა ადგილს, ქართული მარანი ქვევრებიანია! ამ სიტყვას აქვს მეორე განმარტებაც: ღვინის განსხვავებული სასმისი, რომელსაც ზედა მხრიდან, წრიულად დამაგრებული აქვს რამოდენიმე მომცრო და ერთიდაიგივე ზომის ღვინის ჭიქის, ქვევრისა თუ სხვა ფორმის ჭურჭელი, გააჩნია ზიარჭურჭელის პრინციპი. აგერ ბატონო მაგალითად:

მოკლედ ერთობ საინტერესო გასვლა გქონიათ და გული დამწყდა, რომ ვერ წამოვედი.
ამ მცირედ წერილს ვასრულებ კოშკ-მარანის გრაფიკული ვარიანტით

[qvevri]

ტაძარზე ორი რარწერიანი ქვაა და???? არა მე კი მაქვს გადაღებული, მაგრამ ...

[Iako.]

რა კარგი გასვლა იყო "შენი გულისაა ":)

[Mta Mkvarebia]

გოგა,
კარავი87,
ქვევრი

რა ყოჩაღები ხართ!
გიო, ნამდვილად გვაკლდი.

მართლა კარგი გასვლა იყო, შენი გულისა
მიხარია რომ წავედი, თორემ მერე სინანულით მოვკვდებოდი

ესეც რეპორტაჟი:

შევიკრიბეთ "რედისონთან" და გავუდექით გზას კახეთსკენ. გოგას შეპირებული სურპრიზი სოფელ კაჭრეთთან ყაყაჩოს ველების მონახულება ყოფილა. პირველი მინდორი 3-ოდე დღის წინ მოვინახულე პირველად. მაშინ გული დამწყდა რომ ყაყაჩოების გვირგვინის გაკეთება არ გამახსენდა, უფრო სწორედ დასაკრეფად დამენანა ყვავილები, მაგრამ ეს გამოყოლილი იდეა იმ დღეს განვახორციელე .

მე და იაკო ყაყაჩოების გვირგვინს ვაკეთებთ


ყაყაჩოებზე რომ ჭკუა მეკეტება უკვე იცით



ამათაც ნაყვარებათ
იაკო

[Mta Mkvarebia]

ვინ წარმოიდგენდა რომ ამასაც ნაყვარება?
თუმცა მის ჯენტლმენობაში ეჭვი ვის ეპარებოდა?







დაგვხოცა სიცილით, წაშალეო, მაგრამ ამ კადრს როგორ წავშლიდი?

[Mta Mkvarebia]

ვერ შეველიე გვირგვინს და ისევ თავზე დავიმხე





ირგვლივ იმდენი ყაყაჩო იყო, თვალები მიჭრელდებოდა

[Mta Mkvarebia]

მერე მეორე უფრო დიდ მინდორზე გავჩერდით. აქ ხომ 10-ჯერ მეტი ყაყაჩო ყვაოდა