უ "დონ-ლამა" ზესი - სვანეთის ტური

keto · Post by **keto** » 22 მაი 2009, 17:50

lama
აჰა, სახელი არ ვიცოდი, ჩვენ ბეჩოდანვე ფეხით ავედით მანდ

გზაც ძალიან ლამაზია და ჩანჩქერი ხომ საერთოდ

აუ, მართლა სადა ამდენ ხანს სურათები რაა, ვირტუალურად მაინც ვეწვიოთ იქაურობას

GAMARJOBA SAKARTVELO

ყოჩაღ თქვენ.
ლამა, როგორ უხდება თემებს შენებური
გემრიელი და ცნობასავსე თემები, რა.
ახლა, იმედია, ალექსიც გააგრძელებს რეპორტჟს კგ ფოტოებით.
1 კითხვა მაქვს, სულ მალე მე ვაირებ სვანეთში წასვლას.
ჰომ არ იცი, მესტია-უშგულის გზაზე რა მდგომარეობაა?
გზა დაკეტილია?
თქვნ რატომ ვერ ახვედით?
გასაგებია, რომ ალექსის "მურანო" ბოლო 20-25 კმს ისედაც ვერ გაივლიდა, მაგრამ მესტიაში
2ხიდიანები ჰომ ქირავდება?

გვალდა · Post by **გვალდა** » 24 მაი 2009, 20:45

წინა გვერდზე რომ ფოტოა უშგულია და...

lama · Post by **lama** » 24 მაი 2009, 22:26

გაგრძელება

18.05.09
19.05.09

"დილა გათენდა ლამაზი კეკლუცის თვალებს ჰგვანობდა"

გავემზადეთ უშგულში გასამგზავრებლად.
დონის "შავლეგოთი" ასვლას ვერ შევძლებდით, რადგანაც არ ღირდა გარისკვა და გადავწყვიტეთ ბიძაჩემის მირიან კვიციანის ნივით ავსულიყავით ევროპის უმაღლეს დასახლებულ პუნქტში, რომელსაც სახელად რატომღაც "უშგულს" ვუწოდებთ

გავედით დილის 10:00 საათზე.

გზა უშგულამდე უპრობლემოდ გავიარეთ

თავდაპირველად შევედით სოფელ მულახში, წვირმის უღელტეხილის გადავლის შემდეგ აღვმოჩნდით ენგურის ხეობაში (ცნობისთვის ენგური მესტიაში არ ჩამოდის

მესტიაში ორი მდინარე მოედინება 1) მესტიისჭალა და 2) მულახისჭალა

)შევედით სოფელ იფარში და მოვინახულეთ იფარის უძველესი ეკლესია ("ნაკიფარი"). გავცდით სოფელ იფარს და სანამ სოფელ კალაში შევიდოდით მოვინახულეთ ქურდიანების კოშკი, რომელიც ქვაზეა ამოზრდილი და მდინარე ენგური ულოკავს ძირს.

ავედით სოფელ კალაში და ლაგურკას (წმ. კვირიკეს) ეკლესიას შორიდან გადავუღეთ ფოტოები...

...და ავედით უშგულში*...

ლამარიას სამონასტრო კომპლექსის მონახულების შემდეგ, კშიშტოფმა და ჯუსტინამ გადაწყვიტეს წასულიყვნენ, მწვერვალ, შხარის ძირში და დაკვირვებოდნენ იქაურ გარემოს გასაოცარსა და გასაშტერებელს... მე, დონმა და ბიძაჩემმა გადავწყვიტეთ დავლოდებოდით ლამარიას კომპლექსთან. 4 საათის შემდეგ ისინიც მოვიდნენ, საოცრად გახარებულნი

შთაბეჭდილებები გაგვიზიარეს და ჩავედით საოჯახო სასტუმროში, კერძოდ ბონდო ნიჟარაძის ოჯახში (საკონ. ინფ. იხილეთ ამ თემის პირველ წერილში

)

სასტუმროში მისვლისას, ჩვენმა პოლონელმა მეგობრებმა გადაწყვიტეს მოენახულებინათ თამარ მეფის საზაფხულო კოშკები** გადაწყვიტეს და განახორციელეს კიდეც, თანაც გზაში მაჩვი დაინახეს და ფოტოც გადაუღეს

შებინდებისას დაბრუნდნენ. ვივახშმეთ და დავწექით... ღამე თურმე მწარედ ვხვრინავდი და დონს გავუღვიძებივარ მეც მიპასუხია რაღაც მაგრამ არ მახსოვს არაფერი... ეტყობა მთვარეულობაც დამჩემდა

დილა გათენდა საოცარი, თუ წინა დღეს შხარა არ ჩანდა ახლა იგი მთელი თავისი დიდებულებით წარმოგვიდგა და დაგვცქეროდა, როგორც უდიადესი სიდიადური მედიდურება

ავდექით ამ უდიადეს სიდიადურ მედიდურებას*** გადავუღეთ ფოტოები და გამოვემგზავრეთ მესტიისაკენ... გამოვიარეთ კალა, იფარი, წვირმის უღელტეხილი (დავინახეთ ორკუზიანი უშბა:D), მულახი და ჩამოვედით მესტიაში დაახ. 3 საათზე

მე მიმიყვანეს სახლში, დონი; მირიანთან (ბიძაჩემი), კშიშტოფთან და ჯუსტინასთან ერთად წავიდა მესტიის ზემოთ ალპურ მდელოებზე სასეირნოდ. ისეირნეს, ფოტოები გადაიღეს და საღამოს 8 საათზე დაბრუნდნენ სახლში. სანამ ისინი ჩამოვიდოდნენ მთიდან მე და ჩემმა პატარა ბიძაშვილმა გიორგიმ დონის "შავლეგო" გავაშავეთ ანუ ნაცრისფერი (მტვრისფერი) იყო და თავის ფერზე დავსვით ანუ გავრეცხეთ

:D:D:D:D

ვივახშმეთ ვიმუსაიფეთ და ადრე დავწექით რათა მეორე დღეს დილით 6 საათზე ავმდგარიყავით და წამოვსულიყავით უკანა გზაზე ანუ თბილისში

გაგრძელება იქნება

ნ---------------------------------------------------
უშგული*-ევროპის ყველაზე მაღალი დასახლებული პუნქტი, მდებარეობს ზღვის დონიდან 2200 მეტრზე ულამაზესი მწვერვალის შხარას (5068 მ.) ძირში. უშგული რეალურად წარმოადგენს თემს სადაც შესულია რამდენიმე მცირე სოფელი:
1)მურყვმელი (მურყვ-კოშკი)
2)ჩაჟაში (ჩაჟ-ცხენი)
3)ჩვიბიანი (ჩვიბ-ქვემო)
4)ჟიბიანი (ჟიბ-ზემო)

**თამარ მეფის საზაფხულო კოშკები- გადმოცემით თამარ მეფე სოფელ უშგულში ადიოდა და იქ ისვენებდა ზაფხულშიც და ზამთარშიც (უშგულში არის ასევე თამარ მეფის ზამთრის კოშკები) საინტერესოა რომ ვიტორიო სელას ფოტოკადრებში უშგულის საზაფხულო კოშკები უფრო მეტია დაფიქსირებული, კერძოდ 5 კოშკი, მაგრამ ახლა მხოლოდ ერთი კოშკი დგას მხოლოდ და გალავნის ნანგრევებიღაა შემორჩენილი

უდიადეს სიდიადურ მედიდურებას***- იგულისხმება შხარა

keto · Post by **keto** » 25 მაი 2009, 00:23

lama
1. 'სანამ სოფელ კალაში შევიდოდით მოვინახულეთ ქურდიანების კოშკი, რომელიც ქვაზეა ამოზრდილი და მდინარე ენგური ულოკავს ძირს'

ამ კოშკთან დაკავშირებით რაღაც რომანტიკულ-ტრაგიკული ლეგენდა მომიყვა მეგზურმა, მაგრამ სამწუხაროდ აღარ მახსოვს

შენ ხომ არ იცი?

2. TV-ში თქვეს გუშინ ამ სეზონზე ლატალამდე გზა გაკეთდებაო, მიდის სადმე რამე სამუშაოები?

lama · Post by **lama** » 25 მაი 2009, 00:37

keto wrote:lama
1. 'სანამ სოფელ კალაში შევიდოდით მოვინახულეთ ქურდიანების კოშკი, რომელიც ქვაზეა ამოზრდილი და მდინარე ენგური ულოკავს ძირს'

ამ კოშკთან დაკავშირებით რაღაც რომანტიკულ-ტრაგიკული ლეგენდა მომიყვა მეგზურმა, მაგრამ სამწუხაროდ აღარ მახსოვს შენ ხომ არ იცი?

2. TV-ში თქვეს გუშინ ამ სეზონზე ლატალამდე გზა გაკეთდებაო, მიდის სადმე რამე სამუშაოები?

ლეგენდას მოგვიანებით დავწერ

ხოლო გზის მშენებლობას რაც შეეხება
გეტყვი, რომ ამ წლის ბოლომდე ლატალიდან მესტიამდე ანუ 15 კილომეტრიან მონაკვეთს აშენებენ და ეს მშენებლობის პროცესი უკვე ინტენსიურად მიმდინარეობს, რაც ძალიან გასახარია

lama · Post by **lama** » 25 მაი 2009, 20:59

20.05.09

დილით მე და დონი 6 საათზე ავდექით ჩაი ავადუღეთ და გავემზადეთ წასასვლელად... ზურგჩანთები მოვათავსეძთ მანქანაში და პოლონელი მეგობრებიც გამოვიდნენ უკვე გამზადებულნი

სამახსოვრო ფოტოები გადავიღეთ, ჩავჯექით მანქანაში და დავაწექით თბილისისკენ... გზად სოფელ ეცერში უნდა შეგვეარა და წყალი აგვევსო (დონი დედამისს შეპირდა შენი სოფლიდან წყალს წამოგიღებო) გავიარეთ ეცერში მივედით ეცერიუს კოშკთან, რომელიც დადეშქელიანების კოშკად იწოდება და რომელიც ყველაზე მაღალია მთელს სვანეთში, გადავუღეთ ფოტოები და გამოვემგზავრეთ თბილისისკენ...

ხუთი საათის მერე უკვე ჩამოვედით ზუგდიდში, სენაკი, ოდიში და გადმოვედით იმერეთში და შევედით გრიგოლ ხანძთელის მიერ აგებულ მონასტერში, რომელსაც ჩვენ უბისას ვუწოდებთ, დავათვალიერეთ და წამოვედით აღმოსავლეთისკენ

ჩავედით ხაშურში, სადაც კშიშტოფს და ჯუსტინას დავშორდით, ისინი ახალციხეში წავიდნენ, ჩვენ კი თბილისამდე უნდა მოგვენახულებინა კიდევ 4 ტაძარი:

1) წრომი
2) ურბნისი
3) რუისი
4) სამთავისი

წრომში მივედით და ვნახეთ IX საუკუნის უნიკალური საკათედრო ტაძარი, რომელიც ეპოქალური ძეგლია და სადაც პირველად ქართულ საეკლესიო არქიტექტურაში დამკვიდრდა სტილი ოთხ ბოძზე დაყრდნობილი გუმბათისა და აღმოსავლეთის ფასადის ექსტერიერის სტილიზებური ფორმისა, რომელი ფორმებიც შემდგომ ძეგლებში უკვე მყარად არის დამკვიდრებული. საოცრად ლამაზი ტაძარია ამ ტაძარში ქრისტიანული რწმენისთვის, რაჟდენ პირველმოწამე აწამეს.

შემდეგი ტაძარი, რომელიც მოვინახულეთ ეს იყო ურბნისის მონასტერი

მერე კი რუისი ვნახეთ სადაც ჩვენდა სასიხარულოდ რესტავრაცია მიმდინარეობს

რუისის მერე კი მოვინახულეთ ულამაზესი სამთავისის მონასტერი

ტაძრების მოლოცვის შემდგომ კი გამოვემართეთ თბილისში და ევროპიუს მოედანზე ერთმანეთს დავცილდით მე და მისტერ დონი

დიდი მადლობვა დონს ამ ლამაზი გასვლის ერთ-ერთ ორგანიზატორს

"დასრულდა ესე ამბავი, ვითა სიზმარი ღამისა"

keto · Post by **keto** » 25 მაი 2009, 22:33

ეჰ ამბავი კარგი იყო, მშვენიერიც

მაგრამ ფოტოები?!

Shanshika · Post by **Shanshika** » 26 მაი 2009, 00:56

უ "დონ-ლამა" ზესი - სვანეთის ტური

ჯერ მარტო სახელით მოვიხიბლე ...და ისე წარმომიდგენია რა მაგარი იქნებოდა ...

lama · Post by **lama** » 27 მაი 2009, 21:16

სად ხარ დონ

Don · Post by **Don** » 30 მაი 2009, 11:11

lama

ჯერ არ ვარ მზათ ...

:):)

lama · Post by **lama** » 31 მაი 2009, 19:23

Don wrote:lama

ჯერ არ ვარ მზათ ...

:):)

იმედი მაქვს მალე მზად იქნები

e.k.a.t.e.r.i.n.a · Post by **e.k.a.t.e.r.i.n.a** » 31 მაი 2009, 19:36

კაი გამარჯობა თქვენი, კეთილო ხალხო

ზუსტად 3 წელია, ან მეტი აქ არ შემოვსულვარ, 217 გვერდი ახალი გამოხმაურებები დამხვდა

აი ამ თემამ შემომიყვანა, ლამას სკაიპში ციმციმებდა და ლინკს შემოვყევი:)
წავიკითხე და მგონია რომ მეც ვიყავი თქვენთან ერთად, ჯერ წასვლა ხომ საქმეა და ამის დაგეგმვა (ფაქტიურად პატარა პროექტი დაგიწერიათ თავისი სვოტ ანალიზით

) და მერე გადმოცემა კიდევ ცალკე ამბავია

))

გკოცნით , გეხვევით:) და მეც წამიყვანეთ (კიდევ ერთხელ

)

lama · Post by **lama** » 07 ივლ 2009, 23:07

მოკლედ დავიწყებ ფოტოების დადებას და იმედი მაქვს მალე დონიც შემომიერთდება და ეს რეპორტაჟი უდონლამაზესად გაგრძელდება

აი ასე ვისხედით მანქანაში

ჩავედით და ბიძაჩემს - მაიზერ კვიციანს შევხვდით სოფელ ბეჩოში

ლამაზი შეხვედრა იყო ჩემს ბავშვობასთან

lama · Post by **lama** » 07 ივლ 2009, 23:09

დონის შავლეგო

დონი და თავისი შავლეგო დეიდაჩემის ეზოში სოფელ მაზერში

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS