წვერის წმინდა გიორგი - ბეთანია 17-18-19.04.09

z g a r b i · Post by **z g a r b i** » 21 აპრ 2009, 22:05

GAMARJOBA SAKARTVELO wrote:
წვერიდან ბეთანიამდე როგორ იარეთ?

ტყის ბილიკები არ ვიცოდით, ტრასაზე გავედით და სამადლოს გავლით ბეთანიის გადასახვევთან მივედით და იქიდან დავეშვით კლაკნილ გზებზე

Int3lig3nt · Post by **Int3lig3nt** » 22 აპრ 2009, 20:49

ცეცხლი ადვილად ავაგუზგუზეთ...
შეშაც დაგვახვედრა ვიღაც მადლიანმა და ამინდიც შესანიშნავი დაგვიდგა.

სუფრა გავშალეთ და გემრიელად მივირთვით.
ერთი ეგაა, სიცივის მიუხედავად, ალკოჰოლზე არ იყო მოთხოვნა.
მხოლოდ ლუდი დავლიეთ.

ვახშმის მერე ცეცხლთან ვთბებოდით.

უკომენტაროდ...

ნახეთ რა გემრიელად მიირთმევს მონადირულს.

ცეცხლთან ვისხედით და ჯერ ერთჯერადი თამაში ვითამაშეთ (ფოტოების დადება არ ღირს

), მერე გაფუჭებული ტელეფონი.

შემდეგ საშიში ისტორიების მოყოლა ვცადეთ, მაგრამ არ გამოგვივიდა.
ალაგ-ალაგ მგლებსაც ვახსენებდით...

11 საათამდე ვისხედით ასე.
შემდეგ საძილეების გათბობა მოგვაფიქრდა.

სუფრა ავალაგეთ და კარვებში შევძვერით.

Int3lig3nt · Post by **Int3lig3nt** » 22 აპრ 2009, 21:12

ღამე წვიმის ხმამ გამაღვიძა.
გამიხარდა, წინასწარ რომ გადავაფარე ცელოფანი... იმ წვიმაში კარვიდან გამომსვლელი არ ვიყავი

.
ცოტა ხანში ისევ ჩამეძინა იმ იმედით, რომ მალე გადაიღებდა წვიმა.
მართლაც, მეორე გაღვიძებაზე აღარ წვიმდა და მშვიდად დავიძინე.
მესამე და შემდეგ გაღვიძებაზე კი წკაპაწკუპი გაუდიოდა კარავს.
დილამდე ასე რამდენჯერმე გამეღვიძა და ნერვებზე ვიშლებოდი თავსდატეხილ ავდარზე.

არადა ცეცხლთან რომ ვიჯექით, ვარსკვლავებით მოჭედილი ცა გვეხურა თავზე :S.

დილით რომ გავიღვიძე, კვლავაც წვიმდა.
ცოტა ხანში გვერდით კარვიდან წუწუნის და კამათის ხმა გამოვიდა. როგორც გავარკვიე, წყალი ჩასვლიათ და იქვე მდინარეებად მიედინებოდა

.

არც ჩვენ დაგვდგომია კაი დღე. ზემოდან წყალი წვეთავდა და საძილეც რამდენიმე ადგილას დაგვისველდა.
მანამდე კი დაღმართზე დავსრიალებულვართ დაბლა და კარვიდან გამიყვია საძილიანი ფეხები. იქაც კარგა გვარიანად დასველდა.

მერე ვიღაცა იძახდა, თოვლი მოდისო და არ დავიჯერე.
თურმე სიმართლე ყოფილა

.

მოკლედ, არასახარბიელო მდგომარეობაში აღმოვჩნდით.
ასე თოვდა შუადღემდე და კარვებიდან გამოსვლა არ გვინდოდა.
თუმცა მდინარეებმა რომ იმატა და ჩვენი საძილეებიც ალაგ-ალაგ გაიჟღინთა, სხვა გზა აღარ გვქონდა.
ჩავიცვით და გამოვძვერით კარვებიდან.

აი ასეთი სურათი დაგვხვდა:

ესეც თეო სველ კარავში:

ერთ-ერთ შედარებით მშრალ კარავში შევძვერით და ვისაუზმეთ.
თითო ჭიქა არაყიც დავლიეთ ამინდის ჯინაზე.

შემდეგ წვალებ-წვალებით ავშალეთ კარვები და პანტიანისკენ გავუყევით გზას.

z g a r b i · Post by **z g a r b i** » 22 აპრ 2009, 21:19

Int3lig3nt wrote: ცეცხლთან ვისხედით და ჯერ ერთჯერადი თამაში ვითამაშეთ (ფოტოების დადება არ ღირს )

სად კოცნიდით ერთმანეთს (და თეოს) ა?

Int3lig3nt wrote:

მანამდე კი დაღმართზე დავსრიალებულვართ დაბლა და კარვიდან გამიყვია საძილიანი ფეხები. იქაც კარგა გვარიანად დასველდა.

და ფეხებთან დალაგებული ჩემი "ბატინკებიც" გარეთ გაყარე მაგ ფეხებით

teo- · Post by **teo-** » 22 აპრ 2009, 21:20

z g a r b i

სად კოცნიდით ერთმანეთს (და თეოს) ა?

კოცნიდით არა ვკოცნიდით უნდა გეთქვა;P

Int3lig3nt · Post by **Int3lig3nt** » 22 აპრ 2009, 22:03

არ ვიცოდით რა გვექნა... თბილისში დაბრუნება არ გვინდოდა, არადა თუ ასე გაგრძელდებოდა, ვერც საძილეებს გავაშრობდით და ვერც კარვებს.

ბეთანიაზე საერთოდ ვეღარ ვფიქრობდით, ამ პირობებში კი ვეღარ გავათევდით ღამეს, ჩვენც სველები ვიყავით.

თავიდან პანტიანში გადავწყვიტეთ ღამის გასათევის მოძებნა.
რამე მიტოვებული ქოხი იქნება და შეგვიშვებენ სოფლელებიო.
თუმცა ძალიან საეჭვო იყო ”ფეჩიანი” ან ბუხრიანი ცარიელი სახლის პოვნა, თან შეშაც საშოვნელი გვქონდა.

ფეხები ისედაც სველი გვქონდა და უფრო დაგვისველდა.

ეს წყარო წვერის წმინდა გიორგისკენ მიმავალ გზაზეა, დასაწყისში.

ესეც თვითონ წვერის წნიმდა გიორგის ეკლესია.
პანტიანიდან გადაღებული 12X გადიდებით.

13:00-ის მერე თოვლი წვიმამ შეცვალა და ნისლები დაიძრა ხეობიდან

kiki · Post by **kiki** » 22 აპრ 2009, 22:13

Int3lig3nt

მინდა რომ არასდროს დასრულდეს....

საოცრად აღწერ ამბებს გავგიჟდი

უმაგრესი რეპორტაჟიააა

Tamusia · Post by **Tamusia** » 22 აპრ 2009, 22:26

ეგ წყარო აღარ მახსოვდა

buddha_bar · Post by **buddha_bar** » 22 აპრ 2009, 22:55

ხოარ გავიმეროთ ოღონდ ნაკლები სირაულით

ბეთანიში დავბანაკდეთ და ...

z g a r b i · Post by **z g a r b i** » 22 აპრ 2009, 22:59

Tamusia wrote:ეგ წყარო აღარ მახსოვდა

რაც ჩვენ მაგაზე ვიმარჩიელეთ, დასალევი წყალი იყო თუ ძროხების ავზი

ბოლოს აქა-იქ დაყრილი ჭიქების მიხედვით ვინსჯელეთ, რომ დასალევი იყო

z g a r b i · Post by **z g a r b i** » 22 აპრ 2009, 23:00

buddha_bar wrote:ხოარ გავიმეროთ ოღონდ ნაკლები სირაულით ბეთანიში დავბანაკდეთ და ...

აზრიანად ხო?

buddha_bar · Post by **buddha_bar** » 22 აპრ 2009, 23:04

z g a r b i wrote:
buddha_bar wrote:ხოარ გავიმეროთ ოღონდ ნაკლები სირაულით ბეთანიში დავბანაკდეთ და ...
აზრიანად ხო?

ხო რა

Int3lig3nt · Post by **Int3lig3nt** » 22 აპრ 2009, 23:35

პანტიანში არავინ არ ჩანდა.
ყველა სააღდგომო სამზადისში იყო ალბათ.
გამოვიარეთ ტრასაზე და მიტოვებულს, არცერთი სახლი არ ჰგავდა.

ავტობუსის გაჩერებასთან მივედით და ზღარბი და თეო წავიდნენ სოფლის დასაზვერად.
ჩვენ იმედი არ გვქონდა, რომ რამეს ნახავდნენ.

ცოტა ხანში კაცმა გამოიარა გზაზე, ეტყობოდა, ადგილობრივი იყო.

მე მაინც ბეთანიისკენ მიმიწევდა გული და ვკითხე, ბეთანიისკენ რამე გადახურული არ არის, ღამე რომ გავათიოთ-თქო?

კი, იქ ”დაჩებია” და უმეტესობა ცარიელი არისო.
ჩვენი სოფლელი ბიჭია ყარაულად და ჩადით, რამეს მოგინახავთო.
აქედან 6 კილომეტრია ბეთანიის მონასტრამდე, ”დაჩებამდე” სამიო.

გაგვიხარდა რა თქმა უნდა, დაველოდეთ თეოს და ზღარბს, რომლებიც ”ხელცარიელები” დაბრუნდნენ და გზას გავუდექით.

მიუხედავად იმისა, რომ ასფალტზე გვიწევდა სიარული, მაინც რთული იყო.
აღმართები გვქონდა გასავლელი და თან უკვე დაღლილები ვიყავით.
სველი ფეხები და დამძიმებული ტვირთიც თავისას შვრებოდა.

14:40-ზე მივაღწიეთ ბეთანიის გადასახვევს

გადასახვევთან ასეთი ლამაზი ტყე იყო, ოღონდ დაბინძურებული პოლიეთილენის პარკებით და ბოთლებით.
ვეცადე კადრში არ გამოჩენილიყო

ყველას მოგვინდა მაგ ტყით ჩასვლა, მაგრამ დარწმუნებული არ ვიყავით, რომ სწორად ჩავიდოდით (კიდევ კაი, არ ჩავედით, თორე დავიკარგებოდით სადღაც

).

Int3lig3nt · Post by **Int3lig3nt** » 22 აპრ 2009, 23:53

ერთი საათი ვიარეთ, სანამ ბეთანიის აგარაკები გამოჩნდებოდა.
ამჯერად დაღმართებზე გვიწევდა სიარული, მაგრამ სამაგიეროდ ტლაპოიან-ტალახიანი გზა იყო და ისედაც სველი ფეხები უფრო გვისველდებოდა და გვესვრებოდა.

ბეთანიის აგარაკების გამოჩენა ძალიან გაგვიხარდა.

თუმცა მაგაზე მეტად წვერის წმინდა გიორგის ეკლესიის გამოჩენამ გაგვახარა
(თეთრი წერტილია შუაში)

ახლო კადრიდან:

ამ გადმოსახედიდან, ნათლად ჩანდა, რამხელა გზა გავიარეთ და ალბათ ყველას გული სიამაყით აგვევსო

.

nataliko-nataliko · Post by **nataliko-nataliko** » 24 აპრ 2009, 01:55

ინტელ ყოჩაღი ხარ

თოვლი?!

შემცივდა მართლა.

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS