კარავი

შაბათს ძამას ხეობაში ვიყავი. საპატრიარქოს ტურიზმის დეპარტამენტის ტურით.მიუხედავად იმისა, რომ ეს ჩემი პირველი ვიზიტი არ ყოფილა იმ მხარეს და ორი თვის წინაც გახლდით იქ, მოვიხიბლე, გავოგნდი, გავოცდი... მართალია, რომ წელიწადის სხვადასხვა დრო სულ სხვა ელფერს აძლევს ნებისმიერ ადგილს. მაგრამ ეს ხეობა და, განსაკუთრებით ქოზიფა, ულამაზესია თურმე შემოდგომით.

ჯერ ქოზიფისკენ გავემერთეთ, რომელიც ამ ოთხი მონასტრიდან ყველაზე შორს მდებარეობს. ქარელიდან დაწყებული, საშინელი გზაა, რომელიც უფრო და უფრო ფუჭდება. სულ 35 კმ-ია, მაგრამ თითქმის 2.5 საათი მივდიოდით. გზად ულამაზესი ხედები იშლებოდა.

როგორც იქნა, ქოზიფაც გამოჩნდა

Mta Mkvarebia - განაგრძე. ძალიან ლამაზი ფოტოებია...

ქოზიფა ზღვის დონიდან 1420 მეტრზე მდებარეობს. მონასტერი შვიდი ტაძრისგან შედგება, აქედან ყველაზე დიდი ღვთისმშობლის ტაძრად მიყვანების ეკლესიაა, რომლის რესტავრაციას ამჟამად მიმდინარეობს. გარდა ამისა აქ არის შიო მღვიმელის, წმ. გიორგის, ყოველთა წმიდათა, მთავარანგელოზთა, 13 ასურელ მამათა სახელობის და ლაზარეს აღდგინების (საძვალე) ეკლესიები. მონასტერი VI-VII-XIIIსაუკუნეებით თარიღდება. ანუ ყველაზე ძველი ეკლესია VI-VII საუკუნეში აგებულა , ხოლო XIII საუკუნეში აქ სამონასტრო ცხოვრება ყვაოდა. მაგრამ წლების განმავლობაში მონასტერმა ნგრევა განიცადა. კომუნისტების შემდეგ ბერებმა მოღვაწეობა აქ 1997 წლიდან გააგრძელეს. აი ასე გამოიყურებოდა მონასტერი სანამ შეაკეთებდნენ, გადახურავდნენ და მიწისგან გაწმენდნენ.

guruli wrote:Mta Mkvarebia - განაგრძე. ძალიან ლამაზი ფოტოებია...

ეკლესიის გვერდით მდებარე ეს სოჭი სამდენიმე საუკუნისაა. იქვე მდგარა მეორე სოჭის ხეც, რომელიც ხელს უშლიდათ ,ამიტომ მოუჭრიათ და მისგან ეკლესია აუგიათ. იმ ეკლესიის ფოტოებს ქვემოთ დავდებ.

ბერების კელიები:

ეს ღვთისმშობლის ტაძრად მიყვანების ეკლესიის აღმოსავლეთი კედელია. ეს მოცისფრო-მოლურჯო ქვისგან გამოქანდაკებული ჯვარი წელიწადის დროების მიხედვით იცვლის ფერს.



ეს უძველესი ხის საწიგნურია. რამოდენიმე საუკუნისაა.

შესასვლელი საძვალეში, იგივე ლაზარეს აღდგინების ტაძარში



საძვალე





ზოგერთ თავის ქალას ნათლად ემჩნევა ჯვრის გამოსახულება. საოცარი გრძნობა გეუფლება ამის ხილვისას...



ამ თავის ქალას ნათლად ემჩნევა, რომ ძვალი შუბითაა გახვრეტილი...

ძალიან ლამაზია

13 ასურელი მამის სახელობის ახლადაშენებული ტაძარი. მეუფე იობის (ძამას ხეობა რუის-ურბნისის ეპარქიაში შედის) ხელმძღვანელობითაა აგებული. როგორც გვითხრეს, აქ მეუფეს საკუთარი კელიაც აქვს.

მონასტრიდან 150 მეტრის მოშორებით განდეგილი ბერის, მამა იოანეს სამყოფელია ღია ცის ქვეშ. სასთუმლად ქვის ლოდებია, ხის მორის გადანაჭრელზე ლოცვანი და რამოდენიმე საღვთო წიგნი დევს. იქვე ხეში გამოკვეთილი და მოხატულია (თავად მამა იოანეს მიერ) მოზრდილი ზომის ულამაზესი ხატი. მამა იოანე მონასტერში არ დაგვხვდა, თურმე განსაკუთრებული ჭვრეტის ნიჭით არის დაჯილდოვებული. მართლაც განსაკუთრებული აურა აქვს, ჯერ კიდევ ქოზიფაში ჩემი 3 თვის წინანდელი ვიზიტისას დამამახსოვრდა... აქ, ამ ხესთან ადრე თურმე სხვა ბერი ცხოვრობდა, რომელიც გარდაცვლილა.

ეს ბოხვერაა. სამი თვის წინ ბურთივით მრგვალი ლეკვი იყო, ახლა კი ხედავთ, რამხელაა?

Ninukala wrote:ძალიან ლამაზია

მართლაც საოცარია. ვისაც არ გინახავთ, გირჩევთ ნახოთ...