კარავი

დართლო

დართლოს ანატორიუმები

სოფლის ხიდთან მისულებს წვიმაც მოგვეწია.

დართლოში გავიშალეთ ზოგი აივნებზე, ზოგი ონისეს ეზოში გამართულ კარვებში. წვიმამ ის ღამე და შემდეგი დილა ცეცხლს შემოგვკრიბა, დართლოს კოშკებს, აივნიან სახლებს, ხატსა და საჯარეს შორის გვაბოდიალა.

წვიმის მიუხედავად, გადავწყვიტეთ მეორე დღისათვის დაგეგმილი სოფლებიდან (ჰეღო, გირევი, ფარსმა, ჭეშო ) რასაც შევძლებდით ის გვენახა. გირევამდე თავხსმა წვიმაში ვიარეთ. ონისეს კამაზით მდინარეები რამდენჯერმე გადავლახეთ. გირევში მისულები კოშკებმა იმდენად მოგვხიბლა, რომ წვიმამ იკლო თუ არა, მათკენ გავემართეთ..

შორიდან დანახული კოშკი სურვილს გიჩენს, ახლოს მიხვიდე, მიეტოლო:) დარწმუნდე მის სიდიდე–სიდიადეში.



ამ საქმიანობაში ყოფნისას წვიმა მიწყნარდა.

გირევში დაბანაკებულ მესაზღვრეებთან თათბირის შემდეგ შორენამ და ონისემ შემოგვთავაზეს ჰეღოს დალაშქრა გვეცადა. სიხარული დავთანხმდით. ჩვენი კამაზი გაემართა მდინარეების ნაკადებთან საბრძოლველად და შედეგად პირდაპირ ჰეღოს ძირს მიგვაყენა (ზოგს რა გადარევს და მე გადამრია ამ მანქანის შესაძლებლობებმა:)

ნაწვიმარ ბალახზე ფრთხილი ნამბიჯით ავუყევით ჰეღოს კოშკებს, ბიჭები მთის წვერზე მდგარ ხატამდე ავიდენენ და იქიდან გადმოსძახეს ხეობას. ამ ხეობის სახელი არ მახსოვს, მის ლამაზ ფონზე სურათებიც გადავიღეთ დები იშხნელებივით.

ჰეღოს ერთ-ერთი ცნობილი კოშკი